Read O‘zbek tilidagi Muqaddas Kitob, 2013 Hikmatlar 13 Bible Online

Hikmatlar 13 - O‘zbek tilidagi Muqaddas Kitob, 2013 bible

Hikmatlar 13

¹Aqlli farzand [1] otasining nasihatlarini qabul qiladi, mazax qiluvchi esa tanbehga quloq solmaydi.

²Yaxshi odam so‘zlari bilan yaxshilikka erishadi, xoin esa zo‘ravonlikka.

³Tilini tiygan jonini asraydi, tiliga erk bergan esa halokatga uchraydi.

⁴Dangasaning ko‘ngli xohlaydi–yu, ammo hech narsaga erisha olmaydi, tirishqoq esa orzusiga yetishadi.

⁵Solih yolg‘ondan nafratlanadi, fosiq esa uyatli va sharmandali ishlar qiladi.

⁶Solihlik to‘g‘ri yuradiganni himoya qiladi, fosiqlik esa gunohkorni halok qiladi.

⁷Shunday odam bor, hech narsasi yo‘g‘–u, o‘zini boy ko‘rsatadi. Yana shunday odam bor, boyligi ko‘p–u, o‘zini qashshoq ko‘rsatadi.

⁸Jonning haqi — uning boyligi, kambag‘al esa do‘q–po‘pisadan qo‘rqmaydi.

⁹Solihlarning chirog‘i doim charog‘on, fosiqniki esa o‘chib qoladi.

¹⁰Mag‘rurlikdan faqat urush chiqadi, nasihatga quloq solgan odamda esa donolik bor.

¹¹Hiyla bilan topilgan davlat yo‘qoladi, mehnat bilan topilgani esa ko‘payadi.

¹²Ro‘yobga chiqmagan umid yurakni ezadi, ushalgan orzu esa hayot daraxtidir.

¹³Pand–nasihatlardan nafratlangan o‘ziga halokat keltiradi, amrga quloq solgan esa taqdirlanadi.

¹⁴Dononing ta’limoti — hayot manbayi, odamni o‘lim tuzog‘idan xalos etadi.

¹⁵Idrokli inson marhamatga erishadi, xoinning yo‘li esa mashaqqatlidir [2].

¹⁶Zukko odam aql bilan ish qiladi, aqlsiz esa ahmoqligini ko‘rsatadi.

¹⁷Yomon xabarchi kulfat olib keladi, sodiq xabarchi esa yurakka shifo keltiradi.

¹⁸Nasihatga quloq solmaganlarga qashshoqlik va uyat, tanbehga quloq solganlarga esa hurmat–izzat.

¹⁹Amalga oshgan tilak jonga rohat beradi, nodon odam yomonlikdan ayrilishni rad etadi.

²⁰Dono bilan yurgan dono bo‘ladi, ahmoqqa yo‘ldosh bo‘lgan esa halok bo‘ladi.

²¹Baxtsizlik gunohkorning ketidan quvib yuradi, solihning mukofoti esa baxt–saodatdir.

²²Yaxshi odam bolalarining bolalariga ham meros qoldiradi, fosiqning boyligi esa solihga nasib etadi.

²³Kambag‘alning dalasida g‘alla mo‘l, lekin adolatsizlik tufayli vayron bo‘ladi.

²⁴Kaltakni ayagan odam o‘g‘lini yomon ko‘radi, o‘g‘lini sevgan esa yoshlikdan tartib–intizomga o‘rgatadi.

²⁵Solih qorni to‘yib ovqat yeydi, fosiq esa och qoladi.