Read O‘zbek tilidagi Muqaddas Kitob, 2013 Zabur 84 Bible Online

Zabur 84 - O‘zbek tilidagi Muqaddas Kitob, 2013 bible

Zabur 84

¹Ijrochilar rahbariga. Ko‘rax naslining [1] sanosi.

²Ey Egam, O‘z yurtingga marhamat ko‘rsatgansan, Yoqub naslini yana farovonlikka erishtirgansan.

³Xalqingning ayblarini unutgansan, Ularning gunohlarini kechirgansan.

⁴Butun g‘azabingni jilovlading, Qahrli g‘azabingdan qaytding.

⁵Ey najotkorimiz Xudo, Oldingi holimizga bizni qaytargin, Bizga qarshi bo‘lgan g‘azabingni to‘xtatgin.

⁶Sen bizdan to abad g‘azablanasanmi? G‘azabingni nasllar osha cho‘zaverasanmi?

⁷Xalqim Menda sevinch topsin, deya Bizga yana yangi hayot baxsh etmaysanmi?

⁸Ey Egam, bizga sodiq sevgingni ko‘rsat, Bizga najotingni ato qil.

⁹Parvardigor Egamiz aytayotganiga quloq solaman, U O‘z xalqiga, O‘z taqvodorlariga tinchlik va’da qilayotir, Endi ular bema’ni yo‘llariga [2] qaytmasin.

¹⁰Shubhasiz, Egamizdan qo‘rqqanlarga Uning O‘zi najot berishga tayyor turadi, Bizning yerimizda Uning ulug‘vorligi makon topadi

¹¹Sodiq sevgi va haqiqat uchrashadi, Adolat, tinchlik bir–biri ila o‘pishadi.

¹²Haqiqat zamindan o‘sib chiqadi, Adolat samodan turib boqadi.

¹³Egamiz chindan ne’matin yog‘diradi, Yerimiz o‘z hosilini beradi.

¹⁴Adolat Egamizning oldida yuradi, Uning qadamlari uchun yo‘l tayyorlaydi.