Read PEYMANA NÛ 2017 (ÎNCÎL) Yûhena 2 Bible Online

Yûhena 2 - PEYMANA NÛ 2017 (ÎNCÎL) bible

Yûhena 2

¹Û roja sisiyan li Kanaya Celîlê dawetek hebû û dayika Îsa jî li wê derê bû.

²Îsa û şagirtên xwe jî hatibûn dawet kirin.

³Û dema xemr kêm bû, dayika Îsa jê re got: Xemra wan nîne!

⁴Îsa ji wê re got: Pîrek, ma te çi ji min e? Dema min hîn nehatiye!

⁵Dayika wî, ji xizmetkaran re got: Ew ji we re çi bêje, wê bikin!

⁶Li wê derê ji bo kevneşopên paqijiyê ya Cihûdan, şeş kûpên kevirî hebûn ku di her kûpekê de du an jî sê metrît[1]av bi cîh dibû.

⁷Îsa ji xizmetkaran re got: Kûpan bi avê tijî bikin! Û wan heta ber dêv tijî kirin.

⁸Û wî ji wan re got: Niha derxinin û ji serokê şahiyê re bibin! Û wan jî birin.

⁹Gava serokê şahiyê ew ava ku bûbû xemr tam kir, wî nizanîbû ku ew ji ku hatiye, (lê belê xizmetkarên ku av ji kûpê ve derxistibûn, dizanîbûn); serokê şahiyê bangî zava kir û got:

¹⁰Her kes pêşiyê xemra qenc û paşî ku zehf vexwarin, ya ne qenc dide; lê belê te xemra qenc heta niha veşartiye!

¹¹Îsa ev nîşana[1]xwe ya pêşiyê, li Kanaya Celîlê çêkir û qudreta xwe nîşan da û şagirtên wî jî bawerî bi wî anîn.

¹²Paşî vêya Îsa û dayika wî û birayên wî û şagirtên wî bi hev re daketin Kefernahûmê û ew gellek rojan li wê derê neman.

¹³Û Fisiha Cihûdan nêzîk bû; Îsa jî hilkişiya Orşelîmê.

¹⁴Di Perestgehê de firotkerên dewar, mîh û kevokan û yên ku pere hûr dikirin pev re rûniştî dîtin.

¹⁵Û wî ji bendikan qamçiyek çêkir, hemû tev dewar û mîhên wan ji wir avêt derve, pereyê kesên ku pere hûr dikirin, rijand û maseyên wan gêr kir

¹⁶û wî ji yên ku kevokan difirotin re got: Vana ji vê derê rakin, mala Bavê min nekin mîna cîhê bazarê!

¹⁷Şagirtên wî, ew yeka ku hatiye nivîsandin anîn bîra xwe: Xîreta ku min ji bo mala te kir, dê min bixwe[1].

¹⁸Wê demê Cihûdan bersiv dan û ji wî re gotin: Ma tuyê di derheqê rastiya van karên ku te kirine de, çi elametê[1]nîşanî me bidî?

¹⁹Îsa bersiv da û ji wan re got: Vê Perestgehê xera bikin, ez ê wê di sê rojan de rakim!

²⁰Wê demê Cihûdan gotin: Ev Perestgeh di çel û şeş salî de hatiye avakirin, ma tuyê vêya di sê rojan de rakî?

²¹Lê belê Îsa qala Perestgeha bedena xwe dikir.

²²Dema ew ji mirinê rabû, şagirtên wî vê gotina anîn bîra xwe û baweriyê bi gotina Îsa û bi Nivîsên Pîroz anîn.

²³Û gava ew di Cejna Fisihê de li Orşelîmê bû, gellek kesên ku ev nîşanên ku wî kirine dîtin û bawerî bi navê wî anîn.

²⁴Lê belê Îsa, bi wan bawer nedikir; ji ber ku wî hemûyê mirovan nas dikir[1].

²⁵Ji ber ku bona mirov hewcedariya wî qet ji şahdeyiya tu kesî re tunebû; ji ber ku wî bi xwe, bi tiştê di mirov de bû dizanîbû.