Read O‘zbek tilidagi Muqaddas Kitob, 2013 Zabur 8 Bible Online

Zabur 8 - O‘zbek tilidagi Muqaddas Kitob, 2013 bible

Zabur 8

¹Ijrochilar rahbariga. Soz jo‘rligida. Dovud sanosi.

²Ey Egam, bizning Rabbimiz! Butun yer yuzida Sening noming ulug‘vordir! Osmondan ham yuksakdir Sening shuhrating! [1]

³Dushmanlaringning, qasoskorlarning Ovozini o‘chiray, deya Sen bolalar va chaqaloqlarni O‘z qudratingni so‘ylashga o‘rgatding.

⁴Qo‘llaring ijodi bo‘lgan osmoningga qaradim, O‘zing joylashtirgan yulduzlaru oyga boqdim.

⁵Inson zoti nedirki, u haqda o‘ylagaysan?! Bandalar [2] nedirki, Sen ularni ardoqlaysan?!

⁶Sen ularni O‘zingdan [3] andak past qilding, Izzatu sharaf tojini ularga kiygizding.

⁷Jamiki yaratganing uzra ularni hukmron qilding [4], Bor narsani ularning oyog‘i ostiga qo‘yding:

⁸Jamiki molu qo‘ylarni ham, Barcha yovvoyi hayvonlarni ham,

⁹Samodagi qushlaru dengiz baliqlarini — Dengizda suzuvchi har xil maxluqlarni. Ha, ularning ustidan insonni hukmron qilding.

¹⁰Ey Egam, bizning Rabbimiz! Butun yer yuzida Sening noming ulug‘vordir!