Read O‘zbek tilidagi Muqaddas Kitob, 2013 Sahroda 26 Bible Online

Sahroda 26 - O‘zbek tilidagi Muqaddas Kitob, 2013 bible

Sahroda 26

¹O‘latdan so‘ng Egamiz Muso bilan ruhoniy Horun o‘g‘li Elazarga dedi:

²“Jamiki Isroil xalqining urushga yaroqli bo‘lgan yigirma va undan yuqori yoshdagi hamma erkaklarini xonadoni bo‘yicha sanab chiqinglar.”

³Bu paytda Isroil xalqi Mo‘ab tekisligida, Yerixo shahri ro‘parasidagi Iordan daryosi bo‘yida qarorgoh qurgan edi. Muso bilan ruhoniy Elazar xalqqa:

⁴“Egamiz bizga amr qilganday yigirma yoshdan yuqori bo‘lgan erkaklarini sanab chiqinglar”, deb aytishdi. Misr yurtidan chiqqan jamiki Isroil xalqining ro‘yxati quyidagicha edi:

⁵Ruben Isroilning [1] to‘ng‘ichidir. Ruben o‘g‘illaridan kelib chiqqan urug‘lar shulardir: Xano‘xdan Xano‘x urug‘i, Palluvdan Palluv urug‘i,

⁶Xazrondan Xazron urug‘i, Karmidan Karmi urug‘i kelib chiqqan.

⁷Ruben urug‘lari mana shulardan iboratdir. Ular sanalganda, 43.730 kishi chiqdi.

⁸Palluvning Eliyob degan o‘g‘li bor edi,

⁹Eliyobning esa Namuvol, Datan va Aburam degan o‘g‘illari bor edi. Ko‘raxning izdoshlari Egamizga qarshi isyon ko‘tarishganda [2], ularga qo‘shilishib Muso bilan Horunga qarshi bosh ko‘targan Datan va Aburam o‘shalardir. Ular Isroil yo‘lboshchilari edi.

¹⁰Yer yorilib, Ko‘rax bilan birga ularni ham yutib yuborgandi. O‘sha kuni alanga Ko‘raxning 250 ta izdoshini kuydirib yo‘q qilgandi. Mana shu voqea xalqqa ogohlantirish edi.

¹¹Lekin Ko‘raxning o‘g‘illari o‘sha kuni omon qoldi.

¹²Shimo‘n o‘g‘illaridan kelib chiqqan urug‘lar shulardir: Namuvoldan Namuvol urug‘i, Yomindan Yomin urug‘i, Yoxindan Yoxin urug‘i,

¹³Zeraxdan Zerax urug‘i, Shovuldan Shovul urug‘i kelib chiqqan.

¹⁴Shimo‘n urug‘lari mana shulardan iboratdir. Ular sanalganda, 22.200 kishi chiqdi.

¹⁵Gad o‘g‘illaridan kelib chiqqan urug‘lar shulardir: Zafo‘ndan Zafo‘n urug‘i, Xagidan Xagi urug‘i, Shunodan Shuno urug‘i,

¹⁶Oznaxdan Oznax urug‘i, Yeridan Yeri urug‘i,

¹⁷Aro‘ddan Aro‘d urug‘i, Eralidan Erali urug‘i kelib chiqqan.

¹⁸Gad urug‘lari mana shulardan iboratdir. Ular sanalganda, 40.500 kishi chiqdi.

¹⁹[19-20] Yahudo o‘g‘illaridan kelib chiqqan urug‘lar shulardir: Shelodan Shelo urug‘i, Parazdan Paraz urug‘i, Zeraxdan Zerax urug‘i kelib chiqqan. Yahudoning ikki o‘g‘li G‘ur va O‘nan Kan’on yurtida olamdan o‘tgan edilar [3].

²⁰

²¹Parazdan kelib chiqqan urug‘lar shulardir: Xazrondan Xazron urug‘i, Xomuldan Xomul urug‘i kelib chiqqan.

²²Yahudo urug‘lari mana shulardan iboratdir. Ular sanalganda, 76.500 kishi chiqdi.

²³Issaxor o‘g‘illaridan kelib chiqqan urug‘lar shulardir: To‘lodan To‘lo urug‘i, Puvaxdan Puvax urug‘i,

²⁴Yoshuvdan Yoshuv urug‘i, Shimrondan Shimron urug‘i kelib chiqqan.

²⁵Issaxor urug‘lari mana shulardan iboratdir. Ular sanalganda, 64.300 kishi chiqdi.

²⁶Zabulun o‘g‘illaridan kelib chiqqan urug‘lar shulardir: Sareddan Sared urug‘i, Elo‘ndan Elo‘n urug‘i, Yaxliyoldan Yaxliyol urug‘i kelib chiqqan.

²⁷Zabulun urug‘lari mana shulardan iboratdir. Ular sanalganda, 60.500 kishi chiqdi.

²⁸Yusufning o‘g‘illari Manashe va Efrayimdan kelib chiqqan urug‘lar quyidagilardir:

²⁹Manashedan kelib chiqqan urug‘lar shulardir: Moxirdan Moxir urug‘i kelib chiqdi. Gilad urug‘i Moxirning o‘g‘li Giladdan kelib chiqqan.

³⁰Giladdan kelib chiqqan urug‘lar quyidagichadir: Yazardan Yazar urug‘i, Xalekdan Xalek urug‘i,

³¹Osriyoldan Osriyol urug‘i, Shakamdan Shakam urug‘i,

³²Shamidodan Shamido urug‘i, Xaferdan Xafer urug‘i kelib chiqqan.

³³Xafer o‘g‘li Zalofxodning o‘g‘li yo‘q, qizlari bor edi, xolos. Zalofxod qizlarining ismlari Maxlo, Nuvah, Xo‘glax, Milxo va Tirza edi.

³⁴Manashe urug‘lari mana shulardan iboratdir. Ular sanalganda, 52.700 kishi chiqdi.

³⁵Efrayim o‘g‘illaridan kelib chiqqan urug‘lar shulardir: Shutalaxdan Shutalax urug‘i, Boxirdan Boxir urug‘i, Taxandan Taxan urug‘i kelib chiqqan.

³⁶Shutalax o‘g‘li Irondan Iron urug‘i kelib chiqqan.

³⁷Efrayim urug‘lari mana shulardan iboratdir. Ular sanalganda, 32.500 kishi chiqdi. Yusuf nasli urug‘lari bo‘yicha ana shulardan iboratdir.

³⁸Benyamin o‘g‘illaridan kelib chiqqan urug‘lar shulardir: Belaxdan Belax urug‘i, Oshboldan Oshbol urug‘i, Oxiramdan Oxiram urug‘i,

³⁹Shafufamdan Shafufam urug‘i, Xufamdan Xufam urug‘i kelib chiqqan.

⁴⁰Belaxning o‘g‘illari Ard va No‘mandan kelib chiqqan urug‘lar shulardir: Arddan Ard urug‘i, No‘mandan No‘man urug‘i kelib chiqqan.

⁴¹Benyamin urug‘lari mana shulardan iboratdir. Ular sanalganda, 45.600 kishi chiqdi.

⁴²Dan o‘g‘li Xushimdan Xushim [4] urug‘i kelib chiqqan. Dan urug‘lari shulardan iboratdir:

⁴³butun Dan nasli Shuxom urug‘idan tashkil topgan edi. Ular sanalganda, 64.400 kishi chiqdi.

⁴⁴Osher o‘g‘illaridan kelib chiqqan urug‘lar shulardir: Yimnaxdan Yimnax urug‘i, Yishvidan Yishvi urug‘i, Bariyodan Bariyo urug‘i kelib chiqqan.

⁴⁵Bariyo o‘g‘illaridan kelib chiqqan urug‘lar shulardir: Xaberdan Xaber urug‘i, Malxiyoldan Malxiyol urug‘i kelib chiqqan.

⁴⁶Osherning Serax degan qizi ham bor edi.

⁴⁷Osher urug‘lari mana shulardan iboratdir. Ular sanalganda, 53.400 kishi chiqdi.

⁴⁸Naftali o‘g‘illaridan kelib chiqqan urug‘lar shulardir: Yaxzayoldan Yaxzayol urug‘i, Go‘nodan Go‘no urug‘i,

⁴⁹Izardan Izar urug‘i, Shillemdan Shillem urug‘i kelib chiqqan.

⁵⁰Naftali urug‘lari mana shulardan iboratdir. Ular sanalganda, 45.400 kishi chiqdi.

⁵¹Shunday qilib, Isroil xalqining hamma erkaklari sanalganda, 601.730 kishi chiqdi.

⁵²Egamiz Musoga dedi:

⁵³“Yerni qabilalarga odamlarning soniga ko‘ra, mulk qilib bo‘lib ber.

⁵⁴Katta qabilaga kattaroq ulush ber, kichik qabilaga kichikroq ulush ber. Har bir qabilaga ro‘yxatga olingan odamlarning miqdoriga qarab ulush berilsin.

⁵⁵Yerni qabilalarga ro‘yxatdagi odamlarning soniga qarab bo‘lib berayotganingizda, qur’a tashlanglar [5].

⁵⁶Har bir qabilaning ulushi qabilaning katta–kichikligiga qarab qur’a bo‘yicha taqsimlansin.”

⁵⁷Levi qabilasining ro‘yxati esa, urug‘lari bo‘yicha, quyidagichadir: Gershondan Gershon urug‘i, Qohotdan Qohot urug‘i, Maroridan Marori urug‘i kelib chiqqan.

⁵⁸Bu urug‘lardan: Lubnax urug‘i, Xevron urug‘i, Maxli urug‘i, Mushi urug‘i, Ko‘rax urug‘i kelib chiqqan. Qohot Imromning otasi edi.

⁵⁹Imromning xotini esa Yo‘xavad degan ayol edi. Yo‘xavad Levining qizi bo‘lib, u Misrda tug‘ilgan edi. Yo‘xavad Imromga ikki o‘g‘il — Horun va Musoni hamda bir qiz — Maryamni tug‘ib berdi.

⁶⁰Horunning Nadov, Abihu, Elazar, Itamar degan o‘g‘illari bor edi.

⁶¹Nadov va Abihu Egamiz amr etmagan olovni Uning huzuriga olib kelganlari uchun nobud bo‘lgan edilar [6].

⁶²Shunday qilib, Levi qabilasining bir oylik va undan yuqori yoshdagi erkaklari sanalganda, 23.000 kishi chiqdi. Levilarga Isroil xalqi orasida ulush berilmagani uchun, ular Isroil xalqi qatorida ro‘yxatga olinmagan edi.

⁶³Muso bilan ruhoniy Elazar Mo‘ab tekisligida, Yerixo shahri ro‘parasidagi Iordan daryosi bo‘yida ro‘yxatga olgan Isroil xalqi ana shulardan iborat edi.

⁶⁴Muso bilan ruhoniy Horun Sinay sahrosida ro‘yxatga olgan odamlarning birortasi bu ro‘yxatga kirmadi,

⁶⁵chunki Egamiz Isroil xalqining o‘sha avlodiga: “Sizlar sahroda o‘lib ketasizlar”, deb aytgandi [7]. Ulardan faqat Natan o‘g‘li Xolib va Nun o‘g‘li Yoshua tirik qolgan edi.