Read O‘zbek tilidagi Muqaddas Kitob, 2013 Zabur 66 Bible Online

Zabur 66 - O‘zbek tilidagi Muqaddas Kitob, 2013 bible

Zabur 66

¹Ijrochilar rahbariga. Torli asboblar jo‘rligida. Sano. Qo‘shiq.

²Ey Xudo, mehribon bo‘lgin, baraka bergin bizga, Yuzing nurini sochgin lutf ila ustimizga,

³Zaminda ma’lum bo‘ladi Sening yo‘llaring, Jamiki xalqlar orasida ma’lum bo‘ladi Sening najoting.

⁴Ey Xudo, xalqlar Seni madh qilsin, Jamiki xalqlar Senga hamdu sano aytsin.

⁵Xalqlarni Sen odillik ila hukm qilasan, Zamin uzra elatlarga yo‘lboshchilik qilasan, Sevinsin xalqlar, shodlanib qo‘shiq aytsin.

⁶Ey Xudo, xalqlar Seni madh qilsin, Jamiki xalqlar Senga hamdu sano aytsin.

⁷Yer o‘z hosilini bersin, Xudoyimizning O‘zi bizga baraka bersin.

⁸Ha, Xudo bizga baraka bersin! Yerning to‘rt tomonidagi xalqlar Unga tiz cho‘ksin.