Read PEYMANA NÛ 2017 (ÎNCÎL) N. Romiyan 10 Bible Online

N. Romiyan 10 - PEYMANA NÛ 2017 (ÎNCÎL) bible

N. Romiyan 10

¹Ya birano! Xwesteka dilê min û bergera min a di derheqê Îsraêlê de ji Xwedê re, bona xelasiya wan e.

²Ji ber ku ez şahdeyiyê li wan dikim ku, bona Xwedê xîreta wan heye, lê belê ne li gor zanyariyê ye.

³Ji ber ku wan, bi nezaniya rastiya Xwedê[1], bona pêdandî dayîna ya xwe xebitîn û bengî rastiya Xwedê nebûn.

⁴Ji ber ku bona her kesê ku bawerî aniye pak bibe, Mesîh dawiya zagonê ye.

⁵Ji ber ku Mûsa, di derheqê pakbûna[1]ku ji zagonê ve tê de vana nivîsandiye: Mirovê ku van tiştan bîne cîh, dê bi navgîniya vana ve bijî[2].

⁶Lê belê pakbûna ku ji baweriyê ve tê ûsa dibêje: Di dilê xwe de: Dê kî here ezman[1]? – yanê bona daxistina Mesîh –

⁷an jî: Dê kî dakeve warê miriyan – yanê bona ku Mesîh ji miriyan ve derxîne? – nebêje.

⁸Lê belê çi dibêje? Gotin nêzîkî te ye, di dev û dilê te de ye[1]! A vay, gotina baweriyê ku em didin bihîstin ev e.

⁹Ji ber ku ger tu bi devê xwe bi eşkeretî bibêjî Îsa Xudan e û ji dilê xwe baweriyê bînî ku Xwedê wî ji mirinê vejandiye, tuyê xelas bibî.

¹⁰Ji ber ku mirov bi bawerkirina ji dil ve pak dibe û baweriya xwe bi devê xwe eşkere bêje jî xelas dibe.

¹¹Ji ber ku Nivîsa Pîroz dibêje: Tu kesê bi wî re bawerî aniye, dê neyê şermezarî kirin[1]!

¹²Ji ber ku cihêbûna Cihûd, an jî Grek nîne; ji ber ku eynî Xudan, yê hemûyan e; ji hemûyên li ber wî digerin re dewlemend e;

¹³ji ber: Her kesê ku bangî navê Xudan bike, dê xelas bibe[1].

¹⁴Lê belê dê çawa bangî kesê ku bawerî pê neanîne bikin? Ji kesê ku nebihîstine re, dê çawa bawer bikin? Ger yê ku waz bike tune be, dê çawa bibihîzin?

¹⁵Û ger neyên şandin, dê çawa wazê bidin[1]? Mîna ku hatiye nivîsandin: Lingên kesên ku mizgîniya tiştên qenc didin, çi xweşik in[2]!

¹⁶Lê belê hemûyan guhdariya Mizgîniyê nekirin. Ji ber ku Îşaya dibêje: Ya Xudan, ma kî bi nûçeya ku me da bawer bû[1]?

¹⁷Ûsa tê ku, bawerî bi bihîstina gotinê û bihîstin bi navgîniya gotina Xwedê ve dibe[1].

¹⁸Lê belê ez dipirsim: Ma qey wan nebihîstin? Belê, bihîstin! Dengê wan gîhaşt hemûya rûyê erdê û gotinên wan jî gîhaştin çar hawirdorê erdê[1].

¹⁹Lê belê ez dipirsim: Ma Îsraêl fêhm nekir? Pêşiyê Mûsa dibêje: Ez ê we bi yên netew nebûne ve çavnebar bikim û bi netewek fêhmneker ve jî we hêrs bikim[1].

²⁰Û Îşaya bi cesaret dibêje: Yên li min nedigeriyan min dîtin, min xwe nîşanî kesên ku min nedipirsîn da[1].

²¹Lê belê ew di derheqê Îsraêlê de dibêje: Min di hemûya rojê de, destê xwe, dirêjî gelekî bêîtaetiyê dike û li dijî disekine, kir[1]!