Read ახალი აღთქმა წიგნი მათესი 1 Bible Online

წიგნი მათესი 1 - ახალი აღთქმა bible

წიგნი მათესი 1

¹წიგნი წარმოშობისა იესო ქრისტესი, ძისა დავითისა, ძისა აბრაამისა.

²აბრაამმა შვა ისააკი; ისააკმა შვა იაკობი; იაკობმა შვა იუდა და მისი ძმები;

³ხოლო იუდამ შვა ფარეზი და ზარა თამარისგან; ფარეზმა შვა ესრომი; ესრომმა შვა არამი;

⁴არამმა შვა ამინადაბი; ამინადაბმა შვა ნაასონი; ნაასონმა შვა სალმონი;

⁵სალმონმა შვა ბოოსი რექაბისგან; ბოოსმა შვა იობედი რუთისგან; იობედმა შვა იესე; იესემ შვა დავით მეფე;

⁶დავით მეფემ შვა სოლომონი ურიას ცოლისგან;

⁷სოლომონმა შვა რობოამი; რობოამმა შვა აბია; აბიამ შვა ასა;

⁸ასამ შვა იოსაფატი; იოსაფატმა შვა იორამი; იორამმა შვა ოზია;

⁹ოზიამ შვა იოათამი; იოათამმა შვა აქაზი; აქაზმა შვა ეზეკია;

¹⁰ეზეკიამ შვა მანასე; მანასემ შვა ამონი; ამონმა შვა იოსია;

¹¹იოსიამ შვა იექონია და მისი ძმები ბაბილონის ტყვეობაში;

¹²ხოლო ბაბილონის ტყვეობის შემდეგ იექონიამ შვა სალათიელი; სალათიელმა შვა ზორობაბელი;

¹³ზორობაბელმა შვა აბიუდი; აბიუდმა შვა ელიაკიმი; ელიაკიმმა შვა აზორი;

¹⁴აზორმა შვა სადოკი; სადოკმა შვა აქიმი; აქიმმა შვა ელიუდი;

¹⁵ელიუდმა შვა ელეაზარი; ელეაზარმა შვა მატთანი; მატთანმა შვა იაკობი;

¹⁶ხოლო იაკობმა შვა იოსები, ქმარი მარიამისა, ვისგანაც იშვა იესო, რომელსაც ჰქვია ქრისტე.

¹⁷ყველა თაობა აბრაამიდან დავითამდე — თაობა თოთხმეტი, და დავითიდან ბაბილონის ტყვეობამდე — თაობა თოთხმეტი, და ბაბილონის ტყვეობიდან ქრისტემდე — თაობა თოთხმეტი.

¹⁸ხოლო იესო ქრისტეს შობა ასე იყო: დაწინდული იყო დედა მისი, მარიამი, იოსებზე და მათ შეუღლებამდე აღმოჩნდა იგი მუცლადღებული სულიწმიდისაგან;

¹⁹ხოლო იოსები, ქმარი მისი, მართალი იყო და არ უნდოდა გამხელა მისი, განიზრახა ფარულად გაშვება მისი.

²⁰და როდესაც ამას ფიქრობდა, აჰა, ანგელოზი უფლისა ჩვენებით გამოეცხადა მას და უთხრა: იოსებ, ძეო დავითისაო, ნუ შიშობ, მოიყვანო მარიამი, ცოლი შენი, რადგან მასში დაბადებული სულიწმიდისაგან არის.

²¹შობს ძეს და უწოდებ მის სახელს, იესოს, რადგან იგი იხსნის თავის ერს მისი ცოდვებისგან.

²²ხოლო ეს ყოველივე მოხდა, რათა აღსრულებულიყო ნათქვამი უფლისა წინასწარმეტყველის მიერ, რომელიც ამბობს:

²³აჰა, ქალწული მუცლად იღებს და შობს ძეს და უწოდებენ მის სახელს, ემანუელს, რაც ითარგმნება: ჩვენთან არის ღმერთი (ეს.7,14)

²⁴და გამოიღვიძა იოსებმა ძილისგან და მოიქცა ისე, როგორც უბრძანა მას უფლის ანგელოზმა, და მიიღო თავისი ცოლი.

²⁵და არ იცოდა იგი, ვიდრე არ შვა ძე თავისი, პირმშო, და უწოდა სახელი მისი იესო.