Read O‘zbek tilidagi Muqaddas Kitob, 2013 Yoshua 15 Bible Online

Yoshua 15 - O‘zbek tilidagi Muqaddas Kitob, 2013 bible

Yoshua 15

¹Yahudo qabilasining urug‘lariga tushgan ulush yurtning janub tomonida edi. Ularning janubdagi yerlari Edom yurtining chegarasi bo‘lgan Zin sahrosigacha yetdi.

²Ularning janubiy chegarasi O‘lik dengizning [1] janubiy qirg‘og‘idan boshlanadi.

³Chegara Chayonlar dovonidan [2] o‘tib janub tomonga, Zin sahrosi tomon cho‘ziladi. Kadesh–Barna shahrining janub tomonidan o‘tib, Xazron shahrigacha boradi. Xazrondan o‘tgandan keyin esa Adar shahrigacha borib Karxa shahri tomonga buriladi.

⁴Bu chegara Ozmon shahrigacha borib, Misr chegarasidagi soylikdan [3] ham o‘tadi–da, O‘rta yer dengizining yonida to‘xtaydi. Mana shu Yahudo qabilasining janubiy chegarasi bo‘ladi.

⁵Ularning sharqiy chegarasi O‘lik dengizdir. Bu chegara shimoldagi Iordan daryosi O‘lik dengizga quyiladigan joygacha cho‘ziladi. Shimoliy chegara esa mana shu joydan boshlanadi.

⁶Bu chegara O‘lik dengizning g‘arbidagi Bayt–Xo‘glaxgacha cho‘zilib, Bayt–Arabaning shimolidan o‘tadi–da, Ruben o‘g‘li Bo‘xanning nomi bilan atalgan tosh turgan joygacha boradi.

⁷Keyin chegara Oxor soyligidan Davirgacha [4] borib, shimolga — Gilgal [5] tomonga buriladi. Gilgal soylikning janubida bo‘lgan Adum dovonining ro‘parasida edi. Chegara En–Shamash bulog‘idan o‘tib En–Ro‘g‘olga boradi.

⁸Keyin Xinnum soyligining tepasidan kesib o‘tib, Yobus xalqiga qarashli bo‘lgan tepalikning, ya’ni Quddusning janubiy yon bag‘ridan o‘tadi. Chegara u yerdan Xinnum soyligining g‘arbidagi qirning tepasiga — Rafa soyligining shimoliy chetigacha boradi.

⁹Chegara tog‘ning tepasidan Naftuva buloqlari tomon cho‘zilib, Efro‘n tog‘ining shaharlarigacha boradi, keyin esa Baalax tomonga buriladi. Bu shahar hozirgi paytda [6] Xirat–Yorim, deb ataladi.

¹⁰Shundan keyin bu shimoliy chegara Baalaxning g‘arb tomonini aylanib o‘tib, Seir tog‘larigacha boradi. Keyin Yorim tog‘ining shimoliy yon bag‘ridan o‘tadi. Xisalon shahri shu yerda joylashgan. U yerdan chegara Bayt–Shamash shahrigacha [7] boradi va Timnax shahridan o‘tadi.

¹¹Keyin chegara Exron shahrining shimolidagi tepalikning yon bag‘ridan o‘tib, Shikkaron shahri tomonga buriladi. Keyin Baalax tog‘ining yonidan o‘tib, Yobnail shahriga boradi. Shimoliy chegara O‘rta yer dengizining oldida tugaydi.

¹²O‘rta yer dengizining qirg‘og‘i g‘arbiy chegarani tashkil qiladi. Mana shu chegaralar bilan o‘ralgan yerda Yahudo qabilasining urug‘lari yashardi.

¹³Egamiz buyurganday, Yoshua Yafunax o‘g‘li Xolibga Yahudo qabilasining hududidan ulush berdi. Bu ulush Xirat–Arba shahri edi. Hozirgi paytda [8] bu shahar Xevron, deb ataladi. Arba Inoq avlodining [9] ajdodi edi.

¹⁴Xolib u yerdan Inoq avlodini — Sheshay, Oximan va Talmay urug‘larini quvib chiqardi.

¹⁵Yahudo qabilasining odamlari u yerdan Dabir shahriga [10] hujum qilish uchun yo‘lga tushishdi. Dabirning eski nomi Xirat–Safar edi.

¹⁶Shunda Xolib: “Xirat–Safarga hujum qilib, qo‘lga kiritgan kishiga qizim Axsani beraman”, — dedi.

¹⁷Xolibning ukasi bo‘lgan Xanazning o‘g‘li O‘tniyol shaharni qo‘lga kiritdi. Xolib esa unga qizi Axsani uzatdi.

¹⁸To‘ydan keyin qiz O‘tniyolga [11]: “Keling, otamdan bir dala so‘rab olaylik”, deb turib oldi. Xolib, eshakdan tushayotgan qiziga: “Ha, qizim, biron bir istaging bormi?” — deb so‘radi.

¹⁹“Menga bir sovg‘a qilsangiz, — dedi Axsa. — Siz menga Nagav cho‘lidagi [12] yerni berdingiz, endi suv buloqlarini ham hadya eting.” Shunday qilib, Xolib unga tepadagi va pastdagi buloqlarni [13] berdi.

²⁰Quyida aytib o‘tilgan yerlarni Yahudo qabilasi ulush qilib oldi.

²¹Bu hududning eng janubidagi, Edom yurtining chegarasidagi shaharlarning nomlari quyidagicha edi: Kabzayol, Eder, Yog‘ur,

²²Xino, Dimona, Adad,

²³Kedesh, Xazor, Yitnon,

²⁴Zif, Talim, Bolo‘t,

²⁵Xazor–Xadatto, Xariyo‘t–Xazron (ya’ni Xazor),

²⁶Emom, Shama, Mo‘lodax,

²⁷Xazor–Gaddax, Xashmon, Bayt–Palat,

²⁸Xazor–Shuvol, Bersheva, Bizyo‘tayox,

²⁹Baalax, Iyim, Ezam,

³⁰Elto‘lad, Xasil, Xo‘rmax,

³¹Zixlax, Madmanno, Sansanno,

³²Laboyo‘t, Shilxim, Oyin, Rimmon. Hammasi bo‘lib yigirma to‘qqizta shahar va ularning atroflaridagi qishloqlar.

³³Qir etaklarining shimolidagi shaharlarning nomi esa quyidagicha edi: Eshtoyo‘l, Zorox, Ashnah,

³⁴Zono‘vax, En–Xannim, Tappux, Enom,

³⁵Yarmut, Adullam, So‘xo‘, Ozikah,

³⁶Sharayim, Aditayim, Gedera, Gadero‘tayim [14]. Hammasi bo‘lib o‘n to‘rtta shahar va ularning atrofidagi qishloqlar.

³⁷Qirlar etaklarining janubida quyidagi shaharlar bor edi: Zinon, Hadasha, Migdal–Gad,

³⁸Dilan, Mispax, Yoxtal,

³⁹Laxish, Bozxat, Eglon,

⁴⁰Kabbo‘n, Laxmos, Xitlish,

⁴¹Gadero‘t, Bayt–Do‘g‘on, Namax, Makkedo. Hammasi bo‘lib o‘n oltita shahar va ularning atrofidagi qishloqlar.

⁴²Qir etaklarining markaziy qismidagi shaharlar quyidagilar edi: Libna, Eter, Oshon,

⁴³Yiftox, Ashnah, Naziv,

⁴⁴Keylax, Axsib, Morisho. Hammasi bo‘lib to‘qqizta shahar va ularning atrofidagi qishloqlar.

⁴⁵Yahudo qabilasining hududi Exronning barcha shaharlari va ularning atrofidagi qishloqlarni o‘z ichiga olar edi.

⁴⁶Chegara Exrondan g‘arbga, O‘rta yer dengizi tomon cho‘zilib, Ashdodning yonida bo‘lgan barcha shaharlar va ularning atrofidagi qishloqlarni o‘z ichiga olar edi.

⁴⁷Ularning hududi Ashdod va uning shaharlariyu qishloqlarini, G‘azo va u yerdan Misr chegarasidagi soylikkacha [15] bo‘lgan joylardagi shaharlar va qishloqlarni, O‘rta yer dengizining qirg‘og‘i bo‘yidagi shaharlarni o‘z ichiga olar edi.

⁴⁸Yahudo qabilasi qirlarda quyidagi shaharlarni ulush qilib oldi: Shomir, Yatir, So‘xo‘,

⁴⁹Danno, Xirat–Sanno (ya’ni Davir),

⁵⁰Onov, Eshtamo‘va [16], Onim,

⁵¹Go‘shen, Xo‘lun va Gilox. Hammasi bo‘lib o‘n bitta shahar va ularning atrofidagi qishloqlar.

⁵²Qirlardagi quyidagi shaharlar Yahudo qabilasining hududiga kirar edi: Arab, Dumax, Ishan,

⁵³Yonum, Bayt–Tappux, Ofoqa,

⁵⁴Xumtax, Xirat–Arba (ya’ni Xevron) va Zior. Hammasi bo‘lib to‘qqizta shahar va ularning atrofidagi qishloqlar.

⁵⁵Yana qirlarda quyidagi shaharlar Yahudo qabilasining ulushi bo‘ldi: Moyun, Karmil, Zif, Yutto,

⁵⁶Yizril [17], Yoxdayom, Zono‘vax,

⁵⁷Qayin, Givo [18] va Timnax. Hammasi bo‘lib o‘nta shahar va ularning atrofidagi qishloqlar.

⁵⁸Qirlardagi mana bu shaharlar ham o‘sha hududga kirardi: Xalxul, Bayt–Zur, Gado‘r,

⁵⁹Marot, Bayt–Ano‘t va Eltaxo‘n. Hammasi bo‘lib oltita shahar va ularning atrofidagi qishloqlar.

⁶⁰Xirat–Baal (ya’ni Xirat–Yorim) va Rabba — qirlardagi mana shu ikki shahar va ularning atrofidagi qishloqlar ham Yahudo qabilasining ulushi bo‘ldi.

⁶¹O‘lik dengiz bo‘yidagi adirlarda joylashgan quyidagi shaharlar ham Yahudo qabilasiga tegishli bo‘ldi: Bayt–Araba, Middin, Saxoxo,

⁶²Nivshon, Tuz shahri va Engedi. Hammasi bo‘lib oltita shahar va ularning atrofidagi qishloqlar.

⁶³Ammo Yahudo qabilasi Yobus xalqini Quddusdan haydab chiqara olmadi [19]. Bugungacha [20] Yobus xalqi Yahudo xalqi bilan birga Quddusda yashaydi.