Read Ozolotepec Zapotec Apocalipsis 15 Bible Online

Apocalipsis 15 - Ozolotepec Zapotec bible

Apocalipsis 15

¹Tsa mwiin tedib seny thoz leen yibaa, kuu kwathoz mzegey leettsoon: Mwiin gaz mandad kuu ndyaadno gaz yalti kuu rid bluz, ne kon re koree yelo yalnayii chaan Diox.

²Noga mwiin thib kuu na taxal thib nitdoo kuu nzhol na taxal bidr ne nabexnite kon bel; ne lee re zha kuu mtsow gan lo maa kwathoz nathoz na ne lo imaj chaan maa, ne lo numr kuu nak le maa, reta zhaʼa ndeli lo nitdoo kuu nzhol na taxal bidr, ne nden re zha arp kuu mndaa Diox lo re zha.

³Ne nzhool re zha kant chaan Moisés kuu ngok mos Diox, ne kant chaan Mbak zhiil chaan Diox, kuu mbez:Kwathoz naro ne kwathoz wen thoz nak re kuu mtsowa,Zha Nabee, lu nak Diox kuu nkeno reta yalney ne yalnabee;¡Nali ne wli nak xneta:Lu nak rey ne nabeeʼa lo re zha kuu nzo dib naxta lo yezlyu!

⁴¿Cho tsebt loʼa, Zha Nabee?Ne ¿cho golt loʼa?Tak thita lu nayon nak,ne reta men kuu nzi dib naxta lo yezlyu, yaad gol loʼa,tak mwii zha nali nak re kuu mtsowa.

⁵Ngulo mriid koree, tsaraa mwiin yibaa ne lee roo gwodoo chaan Diox ta nzo xkiiz Diox mzhaal.

⁶Ne leen gwodoo mroo re gaz mandad kuu ndyaadno re gaz yalti. Ne nok re zha lar naguz kuu nambi ne nzhuyy na, ne nzo sinch or pech zha.

⁷Tsa lee thib re maa nabana, mndaa thibga kop or lo kadta thib mandad, kuu tseta nzo yalnayii chaan Diox kuu naban thitanax.

⁸Ne mze gwodoo ngoo tsen kuu ndyaad lo yalnaro ne lo yalney chaan Diox, ne yent cho tak tab tya, asta leettsa yelo rid re gaz yalti kuu nzhab re mandada.