Read O‘zbek tilidagi Muqaddas Kitob, 2013 Sahroda 7 Bible Online

Sahroda 7 - O‘zbek tilidagi Muqaddas Kitob, 2013 bible

Sahroda 7

¹Muso Muqaddas chodirni o‘rnatib bo‘lgan kuni [1] chodirga moy surtib muqaddas qildi. So‘ng chodirning barcha ashyolariga, qurbongohga va uning barcha buyumlariga moy surtib chiqib, muqaddas qildi.

²Shundan keyin xalqni ro‘yxatga olish uchun mas’ul bo‘lgan yo‘lboshchilar [2] — Isroil qabilalarining urug‘boshilari o‘z nazrlarini keltirishdi.

³Ularning Egamizga keltirgan nazrlari oltita soyabonli arava va o‘n ikkita ho‘kizdan iborat edi. Har bir yo‘lboshchi bittadan ho‘kiz va har ikkita yo‘lboshchi bittadan arava olib kelgan edi. Yo‘lboshchilar bu nazrlarini Egamizga Muqaddas chodir oldida taqdim qilishdi.

⁴Shunda Egamiz Musoga aytdi:

⁵“Ular olib kelgan narsalarni qabul qilib ol. Bu narsalardan Uchrashuv chodirida xizmat qilishda foydalaninglar. Levilar nima ish qilishlariga qarab, bu narsalarni ularga taqsimlab ber.”

⁶Shunday qilib, Muso aravalarni va ho‘kizlarni levilarga taqsimlab berdi.

⁷Gershon urug‘ining qiladigan xizmatiga yarasha ikkita arava va to‘rtta ho‘kizni berdi.

⁸Marori urug‘ining qiladigan xizmatiga yarasha esa to‘rtta arava va sakkizta ho‘kizni berdi. Marori va Gershon urug‘lari ruhoniy Horunning o‘g‘li Itamar nazorati ostida chodirda xizmat qilishardi.

⁹Qohot urug‘iga esa Muso hech narsa bermadi, chunki ular chodirning muqaddas ashyolari uchun mas’ul edilar va bu ashyolarni yelkada ko‘tarib borishlari lozim edi.

¹⁰Muso qurbongohga moy surtib muqaddas qilgandan keyin Isroil yo‘lboshchilari qurbongohning bag‘ishlanishiga ham o‘z nazrlarini olib kelishdi. Ular nazrlarini qurbongoh oldiga qo‘yishdi.

¹¹Egamiz Musoga shunday degan edi: “Yo‘lboshchilar qurbongohni bag‘ishlash marosimiga olib kelgan bu nazrlarni har kuni bittadan taqdim qilishsin.”

¹²Birinchi kuni Yahudo qabilasidan Ominadovning o‘g‘li Naxsho‘n nazrlarini taqdim qildi.

¹³U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha [3]. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

¹⁴Tutatqi to‘ldirilgan, og‘irligi 25 misqol [4] keladigan bitta oltin piyola.

¹⁵U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

¹⁶bitta takani gunoh qurbonligi qildi,

¹⁷ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Ominadov o‘g‘li Naxsho‘nning nazrlari ana shulardan iborat edi.

¹⁸Ikkinchi kuni Issaxor qabilasining yo‘lboshchisi Zuvor o‘g‘li Natanil nazrlarini taqdim qildi.

¹⁹U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

²⁰Tutatqi to‘ldirilgan, og‘irligi 25 misqol keladigan bitta oltin piyola.

²¹U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

²²bitta takani gunoh qurbonligi qildi,

²³ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Zuvor o‘g‘li Natanilning nazrlari ana shulardan iborat edi.

²⁴Uchinchi kuni Zabulun qabilasining yo‘lboshchisi Xalon o‘g‘li Eliyob nazrlarini taqdim qildi.

²⁵U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

²⁶Tutatqi to‘ldirilgan, og‘irligi 25 misqol keladigan bitta oltin piyola.

²⁷U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

²⁸bitta takani gunoh qurbonligi qildi,

²⁹ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Xalon o‘g‘li Eliyobning nazrlari ana shulardan iborat edi.

³⁰To‘rtinchi kuni Ruben qabilasining yo‘lboshchisi Shaduvor o‘g‘li Elizur nazrlarini taqdim qildi.

³¹U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

³²Tutatqi to‘ldirilgan, og‘irligi 25 misqol keladigan bitta oltin piyola.

³³U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

³⁴bitta takani gunoh qurbonligi qildi,

³⁵ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Shaduvor o‘g‘li Elizurning nazrlari ana shulardan iborat edi.

³⁶Beshinchi kuni Shimo‘n qabilasining yo‘lboshchisi Zurishaday o‘g‘li Shalumiyol nazrlarini taqdim qildi.

³⁷U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

³⁸Tutatqi to‘ldirilgan, og‘irligi 25 misqol keladigan bitta oltin piyola.

³⁹U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

⁴⁰bitta takani gunoh qurbonligi qildi,

⁴¹ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Zurishaday o‘g‘li Shalumiyolning nazrlari ana shulardan iborat edi.

⁴²Oltinchi kuni Gad qabilasining yo‘lboshchisi Duvel o‘g‘li Eliasaf nazrlarini taqdim qildi.

⁴³U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

⁴⁴Tutatqi to‘ldirilgan, og‘irligi 25 misqol keladigan bitta oltin piyola.

⁴⁵U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

⁴⁶bitta takani gunoh qurbonligi qildi,

⁴⁷ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Duvel o‘g‘li Eliasafning nazrlari ana shulardan iborat edi.

⁴⁸Yettinchi kuni Efrayim qabilasining yo‘lboshchisi Omihud o‘g‘li Elishama nazrlarini taqdim qildi.

⁴⁹U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

⁵⁰Tutatqi to‘ldirilgan, og‘irligi 25 misqol keladigan bitta oltin piyola.

⁵¹U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

⁵²bitta takani gunoh qurbonligi qildi,

⁵³ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Omihud o‘g‘li Elishamaning nazrlari ana shulardan iborat edi.

⁵⁴Sakkizinchi kuni Manashe qabilasining yo‘lboshchisi Padozur o‘g‘li Gamaliel nazrlarini taqdim qildi.

⁵⁵U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

⁵⁶Tutatqi to‘ldirilgan, og‘irligi 25 misqol keladigan bitta oltin piyola.

⁵⁷U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

⁵⁸bitta takani gunoh qurbonligi qildi,

⁵⁹ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Padozur o‘g‘li Gamalielning nazrlari ana shulardan iborat edi.

⁶⁰To‘qqizinchi kuni Benyamin qabilasining yo‘lboshchisi Gido‘nax o‘g‘li Avidon nazrlarini taqdim qildi.

⁶¹U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

⁶²Tutatqi to‘ldirilgan, og‘irligi 25 misqol keladigan bitta oltin piyola.

⁶³U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

⁶⁴bitta takani gunoh qurbonligi qildi,

⁶⁵ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Gido‘nax o‘g‘li Avidonning nazrlari ana shulardan iborat edi.

⁶⁶O‘ninchi kuni Dan qabilasining yo‘lboshchisi Omishadayning o‘g‘li Oxazar nazrlarini taqdim qildi.

⁶⁷U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

⁶⁸Tutatqi to‘ldirilgan, og‘irligi 25 misqol keladigan bitta oltin piyola.

⁶⁹U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

⁷⁰bitta takani gunoh qurbonligi qildi,

⁷¹ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Omishaday o‘g‘li Oxazarning nazrlari ana shulardan iborat edi.

⁷²O‘n birinchi kuni Osher qabilasining yo‘lboshchisi Oxron o‘g‘li Paxiyol nazrlarini taqdim qildi.

⁷³U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

⁷⁴Tutatqi to‘ldirilgan, og‘irligi 25 misqol keladigan bitta oltin piyola.

⁷⁵U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

⁷⁶bitta takani gunoh qurbonligi qildi,

⁷⁷ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Oxron o‘g‘li Paxiyolning nazrlari ana shulardan iborat edi.

⁷⁸O‘n ikkinchi kuni Naftali qabilasining yo‘lboshchisi Enan o‘g‘li Oxir nazrlarini taqdim qildi.

⁷⁹U quyidagi nazrlarni berdi: og‘irligi 330 misqol bo‘lgan bitta kumush lagan, og‘irligi 180 misqol bo‘lgan bitta kumush tog‘oracha. Ikkalasi ham don nazri uchun sifatli un bilan to‘ldirilib, unga zaytun moyi aralashtirilgan edi.

⁸⁰Tutatqi to‘ldirilgan, og‘irligi 25 misqol keladigan bitta oltin piyola.

⁸¹U bitta buqa, bitta qo‘chqor, bitta bir yoshli qo‘chqor qo‘zini kuydiriladigan qurbonlik qildi,

⁸²bitta takani gunoh qurbonligi qildi,

⁸³ikkita ho‘kiz, beshta qo‘chqor, beshta taka, beshta bir yoshli qo‘chqor qo‘zini tinchlik qurbonligi qildi. Enan o‘g‘li Oxirning nazrlari ana shulardan iborat edi.

⁸⁴Shunday qilib, Muso qurbongohga moy surtib muqaddas qilgandan keyin Isroil yo‘lboshchilari qurbongohning bag‘ishlanishiga olib kelgan nazrlarning jami quyidagicha edi: o‘n ikkita kumush lagan, o‘n ikkita kumush tog‘oracha, o‘n ikkita oltin piyola.

⁸⁵Har bir kumush laganning og‘irligi 330 misqol, har bir kumush tog‘oracha 180 misqol edi [5]. Hammasi bo‘lib taqdim qilingan kumush buyumlarning og‘irligi ikki pudga yaqin edi [6].

⁸⁶Tutatqi to‘ldirilgan har bir oltin piyolaning og‘irligi 25 misqol edi [7]. Bu o‘n ikki oltin buyumning umumiy og‘irligi 300 misqol [8] chiqdi.

⁸⁷O‘n ikkita buqa, o‘n ikkita qo‘chqor, o‘n ikkita bir yoshli qo‘chqor qo‘zi kuydiriladigan qurbonlik qilindi, qurbonlikka qo‘shib qilinadigan don nazri ham keltirildi. O‘n ikkita taka gunoh qurbonligi qilindi.

⁸⁸Yigirma to‘rtta ho‘kiz, oltmishta qo‘chqor, oltmishta taka, oltmishta bir yoshli qo‘chqor qo‘zi tinchlik qurbonligi qilindi. Muso qurbongohga moy surtib muqaddas qilgandan keyin, qurbongohning bag‘ishlanishiga ana shu nazrlar taqdim qilingan edi.

⁸⁹Muso Egamiz bilan gaplashish uchun Uchrashuv chodiriga kirganda, Egamizning ovozini eshitdi. Ovoz ahd sandig‘ining [9] qopqog‘i ustidagi ikkita karub orasidan kelayotgan edi.