Read O‘zbek tilidagi Muqaddas Kitob, 2013 Ishayo 20 Bible Online

Ishayo 20 - O‘zbek tilidagi Muqaddas Kitob, 2013 bible

Ishayo 20

¹Ossuriya shohi Sargon o‘z lashkarboshisini Ashdod shahriga yubordi. Lashkarboshi kelib Ashdodni qo‘lga oldi [1].

²O‘sha paytda Omiz o‘g‘li Ishayoga Egamiz shunday dedi: — Qani, egningdagi qanorni [2] yech, oyoqlaringdagi choriqlaringni yech. Ishayo aytilganlarni qildi. U yalang‘och, yalangoyoq yuradigan bo‘ldi.

³Shunda Egamiz dedi: — Qulim Ishayo uch yil yalang‘och, yalangoyoq yurgani Misr va Habashiston [3] to‘g‘risida belgi va nishona bo‘ldi.

⁴Ossuriya shohi Misr asirlarini, Habashiston tutqunlarini, yoshu qarisini yalang‘och, yalangoyoq, uyatli joylari ochiq holda haydab ketadi. Misr sharmanda bo‘ladi.

⁵Habashistonga umid bog‘lagan, Misrdan faxrlangan xalq isnodga qoladi.

⁶O‘sha kuni qirg‘oqdagi yurtning aholisi [4] shunday deb aytadi: “Biz ishonganlarning ahvolini ko‘rib qo‘ying. Ular bizga yordam berib Ossuriya shohining qo‘lidan qutqaradi, deb yurardik. Endi qanday qutularkanmiz?!”