Read O‘zbek tilidagi Muqaddas Kitob, 2013 Ishayo 21 Bible Online

Ishayo 21 - O‘zbek tilidagi Muqaddas Kitob, 2013 bible

Ishayo 21

¹Dengiz bo‘yidagi sahro [1] haqida bashorat. Nagav uzra ketma–ket esayotgan bo‘ronlar kabi, Cho‘l — qo‘rqinchli yurtdan kelayotir u.

²Og‘ir bir vahiy ko‘rdim: Xoin xoinlik qilayotir, Bosqinchi talon–taroj qilayotir. Egamning so‘zlarini eshitdim: “Ey Elam xalqi, hujum qil, Ey Midiya [2] xalqi, qamal qil! Jamiki nolalarga barham beraman!”

³Evoh, ko‘rganlarimdan ichimda og‘riq turdi, Tug‘ayotgan ayol kabi azoblar meni qamradi. Ikki bukildim eshitganlarimdan, Dahshatga tushdim ko‘rganlarimdan.

⁴Yuragim uvishib ketdi, Qo‘rquvdan titrab ketdim. Oqshomni kutgandim, U esa qo‘rquvga to‘la.

⁵Dasturxon hozirlamoqdalar, Gilamlar to‘shab, yeb–ichmoqdalar. Qo‘zg‘aling, ey rahnamolar, qalqonlarni yog‘lang!

⁶Rabbiy menga shunday dedi: “Qani, bir qorovul qo‘y, Ko‘rganini yetkazsin.

⁷Jang aravalarining, otliqlarning, Eshaklarga, tuyalarga minganlarning Juft–juft bo‘lib kelganini ko‘radi. Yaxshilab e’tibor bersin.”

⁸Shu lahzada qorovul sherday o‘kirib qoldi [3]: “Ey to‘ram, men kunduzi har doim Qorovul minorasida turaman, Har tun ham joyimdaman.

⁹Ana, jang aravalari, otliqlar Juft–juft bo‘lib kelayotir!” Shu on u baqirib xabar berdi: “Quladi, Bobil quladi! [4] Butlari sinib, yer bilan bitta bo‘ldi!”

¹⁰Eh, xalqim! Xirmonda bug‘doy kabi yanchilgan [5] xalqim! Isroil xalqining Xudosi — Sarvari Olamdan Eshitganlarimni sizga bildirdim.

¹¹Dumax [6] haqida bashorat. Seirdan [7] meni chaqirishar: “Ey posbon, qachon tong otar? Qachon tong otar?”

¹²Javobim shudir: “Tong otayotir, Ammo yana kech kiradi. Ko‘proq bilmoqchi bo‘lsangiz, Yana qaytib keling.”

¹³Arabiston haqida bashorat. G‘arb o‘rmonlarida tunaysiz, Ey Dedon [8] karvonlari!

¹⁴Ey Temo [9] aholisi! Suv keltiring, tashnalarga peshvoz chiqing! Qutulib omon qolganlarga non bering!

¹⁵Axir, ular qochayotirlar qilichdan, Yalang‘ochlangan qilichdan, Tarang tortilgan yoylardan, Shafqatsiz urushlardan.

¹⁶Rabbiy menga shunday dedi: “Yana bir yildan keyin, yollangan ishchining muddati kabi Kedarning [10] ulug‘vorligi barham topadi.

¹⁷Kedarning kamonkashu yoyandozlaridan ozginasi qoladi.” Ha, Isroil xalqining Xudosi — Egamiz shunday dedi.