Read Ozolotepec Zapotec Apocalipsis 4 Bible Online

Apocalipsis 4 - Ozolotepec Zapotec bible

Apocalipsis 4

¹Ngulo mriid re koree, tsa mwiin lee thib pwert ndezhaal leen yibaa; ne lee bos kuu ndez taxal trompet, kuu mni lon ner, ne lon: ―Kendab nzhee, tsa lon loʼa reta kuu gak, leettsa yelo rid re koree.

²Ne ora myaan na lo yalnabee chaan Mbi Nayon, ne mwiin lee Diox ndob, ta ndob Diox nabee Diox leen yibaa.

³Lee zha na taxal thib ke kuu le jaspe ne cornalina kuu kwathoz nzhuyy na; ne lee ta ndob zha ndo thib bith, kuu nzhuyy na taxal thib ke kuu le esmeralda.

⁴Ne lee re ladta ta ndob zha, nzi tedib galbthap ta nyetob zha, ne lo re kona ndob thib galbthap zha gol kuu nok lar naguz ne ndob koron or yek re zha.

⁵Ne lee ta ndob Diox tya ndroo bel bti, ndroo tyen bos ne bi ngundii; ne delant lo ta ndob Diox ndo gaz kandil kuu nteni, kona nak gaz Mbi Nayon chaan Diox.

⁶Ne delant lo ta ndob Diox nzi thib nitdoo kuu nzhol na taxal bidr. Ne lee re ladta ta ndob Diox, nzi thap maa kuu naban kuu dita maa mzaal ngutlo maa.

⁷Lee maa kuu ner na taxal thib mbeez; lee maa mrop na taxal thib la ngon; lee maa myon na lo taxal na lo men; ne lee maa thap na taxal thib mti kuu ndabi.

⁸Ne kadta thib re maa nabana nkeno xoopga xiil, ne dita maa nap maa ngutlo maa; tse ne yaal thibka mbez re maa:¡Nayon, nayon, nayon, nak Zha Nabee,Diox kuu kwathoz ney,zha kuu ngok, zha kuu nak ne zha kuu bre yaad!

⁹Ne or kuu lee re maa nabana nzhool lo Diox, ne ntsow nataak maa Diox, ne ndaa maa texkix lo Diox ta ndob Diox nabee Diox, Diox kuu naban thitanax,

¹⁰ora lee re galbthap zha gola ntobxub lo Diox, ne nzhool zha lo Diox kuu naban thitanax, ne ntsi re zha koron zha lo Zha Nabee. Ne mbez re zha lo Zha Nabee:

¹¹Diox, lu nak Zha Nabee lo nee, lo thita lu ndoblogol re men, thita lu ndoblo tsow nataak re men,ne thita lu ndoblo kayaa yalney;tak lu mdexkwaa reta kwaa,ne tak nlaaza kona nzo reta kwaa ne kona mdexkwaa retay.