Read ახალი აღთქმა მესამე ეპისტოლე წმიდა იოანე მოციქულისა 1 Bible Online

მესამე ეპისტოლე წმიდა იოანე მოციქულისა 1 - ახალი აღთქმა bible

მესამე ეპისტოლე წმიდა იოანე მოციქულისა 1

¹ხუცესი საყვარელ გაიოზს, რომელიც მიყვარს მე ჭეშმარიტებით.

²საყვარელო, ყველაფრისთვის გლოცავ შენ, რათა წარმატებული და ჯანმრთელი იყო, როგორც წარმატებულია შენი სული,

³რადგან ფრიად გავიხარე, როცა მოვიდნენ ძმები და მოწმობდნენ შენს ჭეშმარიტებაზე, თუ როგორ დადიხარ შენ ჭეშმარიტებით.

⁴ამაზე დიდი სიხარული არა მაქვს, ვიდრე იმის მოსმენა, რომ ჩემი შვილები ჭეშმარიტებით დადიან.

⁵საყვარელო, ერთგულად აღასრულებ იმას, რასაც აკეთებ ძმებისთვის და უცხოებისთვის,

⁶რომლებმაც დაამოწმეს შენი სიყვარული ეკლესიის წინაშე კარგს იზამ, თუ ღირსეულად გაისტუმრებ მათ ღვთის საკადრისად,

⁷რადგან მისი სახელისათვის გამოვიდნენ და არაფერი წამოუღიათ წარმართთაგან.

⁸ამიტომ ჩვენ გვმართებს ამისთანების შეწყნარება, რათა თანაშემწე ვიყოთ ჭეშმარიტებისა.

⁹მივწერე ეკლესიას, მაგრამ მათგან პირველობის მოყვარე დიოტროფე არ გვიწყნარებს ჩვენ.

¹⁰ამიტომ, თუ მოვედი, გავახსენებ თავის საქმეებს, რასაც აკეთებს: უკეთური სიტყვებით გვლანძღავს; ამასაც არ სჯერდება — არც თვითონ იწყნარებს ძმებს და მსურველებსაც უშლის და ეკლესიიდან აძევებს.

¹¹საყვარელო, ნუ ჰბაძავ ბოროტს, არამედ კეთილს მიჰბაძე, კეთილისმოქმედი ღვთისაგან არის, ხოლო ბოროტისმოქმედს არ უხილავს ღმერთი.

¹²დიმიტრიზე დაამოწმა ყველამ, თვით ჭეშმარიტებამაც და ჩვენც ვმოწმობთ და იცით, რომ ჩვენი მოწმობა ჭეშმარიტია.

¹³ბევრი მქონდა მოსაწერი, მაგრამ არ ვისურვე, მელნით და კალმით მომეწერა შენთვის.

¹⁴ვიმედოვნებ, რომ მალე გიხილავ შენ და პირისპირ დაგელაპარაკები.

¹⁵მშვიდობა შენდა. მოკითხვას გითვლიან შენი მეგობრები. მოიკითხე მეგობრები სახელდებით. ამინ.