Read PEYMANA NÛ 2017 (ÎNCÎL) N. Romiyan 1 Bible Online

N. Romiyan 1 - PEYMANA NÛ 2017 (ÎNCÎL) bible

N. Romiyan 1

¹Pawlosê qûlê Îsa Mesîh, ê ku ji bona bibe şagirt, hatiye dawet kirin ji Mizgîniya Xwedê re hatiye hilbijartin[1]–

²ew Mizgîniya ku wî bi navgîniya peyxamberên xwe, ji berê ve di Nivîsên Pîroz de wad kiriye,

³li gor bedenê ji nîjada Dawid ve bûye

⁴û li gor ruhê pîroziyê, bi vejîna ji mirinê û bi qûdretê Lawê Xwedê hatiye bang kirin[1], di derheqê Lawê wî, Xudanê me Îsa Mesîh de ye;

⁵di hemû neteweyên ku hûn jî di nav wan de vexwendiyê[1]Îsa Mesîh in,

⁶bona ku bona navê wî îtaetê ji baweriyê re bikin, me bi navgîniya wî xêr û wezîfeya şagirtiyê stendin –

⁷ji hemû xoşewîstên Xwedê, ên ku li Romayê ne û bona pîrozbûnê hatine dawet kirin re: Bila ji Bavê me Xwedê û ji Xudan Îsa Mesîh ve xêr û xweşî ji we re be!

⁸Pêşiyê bona we hemûyan, bi navgîniya Îsa Mesîh ve ji Xwedayê xwe re şikir dikim ku, baweriya we li hemûya dinê tête bang kirin[1].

⁹Ji ber ku Xwedayê ez bona belav kirina Mizgîniya Lawê wî, bi ruhê xwe ve jê re xizmetê dikim şahde ye ku,

¹⁰ez we çawa bêsekin, her tim di duayên xwe de di bîr ve tînim; bi xwestina Xwedê, ya dawîn bona hatina cem we ez dixwazim ku rêyek ji min re bê vekirin.

¹¹Ji ber ku bona hûn ji aliyê ruh ve zexm bibin, xelatek ruhanî bigihînim we, zahf dixwazim ku ez we bibînim.

¹²Yanê, dixwazim bibêjim ku, dema ez di nava we de bim, ez bi ya we, hûn jî bi ya min, em ê bi baweriya xwe xemrevîniyê[1]bibînin.

¹³Ya birano, ez naxwazim ji we re nenas bimîne ku, mîna di nava neteweyên din de, bona ku şuxlên min di nava we de jî dexlê bide, pirr caran min nêt anî ku ez werim cem we; lê belê heta niha hatim men kirinê.

¹⁴Berpirsiyartiya min li berya kesên Grek û yên Barbar, ji zaniyaran û ji nezanan re heye.

¹⁵Bi vî awayî, ez amade me ku ji we re, ji yên ku li Romayê ne re jî, Mizgîniyê heta ku ji destê min ve bê waaz bikim.

¹⁶Ji ber ku ez ji Mizgîniya Mesîh[1]fedî nakim; ji ber ku ew pêşiyê ji Cihûdan re, dawiyê jî ji Grekan re, bona xelasiya her bawerkiran hêza Xwedê ye.

¹⁷Ji ber ku pakbûna[1]Xwedê di wê de ji baweriyê, heta baweriyê tête doz kirin; herweha hatiye nivîsandin: Lê belê dê salih bi baweriyê ve bijî[2].

¹⁸Lewma li dijî hemû bêxwedanî û neheqiya mirovên ku bi neheqiyê dibin astengê rasteqîniyê, xezeba Xwedê ji ezman ve tête nîşan dayîn[1].

¹⁹Ji ber, çi ku di derheqê Xwedê de tê zanîn li ber çavan e; ji ber ku Xwedê hemûyî raxistiye ber çavên wan.

²⁰Ji ber ku ji afirandina dinê ve, xisûsiyetê wî yên ku nayên dîtin, yanê, hêza wî ya bêdawî û Xwedaniya wî bi kirinên wî tê fêhm kirin ku, bi eşkeretî tê dîtin; bo vê yekê uzrê[1]wan nîne.

²¹Ji ber ku Xwedê dizanîbûn jî, dîsa wî bi Xwedayî bilind nekirin û ji wî re şikir nekirin; lê belê di fikrên xwe de ketin ehmeqiyê; tariyê jî dilê wanî fêhm nake girt.

²²Gava ku wan digotin em baqil in, ew bêaqil bûn

²³û bilindahiya Xwedayê bê mirin bi senemên[1]mîna mirovên bi mirin, civîkan, çarlingan û marîjokan ve guhertin[2].

²⁴Bo vê yekê, Xwedê, bona bedenên xwe rezîl bikin, wan di nav şehwetên[1]dilê wan de berda pîsîtiyê.

²⁵Wan, rastiya Xwedê bi derewê ve guhertin û ji Xalik zêdetir, bi mexlûq ve peristîn û qûlitiyê kirin; ew abadîn bimbarek e[1]! Amîn.

²⁶Ji ber vê yekê Xwedê wan da azweriyên şermî; ji ber ku heta pîrekên wan jî dêvla têkiliyên xwezayî[1], yên ne xwezayî bijartin

²⁷û mîna wê, zilaman jî têkiliyê xweza yên pîreka berdan û di şehwetên xwe de bi hev û din re[1]vêketin û şewitîn; zilam bi zilaman re ket têkiliyên şermî û di xwe de bersiva ku liyaqî ji rê derketinê ye girtin.

²⁸Û ji ber ku di zanîna xwe de hebûna Xwedê minasîb nedîtin, Xwedê jî bona tiştên ku ne li cîh in bikin, wan da destê ramanên merdût[1].

²⁹Mafnezaniya bi her awayî, bi xerabî, bi çavnebarî, bi gir û hêrsê ve tijî bûn; bi hesûdî, bi hêrsa kuştinê, bi koşînê, bi hîlê û bi nêta xerab ve tijî ne.

³⁰Yên ji Xwedê ve dikerihin, kesên pirsguhêz, rexnekir, qurre, bikubr, pesnê xwe vedidin, xerabiyê dikin, ji dayik û bavan re îtaetê nakin,

³¹fêhmkor, li ser soza xwe nasekinin, bêhezkirin û bêrehm[1]in.

³²Kesên van tiştên ûsa dikin, hay ji fermana Xwedê ya di derheqê mirina wan de heye dizanin, lê tenê bi çêkirina vana namînin, lê belê kesên vana çêdikin jî teswîp û tesdîq[1]dikin.