Read ახალი აღთქმა წიგნი მათესი 6 Bible Online

წიგნი მათესი 6 - ახალი აღთქმა bible

წიგნი მათესი 6

¹ერიდეთ თქვენი მოწყალება არ გასცეთ კაცთა წინაშე მათ დასანახავად, თუ არა, საზღაური არ გექნებათ თქვენი ზეცათა მამისგან.

²ამიტომ, როცა მოწყალებას გასცემ, ნუ გაახმაურებ შენ გარშემო, როგორც თვალთმაქცნი იქცევიან შესაკრებლებსა და ქუჩებში, რათა იდიდონ კაცთაგან. ამინ გეუბნებით თქვენ: იღებენ თავის საზღაურს;

³ხოლო შენ როცა მოწყალებას გასცემ, ნუ ეცოდინება შენს მარცხენას, რას აკეთებს შენი მარჯვენა,

⁴რათა იყოს შენი მოწყალება დაფარული; და მამა შენი, რომელიც ხედავს დაფარულს, მოგაგებს შენ ცხადად.

⁵და როცა ლოცულობთ, ნუ იქნებით, როგორც თვალთმაქცნი, რადგან უყვართ შესაკრებლებსა და ქუჩის კუთხეებში დგომა და ლოცვა კაცთა დასანახავად. ამინ გეუბნებით თქვენ: იღებენ თავის საზღაურს;

⁶ხოლო შენ, როცა ლოცულობ, შედი შენს საგანძურში, დახურე შენი კარი და ილოცე შენი მამის მიმართ, რომელიც არის დაფარული. და მამა შენი, რომელიც ხედავს დაფარულს, მოგაგებს შენ ცხადად.

⁷და ლოცვისას მრავალს ნუ იტყვით, როგორც წარმართნი, რადგან ჰგონიათ, რომ თავისი მრავალმეტყველებით იქნებიან შესმენილნი.

⁸ამიტომ ნუ ემსგავსებით მათ, რადგან იცის მამამ თქვენმა, რა გჭირდებათ, ვიდრე ითხოვთ თქვენ მისგან;

⁹ხოლო თქვენ ასე ილოცეთ: მამაო ჩვენო, რომელი ხარ ცათა შინა, წმიდა იყოს სახელი შენი;

¹⁰მოვიდეს სუფევა შენი, იყოს ნება შენი როგორც ცაში, ასევე ქვეყანაზე;

¹¹პური ჩვენი არსობისა მოგვეც ჩვენ დღეს;

¹²და მოგვიტევე ჩვენ ვალები ჩვენი, როგორც ჩვენ მივუტევებთ ჩვენს მოვალეებს;

¹³და ნუ შეგვიყვან ჩვენ განსაცდელში, არამედ გვიხსენ ჩვენ ბოროტისაგან. რადგან შენია სუფევა, ძალა და დიდება საუკუნეთა მიმართ; ამინ.

¹⁴რადგან თუ მიუტევებთ ადამიანებს მათ შეცოდებებს, მოგიტევებთ თქვენც მამა თქვენი ზეცათა,

¹⁵ხოლო თუ არ მიუტევებთ ადამიანებს მათ შეცოდებებს, არც მამა თქვენი მოგიტევებთ თქვენს შეცოდებებს.

¹⁶და როდესაც მარხულობთ, ნუ იქნებით, როგორც თვალთმაქცნი, მჭმუნვარე, რადგან იმწუხრებენ თავის სახეებს, რათა ეჩვენონ ადამიანებს მმარხველად. ამინ გეუბნებით თქვენ: იღებენ თავის საზღაურს;

¹⁷ხოლო შენ, როცა მარხულობ, იცხე თავზე და დაიბანე პირი შენი,

¹⁸რათა არ ეჩვენო ადამიანებს მმარხველად, არამედ — მამას შენსას, რომელიც არის დაფარული; და მამა შენი, რომელიც ხედავს დაფარულს, მოგაგებს შენ ცხადად.

¹⁹ნუ იუნჯებთ თქვენთვის საუნჯეს ქვეყანაზე, სადაც ჩრჩილი და ჟანგი სპობს და სადაც მპარავნი თხრიან და იპარავენ;

²⁰არამედ დაიუნჯეთ თქვენთვის საუნჯე ზეცაში, სადაც არც ჩრჩილი, არც ჟანგი სპობს და არც მპარავნი თხრიან და იპარავენ;

²¹რადგან, სადაც არის თქვენი საუნჯე, იქ იქნება თქვენი გულიც.

²²სანთელი სხეულისა არის თვალი. ამიტომ თუ თვალი შენი წრფელი იქნება, მთელი შენი სხეული ნათელი. იქნება;

²³ხოლო თუ თვალი შენი ბოროტი იქნება, მთელი შენი სხეული ბნელი იქნება. ამიტომ თუ ნათელი, რომელიც შენშია, ბნელია, ბნელი რამდენიღა იქნება?

²⁴არავის შეუძლია ორი ბატონის მონება: ან ერთს მოიძულებს და მეორეს შეიყვარებს, ან ერთს დაემორჩილება და მეორეს უგულებელყოფს. ვერ შეძლებთ ღვთისა და მამონის მონებას.

²⁵ამიტომ გეუბნებით თქვენ: ნუ ზრუნავთ თქვენი სულისთვის, რა ჭამოთ და რა სვათ; ნურც თქვენი სხეულისთვის, რა შეიმოსოთ. განა სული მეტი არ არის საზრდოზე და სხეული — სამოსზე?

²⁶შეხედეთ ცის ფრინველებს, რადგან არ თესავენ, არც მკიან, არც აგროვებენ ბეღლებში და მამა თქვენი ზეცათა ასაზრდოებს მათ. განა თქვენ მათზე უმჯობესნი არა ხართ?

²⁷რომელი თქვენგანი იზრუნებს და შეძლებს, მოუმატოს თავის სიმაღლეს ერთი წყრთა?

²⁸და სამოსისთვის რას ზრუნავთ? შეხედეთ ველის შროშანებს, როგორ იზრდებიან: არ შრომობენ, არც ართავენ;

²⁹ხოლო გეუბნებით. თქვენ: არც სოლომონი შემოსილა მთელი თავისი დიდებისას, როგორც ერთი ამათგანი;

³⁰ხოლო თუ ველის ბალახს, რომელიც დღეს არის და ხვალ თონეში ჩაიყრება, ღმერთი ასე მოსავს, თქვენ უფრო მეტად არა, მცირედმორწმუნენო?

³¹ამიტომ ნუ ზრუნავთ და ნუ ამბობთ: რა ვჭამოთ ან რა ვსვათ, ან რა შევიმოსოთ? —

³²რადგან ყოველივე ამას წარმართები ეძიებენ; რადგან იცის თქვენმა ზეციერმა მამამ, რომ გჭირდებათ ეს. ყოველივე;

³³ხოლო ეძიეთ პირველად სასუფეველი ღვთისა და სიმართლე მისი და ეს ყოველივე შეგემატებათ თქვენ;

³⁴ამიტომ ნუ ზრუნავთ ხვალისთვის, რადგან ხვალე იზრუნებს თავისთვის.

³⁵საკმარისია დღისთვის ბოროტება მისი.