Read O‘zbek tilidagi Muqaddas Kitob, 2013 Sahroda 34 Bible Online

Sahroda 34 - O‘zbek tilidagi Muqaddas Kitob, 2013 bible

Sahroda 34

¹Egamiz Musoga dedi:

²— Isroil xalqiga Mening shu gapimni yetkaz: “Kan’on yurtiga kirib borganingizdan keyin, sizlarga mulk qilib beriladigan bu yurt quyidagicha chegaralanadi:

³Yurtingizning janubiy qismi Zin cho‘lidan Edom yurti bo‘ylab cho‘ziladi. Janubiy chegarangiz sharq tomonda O‘lik dengizning [1] janubiy qirg‘og‘idan boshlanib,

⁴Chayonlar dovonidan [2] o‘tadi va janub tomonga, Zin cho‘li tomon cho‘ziladi. Chegarangizning eng janubiy nuqtasi Kadesh–Barna bo‘ladi. U yerdan chegara Xazor–Adargacha borib, Ozmon orqali o‘tadi.

⁵So‘ng burilib, Misr chegarasidagi soylik [3] bo‘ylab O‘rta yer dengiziga borib taqaladi.

⁶O‘rta yer dengizining qirg‘og‘i g‘arbiy chegarangizni tashkil qiladi.

⁷Shimoliy chegarangiz esa O‘rta yer dengizidan sharqqa, Xo‘r tog‘iga [4] tomon cho‘ziladi.

⁸Xo‘r tog‘idan Levo–Xomatgacha [5] boradi, so‘ng Zadoddan o‘tib,

⁹Zifro‘nga cho‘zilib boradi va Xazor–Enanda to‘xtaydi. Bu sizning shimoliy chegarangiz bo‘ladi.

¹⁰Sharqiy chegarangiz shimoldagi Xazor–Enandan boshlanib, janub tomon Shafomga boradi,

¹¹so‘ng yana janubga cho‘zilib, Oyinning sharq tomonidagi Rivlodan o‘tadi va Jalila ko‘lining [6] sharq tomonidagi qirlar bo‘ylab boradi.

¹²So‘ng chegara Iordan daryosi bo‘ylab janubga cho‘zilib, O‘lik dengizga borib to‘xtaydi. Har tomondan chegaralangan mana shu yerlar sizlarning yurtingiz bo‘ladi.”

¹³Shundan so‘ng Muso Isroil xalqiga buyurdi: — Bu yurtni qur’a tashlab, bo‘lib olinglar. Egamiz bu yurtni to‘qqizta qabilaga va bir qabilaning yarmiga bo‘lib berishni amr etgan.

¹⁴[14-15] Ruben, Gad qabilalari va Manashe qabilasining yarmi xonadonlari bo‘yicha Yerixo shahrining ro‘parasidagi Iordanning sharq tomonidan o‘zlariga tegishli mulkni olganlar.

¹⁶Egamiz Musoga yana aytdi:

¹⁷“Ruhoniy Elazar va Nun o‘g‘li Yoshua yurtni Isroil xalqiga bo‘lib berishsin.

¹⁸Har bir qabiladan bittadan yo‘lboshchini ularga yordamchi qilib tayinlanglar.

¹⁹O‘sha odamlarning ismlari quyidagichadir: Yahudo qabilasidan — Yafunax o‘g‘li Xolib.

²⁰Shimo‘n qabilasidan — Omihud o‘g‘li Shomuil.

²¹Benyamin qabilasidan — Xislon o‘g‘li Elidod.

²²Dan qabilasidan — Yoxli o‘g‘li Bukki.

²³Yusuf o‘g‘li Manashe qabilasidan — Efo‘d o‘g‘li Xanniel.

²⁴Efrayim qabilasidan — Shifton o‘g‘li Kamuvol.

²⁵Zabulun qabilasidan — Parno‘x o‘g‘li Elizofon.

²⁶Issaxor qabilasidan — Ozzon o‘g‘li Paltiyol.

²⁷Osher qabilasidan — Shalumi o‘g‘li Oxixud.

²⁸Naftali qabilasidan — Omihud o‘g‘li Padahiyol.”

²⁹Egamiz ana shu odamlarga, Isroil xalqiga Kan’on yurtini mulk qilib bo‘lib beringlar, deb amr bergan edi.