Read O‘zbek tilidagi Muqaddas Kitob, 2013 Zabur 62 Bible Online

Zabur 62 - O‘zbek tilidagi Muqaddas Kitob, 2013 bible

Zabur 62

¹Yahudo cho‘lida bo‘lganda, Dovudning aytgan sanosi.

²Ey Xudo, mening Xudoyimsan, intilaman Senga, Quruq, toliqqan suvsiz tuproqday Jonim tashnadir Senga, Vujudim orzumanddir Senga.

³Muqaddas maskaningda Senga nigoh tashladim, Qudratingni, shuhratingni ko‘rdim.

⁴Hayotdan afzal Sening sevging, Tilimdan tushmas Sening olqishing.

⁵Bir umr Seni olqishlayman, Qo‘llarimni ko‘tarib, Senga sajda qilaman.

⁶Ilik bilan yog‘ yeganday jonim mamnun bo‘ladi, Shodiyona qo‘shiqlar ila Seni madh qilaman.

⁷O‘rnimda yotib ham, Seni eslayman, Seni o‘ylab, tunni qarshi olaman.

⁸O‘zing Mening madadkorim bo‘lding, Qanotlaring soyasida sevinch ila kuylayman.

⁹Sening ortingdan qolmay ergashaman, O‘ng qo‘ling meni mahkam tutadi.

¹⁰Jonimning payiga tushganlar Yerning qa’riga tushib yo‘q bo‘lib ketadi.

¹¹Ular qilichning damiga yo‘liqadi, Chiyabo‘rilarga yem bo‘ladi.

¹²Shoh esa Xudodan sevinch topadi, Xudo nomi bilan ont ichganlar Uni madh qiladi, Yolg‘onchilarning og‘zi esa yopiladi.