Read O‘zbek tilidagi Muqaddas Kitob, 2013 Ishayo 25 Bible Online

Ishayo 25 - O‘zbek tilidagi Muqaddas Kitob, 2013 bible

Ishayo 25

¹Ey Egam, Sen mening Xudoyimsan. Sen ajoyib ishlar qilgansan, Men Seni sharaflayman. Qadim davrlardan rejalar tuzgansan, Ular sadoqatli va ishonchlidir.

²Yakson qilding dushmanlarimiz qal’alarini, Vayronaga aylantirding mustahkam shaharlarini, Yo‘q qilding uzoq yurtdagi ajoyib saroylarini, Ular hech qachon qayta tiklanmas.

³Endi kuchli xalqlar Seni izzat qiladi, Shafqatsiz xalqlar Senga sajda qiladi.

⁴Kambag‘al, bechoralar kulfatda qolganda, Sen ularga boshpana bo‘lding. Peshindagi jaziramadan soya, Jaladan panoh bo‘lding. Vahshiy g‘animlarning hujumi bo‘ronday bo‘ldi. Sen esa bizning panohimiz bo‘lding.

⁵Dushman shovqin–suroni Sahro issig‘i kabi bo‘lganda, Jazirama issiqni Sen Bulutlar soyasi ila bosding. Dushmanning sevinch qo‘shig‘i Sadolarini o‘chirding.

⁶Bu tog‘da [1]Sarvari Olam Jamiki xalqlar uchun Ajoyib ziyofat tayyorlar. Boy dasturxon, sara sharoblar, Yog‘li go‘shtlar, tiniq sharob tortiladi.

⁷O‘sha kuni Egam jamiki xalqlar ustidan Kafanlarini yechib tashlaydi. Mana shu tog‘da Egam Xalqlarni o‘ragan, elatlar ustidagi Yopinchiqni olib tashlaydi. Ha, U o‘limni butunlay yutib yuboradi.

⁸Egam Xudo hammaning ko‘z yoshlarini artib qo‘yadi, Butun yer yuzida O‘z xalqining uyatini olib tashlaydi. Ha, Egam shunday deb aytgan!

⁹O‘sha kuni ular shunday deydilar: “Mana, bizning Xudoyimiz, Qutqarsin, deb uni kutgandik, U bizga najot berdi. Kelinglar, quvonaylik, sevinaylik! Umid qilib kutgandik, Mana, bizning Egamiz.”

¹⁰Egamning O‘zi bu tog‘ni himoya qilar. Mo‘ab [2] xalqi yanchilgan somonday ezilar, Chiritish uchun go‘ng chuqurga uloqtirilar.

¹¹Ha, ular bor kuchi bilan Suzuvchiga o‘xshab chuqurdan chiqishga intilar. Ammo Xudo ularning g‘ururini yakson qilar, Qo‘llarining mohirligi foyda bermas.

¹²Mo‘abning qal’a devorlari buzib tashlanar, Vayronaga aylanar, yer bilan yakson bo‘lar.