Read O‘zbek tilidagi Muqaddas Kitob, 2013 Zabur 94 Bible Online

Zabur 94 - O‘zbek tilidagi Muqaddas Kitob, 2013 bible

Zabur 94

¹Kelinglar, sevinch ila Egamizni kuylaylik, Najotimiz qoyasiga shodlik ila hayqiraylik.

²Shukrona aytib, Uning huzuriga boraylik, Qo‘shiqlar aytib Unga shodlik ila hayqiraylik.

³Zotan, Egamiz ulug‘ Xudodir, Jamiki xudolar ustidan ulug‘ Shohdir.

⁴Zaminning eng chuqur joylari Uning qo‘lidadir, Tog‘larning cho‘qqilari ham Unikidir.

⁵Unikidir O‘zi yaratgan dengiz ham, Qo‘li barpo qilgan quruq yer ham.

⁶Kelinglar, ta’zim qilib, sajda etaylik, Yaratgan Egamiz oldida tiz cho‘kaylik.

⁷U Xudoyimizdir, biz Uning yaylovidagi xalqmiz, Biz Uning qo‘l ostidagi qo‘ylarmiz. Egamiz shunday deydi: “Qaniydi bugun Mening ovozimga quloq solsangiz!

⁸Otalaringiz kabi tosh yurak bo‘lmanglar Marivadagiday, Sahrodagi Massaxda o‘sha kuni ular qilganlariday [1].

⁹Otalaringiz qilgan ishlarimni ko‘rsa ham, U yerda Meni sinab ko‘rdilar.

¹⁰Qirq yil u nasldan nafratlanib [2], Shunday dedim: ‘Bu xalq Mendan yuz o‘giradi, Amrlarimga bo‘ysunishdan bosh tortadi.’

¹¹Shu bois g‘azablanib, ont ichdim: ‘Ular farog‘at diyorimga kirmaydi’, dedim [3].”