Read O‘zbek tilidagi Muqaddas Kitob, 2013 Hikmatlar 9 Bible Online

Hikmatlar 9 - O‘zbek tilidagi Muqaddas Kitob, 2013 bible

Hikmatlar 9

¹Donolik uy qurdi, uyining yetti ustunini qo‘ydi.

²Qurbonlik keltirdi, sharob tayyorlab, dasturxon yozdi.

³Xizmatkorlarini shaharning eng baland joyiga yuborib, ular orqali:

⁴“Kim sodda [1] bo‘lsa, bu yoqqa kelsin”, — deb chaqirdi, aqlsizlarga shunday dedi:

⁵“Kelinglar, taomimdan yenglar. Men tayyorlagan sharobdan ichinglar.

⁶G‘aflatdan voz kechinglar, shunda yashaysizlar, idrok yo‘lidan yuringlar.”

⁷Mazax qiluvchiga tanbeh bergan tahqirlanadi, fosiqning xatosini aytgan haqoratlanadi.

⁸Mazax qiluvchiga tanbeh berma, bo‘lmasa sendan nafratlanadi. Donoga tanbeh ber, shunda seni sevadi.

⁹Donoga o‘rgatsang, yanada donoroq bo‘ladi. Solihni o‘qitsang, bilimini ko‘paytiradi.

¹⁰Egamizdan qo‘rqish [2] donolikning boshidir [3], Xudoni bilish idrokdir.

¹¹Chunki Men tufayli umringga umr qo‘shiladi.

¹²Dono bo‘lsang o‘zingga foyda, mazax qilsang o‘zing jabr tortasan.

¹³Ahmoq ayol shallaqi va farosatsizdir, hech narsani bilmaydi.

¹⁴Uyining eshigi oldida, shaharning eng baland joyida o‘tirib,

¹⁵yo‘lida to‘g‘ri yurgan, yonidan o‘tib ketayotganlarni:

¹⁶“Kimki sodda bo‘lsa, bu yoqqa kelsin”, — deb chaqiradi, aqlsizlarga shunday deydi:

¹⁷“O‘g‘irlangan suv shirindir, berkitib yeyilgan non esa mazali.”

¹⁸Lekin u yerda arvohlar borligini, uning mehmonlari o‘liklar diyorining [4] qa’rida ekanligini bilmaydilar.