Read O‘zbek tilidagi Muqaddas Kitob, 2013 Sahroda 17 Bible Online

Sahroda 17 - O‘zbek tilidagi Muqaddas Kitob, 2013 bible

Sahroda 17

¹Shundan keyin Egamiz Musoga dedi:

²— Isroil xalqiga ayt, ular har bir qabila yo‘lboshchisining tayog‘ini [1] olib kelishsin. Hammasi bo‘lib o‘n ikkita tayoq bo‘lsin. Har bir qabila yo‘lboshchisining ismini o‘z tayog‘iga yozib qo‘yinglar.

³Levi qabilasining tayog‘iga Horunning ismini yozinglar, har bir qabila yo‘lboshchisidan bittadan tayoq bo‘lishi lozim.

⁴Sen tayoqlarni Uchrashuv chodiriga olib kirib, Men sen bilan uchrashadigan joyga — ahd sandig‘i [2] oldiga qo‘y.

⁵Men tanlagan odamning tayog‘i kurtak chiqaradi. Shunday qilib, senga qarshilik qilayotgan Isroil xalqining ming‘irlab nolishlariga Men chek qo‘yaman.

⁶Muso Isroil xalqiga Egamizning gaplarini aytdi. Yo‘lboshchilar har bir qabila nomidan bittadan tayoqni berishdi, hammasi bo‘lib o‘n ikkita tayoq bo‘ldi. Horunning tayog‘i ham o‘sha tayoqlar orasida edi.

⁷Muso tayoqlarni Muqaddas ahd chodiriga [3] — Egamizning oldiga qo‘ydi.

⁸Ertasi kuni Muso Muqaddas ahd chodiriga kirib qarasa, Horunning Levi qabilasini ifoda etgan tayog‘i kurtak yozibdi, ko‘karib, gullabdi, hatto bodom tugibdi.

⁹Muso Egamizning huzuridagi hamma tayoqlarni Isroil xalqi oldiga olib chiqib ko‘rsatdi. Har bir yo‘lboshchi o‘z tayog‘ini oldi.

¹⁰Egamiz Musoga shunday amr berdi: — Horunning tayog‘ini ahd sandig‘i oldiga qaytarib olib borib qo‘y. Tayoq doimo o‘sha yerda saqlanib, isyonchilarni ogoh qilib tursin. Shunday qilib, sen ularning ming‘irlab nolishlariga chek qo‘yib, ularning qirilib ketishiga yo‘l qo‘ymaysan.

¹¹Egamiz qanday amr etgan bo‘lsa, Muso hammasini bajardi.

¹²Isroil xalqi esa Musoga faryod qildi: — Sho‘rimiz quridi! Kunimiz bitdi!

¹³Egamizning Muqaddas chodiriga yaqin borganlar nobud bo‘lishadi. Biz hammamiz qirilib ketamiz!