Read Ozolotepec Zapotec Mateo 1 Bible Online

Mateo 1 - Ozolotepec Zapotec bible

Mateo 1

¹Jesucrist ngol lo raz chaan rey David, ne lo raz chaan Abraham kuu ngok tey re zha Israel ndala.

²Abraham ngok xut Isaac,Isaac ngok xut Kob,ne Kob ngok xut Judá ne re wets Judá.

³Judá ngok xut Fares ne xut Zara, ne xnaa rop zhaʼa ngok Tamar,Fares ngok xut Esrom, Esrom ngok xut Aram.

⁴Aram ngok xut Aminadab, Aminadab ngok xut Naasón,ne Naasón ngok xut Salmón.

⁵Salmón ngok xut Booz ne Rahab ngok xnaa Booz,Booz ngok xut Obed ne Rut ngok xnaa Obed,ne Obed ngok xut Isaí.

⁶Isaí ngok xut rey David, ne lee rey David ngok xut Salomón,ne lee xnaa Salomón ngok ngot kuu ngok tsaal Urías.

⁷Salomón ngok xut Roboam, Roboam ngok xut Abías,ne Abías ngok xut Asa.

⁸Asa ngok xut Josafat, Josafat ngok xut Joram,ne Joram ngok xut Uzías.

⁹Uzías ngok xut Jotam, Jotam ngok xut Acaz,ne Acaz ngok xut Ezequías.

¹⁰Ezequías ngok xut Manasés, Manasés ngok xut Amón,ne Amón ngok xut Josías.

¹¹Josías ngok xut Jeconías ne re wets Jeconías, ne re zhaʼa naban leettsa mndeno re zha Babilonia re zha Israel par Babilonia.

¹²Ne leettsa mtelaa re zha Babilonia re zha Israel;lee Jeconías ngok xut Salatiel, ne lee Salatiel ngok xut Zorobabel.

¹³Zorobabel ngok xut Abiud, Abiud ngok xut Eliaquim,ne Eliaquim ngok xut Azor.

¹⁴Azor ngok xut Sadoc, Sadoc ngok xut Aquim,ne Aquim ngok xut Eliud.

¹⁵Eliud ngok xut Eleazar, Eleazar ngok xut Matán,Matán ngok xut Kob;

¹⁶ne lee Kob ngok xut Che tsaal Mari xnaa Jesús,Zha Kuu Mtaal Diox Nabee.

¹⁷Ne tsiida raz ngoo desde Abraham asta rey David, ne tedib tsiiday desde rey David asta leettsa mndeno re zha Babilonia re zha Israel par Babilonia, ne tedib tsiiday ngoo desde leettsa mtelaa re zha Babilonia re zha Israel, asta leettsa mzin Zha Kuu Mtaal Diox Nabee. Leettsa ngol Jesús (Lc. 2:1‑7)

¹⁸Tenzhee ngok leettsa ngol Jesús: Leettsa lee Mari xnaa Jesús naka diiz tseya kon Che, per bee ter yo rop zha, ne lee Mari ngoo zhiinn por yalney chaan Mbi Nayon chaan Diox.

¹⁹Tsa lee Che mtsow xgab laa Mari, tak thib mbyi wen nak zha, mtsow zha xgab laa zha Mari xgaatsta, tak nlaazt zha roo yalnathoy Mari lo re men.

²⁰Ne leettsa ngetsow Che xgab laa Che Mari, lee thib mandad chaan Diox cha ngwani lo Che lo mkaal, ne nzhab lo Che: ―Che, lu nak thib zha raz rey David, yat leettsooʼa kaaʼa Mari, tak lee Mari ngoo zhiinn por yalney chaan Mbi Nayon,

²¹ne gap Mari thib mbet ne tob leʼa mbet Jesús. Tbaa role mbet tak lee mbet tuyy falt chaan re tawlaz mbet.

²²Ne lee le Jesús nak: Lee Zha Nabee ntelaa. Reta koree mriid tsa ngok kuu nzhab Zha Nabee, por roo profet kuu ngoo ndala, or nzhab profet:

²³Lee thib nzaa kuu ter gak rop thib mbyi, yo zhiinn ne gap thib mbet;ne tob le zha mbet Emanuel,(diiz ree nak: “Diox ndo kon lee”). [Is. 7:14]

²⁴Ne leettsa mroo mkaal lo Che, tsa mtsow Che kuu nzhab mandad chaan Diox lo Che, ne mkayaa Che Mari ngok Mari tsaal Che.

²⁵Per ngogt rop zha, asta leettsa ngol xgann Mari kuu ner; ne mtob le Che mbet Jesús.