Read O‘zbek tilidagi Muqaddas Kitob, 2013 Yoshua 21 Bible Online

Yoshua 21 - O‘zbek tilidagi Muqaddas Kitob, 2013 bible

Yoshua 21

¹Levi qabilasi urug‘larining boshliqlari kelib, ruhoniy Elazar [1], Nun o‘g‘li Yoshua va boshqa Isroil qabilalarining boshliqlari bilan gaplashishdi.

²Isroil xalqi hali ham Kan’on yurtidagi Shilo‘ shahrida [2] edi. Levi qabilasidan kelganlar shunday deyishdi: “Levi qabilasiga yashash uchun shaharlar, qo‘y–mollarini boqish uchun esa shaharlarning atrofidagi yaylovlarni bergin, deb Egamiz Musoga amr qilgan edi [3].”

³Shunda Egamizning amri bo‘yicha Isroil xalqi o‘zlarining yerlaridan Levi qabilasiga quyidagi shaharlar va ularning atrofidagi yaylovlarni berdi.

⁴Qur’a [4] birinchi bo‘lib, Levi qabilasining Qohot [5] urug‘iga tushdi. Qohot urug‘idan bo‘lgan Horun [6] nasliga Yahudo, Shimo‘n va Benyamin qabilalaridan o‘n uchta shahar berildi.

⁵Yana qur’a bo‘yicha Qohot urug‘ining qolgan oilalariga Iordan daryosining g‘arbidagi Manashe qabilasining yarmiga [7] tegishli hududdan, Efrayim va Dan qabilalarining hududidan o‘nta shahar berildi.

⁶Qur’a tashlanib, Gershon urug‘idan bo‘lganlarga Iordan daryosining sharqidagi Manashe qabilasining yarmiga [8] tegishli Bashandagi hududdan, Issaxor, Osher va Naftali qabilalarining hududlaridan o‘n uchta shahar berildi.

⁷Qur’a bo‘yicha Marori urug‘iga Ruben, Gad va Zabulun qabilalarining hududidan o‘n ikkita shahar berildi.

⁸Egamizning Musoga bergan amriga ko‘ra, Isroil xalqi qur’a tashlab mana shu shaharlar va ularning yaylovlarini Levi qabilasiga berdi.

⁹[9-10] Quyida aytib o‘tilgan, Yahudo va Shimo‘n qabilalari hududlaridagi shaharlarni Isroil xalqi qur’a bo‘yicha, birinchi bo‘lib Horunning nasli bo‘lgan Qohot urug‘iga berdi.

¹¹Ularga Yahudo qirlaridagi Xevron shahri va uning atrofidagi yaylovlari berildi. Xevron hozirgi paytda Xirat–Arba, deb ataladi. Arba Inoq avlodining [9] ajdodi edi.

¹²Ammo o‘sha shaharning yonidagi dalalar va atrofidagi qishloqlar Yafunax o‘g‘li Xolibga mulk qilib berilgan edi [10].

¹³Panoh shaharlaridan biri bo‘lgan Xevrondan tashqari ruhoniy Horun nasliga yana quyidagi shaharlar va ularning atroflaridagi yaylovlar ham berildi: Libna,

¹⁴Yatir, Eshtamo‘va,

¹⁵Xo‘lun, Davir,

¹⁶Oyin, Yutto va Bayt–Shamash. Hammasi bo‘lib Yahudo va Shimo‘n qabilalarining hududlaridagi mana shu to‘qqizta shahar va ularning atroflaridagi yaylovlar.

¹⁷Benyamin qabilasining hududidan esa quyidagi to‘rtta shahar va ularning atrofidagi yaylovlar berildi: Givon, G‘ibo,

¹⁸Onoto‘t, Elmo‘n.

¹⁹Mana shu o‘n uchta shahar Horun naslidan bo‘lgan ruhoniylarga berildi.

²⁰Qohot urug‘ining qolgan oilalariga Efrayim qabilasi hududidan quyidagi to‘rtta shahar va ularning atrofidagi yaylovlar ajratib berildi:

²¹Efrayim qirlaridagi panoh shahri bo‘lgan Shakam, Gezer,

²²Xivzayim, Bayt–Xo‘ron.

²³Dan qabilasining hududidan quyidagi to‘rt shahar va ularning atroflaridagi yaylovlar ham ruhoniylarga berildi: Eltaxa, Gibiton,

²⁴Oyjavlon, Gat–Rimmon.

²⁵Iordanning g‘arb tomonidagi Manashe qabilasining yarmiga [11] berilgan hududdan quyidagi ikki shahar va ularning atroflaridagi yaylovlari ruhoniylarga berildi: Tanax, Gat–Rimmon.

²⁶Qohot urug‘ining qolgan oilalariga mana shu o‘nta shahar va ularning atroflaridagi yaylovlar berildi.

²⁷Iordanning sharqidagi Manashe qabilasining yarmiga [12] berilgan hududdan Levi qabilasining Gershon urug‘iga quyidagi ikki shahar va ularning atrofidagi yaylovlar berildi: Bashandagi panoh shahar Go‘lon, Beshtara.

²⁸Issaxor qabilasining hududidan ularga yana quyidagi to‘rtta shahar va ularning atroflaridagi yaylovlar ham berildi: Xishion, Dovarat,

²⁹Yarmut, En–Xannim.

³⁰Osher qabilasining hududidagi quyidagi to‘rtta shahar va ularning atrofidagi yaylovlar ham Gershon urug‘iga berildi: Mishol, Abdo‘n,

³¹Xalkat, Rexob.

³²Ular yana Naftali qabilasi hududidan quyidagi uchta shahar va ularning atrofidagi yaylovlarni ham oldilar: Xammutdo‘r, Kartan va Jaliladagi panoh shahar Kedesh.

³³Gershon urug‘iga mana shu o‘n uchta shahar va ularning atroflaridagi yaylovlar berildi.

³⁴Levi qabilasining qolganlariga, ya’ni Marori urug‘iga Zabulun qabilasining hududidan quyidagi to‘rtta shahar va ularning atroflaridagi yaylovlar berildi: Yoxnayom, Kartax,

³⁵Dimna, Nahalil.

³⁶Ruben qabilasining hududidan quyidagi to‘rtta shahar va ularning atroflaridagi yaylovlar ham Marori urug‘iga berildi: Bazer, Yaxaz [13],

³⁷Kadamo‘t, Mifat.

³⁸Gad qabilasining hududidan esa quyidagi to‘rtta shahar va ularning atroflaridagi yaylovlar ularga berildi: Giladdagi panoh shahar Ramo‘t, Moxanayim,

³⁹Xashbon, Yazir.

⁴⁰Levi qabilasining Marori urug‘iga mana shu o‘n ikkita shahar berildi.

⁴¹Isroil xalqining yerlaridan Levi qabilasiga hammasi bo‘lib qirq sakkizta shahar va ularning atroflaridagi yaylovlar berildi.

⁴²Mana shu shaharlarning har birining atrofida yaylovlar bor edi.

⁴³Egamiz Isroil xalqiga butun yurtni berdi. Egamizning O‘zi Isroil xalqining ota–bobolariga, mana shu yerlarni sizlarga beraman, deb va’da qilgan edi. Isroil xalqi u yerlarni egallab, o‘sha yerlarda joylashdi.

⁴⁴Egamiz ularning ota–bobolariga va’da qilganday, butun yurt bo‘ylab Isroil xalqiga osoyishtalik berdi. Hech bir dushman ularga bas kela olmadi, chunki Egamizning O‘zi Isroil xalqiga dushmanlarining ustidan g‘alaba bergan edi.

⁴⁵Egamiz Isroil xalqiga bergan yaxshi va’dalarning hammasi ro‘yobga chiqdi, birortasi ham bajarilmay qolmadi.