Read O‘zbek tilidagi Muqaddas Kitob, 2013 Sahroda 29 Bible Online

Sahroda 29 - O‘zbek tilidagi Muqaddas Kitob, 2013 bible

Sahroda 29

¹Yettinchi oyning [1] birinchi kunida butun xalq muqaddas yig‘inga kelsin, har kungi ishlaringizni qilmanglar. O‘sha kuni karnaylar chalinsin.

²Egamizga yoqimli hid borishi uchun bitta buqani, bitta qo‘chqorni va yettita bir yoshli qo‘chqor qo‘zini kuydiriladigan qurbonlik qilinglar. Jonivorlar nuqsonsiz bo‘lsin.

³Qurbonliklarga qo‘shib quyidagi miqdorda zaytun moyi aralashtirilgan sifatli unni don nazri qilib keltiringlar: buqa bilan o‘n ikki kosa [2] un, qo‘chqor bilan sakkiz kosa [3] un,

⁴har bir qo‘chqor qo‘zi bilan to‘rt kosa [4] un.

⁵O‘zlaringizni gunohlardan poklash uchun bitta takani gunoh qurbonligi qilinglar.

⁶Bu nazrlar har oyning boshida va kunda kuydiriladigan qurbonliklardan [5], ularga qo‘shib, belgilangan miqdorda qilinadigan don bilan sharob nazrlaridan tashqari keltirilsin. Bular Egamizga yoqimli hid borishi uchun olovda kuydirilsin.

⁷Yettinchi oyning [6] o‘ninchi kuni ham butun xalq muqaddas yig‘inga kelsin. Shu kuni ro‘za tutinglar, hech qanday ish qilmanglar.

⁸Egamizga yoqimli hid borishi uchun bitta buqani, bitta qo‘chqorni va yettita bir yoshli qo‘chqor qo‘zini kuydiriladigan qurbonlik qilinglar. Jonivorlar nuqsonsiz bo‘lsin.

⁹Bu qurbonliklarga qo‘shib quyidagi miqdorda zaytun moyi aralashtirilgan sifatli unni don nazri qilib keltiringlar: buqa bilan o‘n ikki kosa un, qo‘chqor bilan sakkiz kosa un,

¹⁰har bir qo‘chqor qo‘zi bilan to‘rt kosa un.

¹¹Bitta takani gunoh qurbonligi qilinglar. Bu nazrlar gunohlardan poklash qurbonligidan va unga qo‘shib qilinadigan sharob nazridan hamda kunda kuydiriladigan qurbonliklaru [7] ularga qo‘shib qilinadigan don bilan sharob nazrlaridan tashqari keltirilsin.

¹²Yettinchi oyning [8] o‘n beshinchi kuni ham butun xalq muqaddas yig‘inga kelsin. Har kungi ishlaringizni qilmanglar. Yetti kun davomida Egamizga atab bayram qilinglar.

¹³Birinchi kuni Egamizga yoqimli hid borishi uchun o‘n uchta buqani, ikkita qo‘chqorni va o‘n to‘rtta bir yoshli qo‘chqor qo‘zini olovda kuydiriladigan qurbonlik qilinglar. Jonivorlar nuqsonsiz bo‘lsin.

¹⁴Bu qurbonliklarga qo‘shib quyidagi miqdorda zaytun moyi aralashtirilgan sifatli unni don nazri qilib keltiringlar: har bir buqa bilan o‘n ikki kosa un, har bir qo‘chqor bilan sakkiz kosa un,

¹⁵har bir qo‘chqor qo‘zi bilan to‘rt kosa un.

¹⁶Bitta takani gunoh qurbonligi qilinglar. Bu nazrlar kunda kuydiriladigan qurbonliklar [9] va ularga qo‘shib qilinadigan don, sharob nazridan tashqari keltirilsin.

¹⁷Ikkinchi kuni o‘n ikkita buqani, ikkita qo‘chqorni va o‘n to‘rtta bir yoshli qo‘chqor qo‘zini quydiriladigan qurbonlik qilinglar. Jonivorlar nuqsonsiz bo‘lsin.

¹⁸Har bir buqa, qo‘chqor va qo‘chqor qo‘ziga qo‘shib, belgilangan miqdorda don bilan sharob nazrlarini keltiringlar.

¹⁹Bitta takani gunoh qurbonligi qilinglar. Bu nazrlar kunda kuydiriladigan qurbonliklar va ularga qo‘shib qilinadigan don bilan sharob nazridan tashqari keltirilsin.

²⁰Uchinchi kuni o‘n bitta buqani, ikkita qo‘chqorni va o‘n to‘rtta bir yoshli qo‘chqor qo‘zini quydiriladigan qurbonlik qilinglar. Jonivorlar nuqsonsiz bo‘lsin.

²¹Har bir buqa, qo‘chqor va qo‘chqor qo‘ziga qo‘shib, belgilangan miqdorda don bilan sharob nazrlarini keltiringlar.

²²Bitta takani gunoh qurbonligi qilinglar. Bu nazrlar kunda kuydiriladigan qurbonliklar va ularga qo‘shib qilinadigan don bilan sharob nazridan tashqari keltirilsin.

²³To‘rtinchi kuni o‘nta buqani, ikkita qo‘chqorni va o‘n to‘rtta bir yoshli qo‘chqor qo‘zini quydiriladigan qurbonlik qilinglar. Jonivorlar nuqsonsiz bo‘lsin.

²⁴Har bir buqa, qo‘chqor va qo‘chqor qo‘ziga qo‘shib, belgilangan miqdorda don bilan sharob nazrlarini keltiringlar.

²⁵Bitta takani gunoh qurbonligi qilinglar. Bu nazrlar kunda kuydiriladigan qurbonliklar va ularga qo‘shib qilinadigan don bilan sharob nazridan tashqari keltirilsin.

²⁶Beshinchi kuni to‘qqizta buqani, ikkita qo‘chqorni va o‘n to‘rtta bir yoshli qo‘chqor qo‘zini quydiriladigan qurbonlik qilinglar. Jonivorlar nuqsonsiz bo‘lsin.

²⁷Har bir buqa, qo‘chqor va qo‘chqor qo‘ziga qo‘shib, belgilangan miqdorda don bilan sharob nazrlarini keltiringlar.

²⁸Bitta takani gunoh qurbonligi qilinglar. Bu nazrlar kunda kuydiriladigan qurbonliklar va ularga qo‘shib qilinadigan don bilan sharob nazridan tashqari keltirilsin.

²⁹Oltinchi kuni sakkizta buqani, ikkita qo‘chqorni va o‘n to‘rtta bir yoshli qo‘chqor qo‘zini quydiriladigan qurbonlik qilinglar. Jonivorlar nuqsonsiz bo‘lsin.

³⁰Har bir buqa, qo‘chqor va qo‘chqor qo‘ziga qo‘shib, belgilangan miqdorda don bilan sharob nazrlarini keltiringlar.

³¹Bitta takani gunoh qurbonligi qilinglar. Bu nazrlar kunda kuydiriladigan qurbonliklar va ularga qo‘shib qilinadigan don bilan sharob nazridan tashqari keltirilsin.

³²Yettinchi kuni yettita buqani, ikkita qo‘chqorni va o‘n to‘rtta bir yoshli qo‘chqor qo‘zini quydiriladigan qurbonlik qilinglar. Jonivorlar nuqsonsiz bo‘lsin.

³³Har bir buqa, qo‘chqor va qo‘chqor qo‘ziga qo‘shib, belgilangan miqdorda don bilan sharob nazrlarini keltiringlar.

³⁴Bitta takani gunoh qurbonligi qilinglar. Bu nazrlar kunda kuydiriladigan qurbonliklar va ularga qo‘shib qilinadigan don bilan sharob nazridan tashqari keltirilsin.

³⁵Sakkizinchi kuni esa butun xalq muqaddas yig‘inga kelsin, har kungi ishlaringizni qilmanglar.

³⁶Egamizga yoqimli hid borishi uchun bitta buqani, bitta qo‘chqorni va yettita bir yoshli qo‘chqor qo‘zini olovda kuydiriladigan qurbonlik qilinglar. Jonivorlar nuqsonsiz bo‘lsin.

³⁷Har bir buqa, qo‘chqor va qo‘chqor qo‘ziga qo‘shib, belgilangan miqdorda don bilan sharob nazrlarini keltiringlar.

³⁸Bitta takani gunoh qurbonligi qilinglar. Bu nazrlar kunda kuydiriladigan qurbonliklar [10] va ularga qo‘shib qilinadigan don bilan sharob nazridan tashqari keltirilsin.

³⁹Bayramlarda Egamizga atab kuydiriladigan qurbonlik, tinchlik qurbonligi, don bilan sharob nazrlari shulardan iboratdir. Bular bergan va’dangizga muvofiq qilinadigan nazr va ko‘ngildan chiqarib beriladigan nazrlardan tashqari keltiriladi.”