Read PEYMANA NÛ 2017 (ÎNCÎL) N. Romiyan 11 Bible Online

N. Romiyan 11 - PEYMANA NÛ 2017 (ÎNCÎL) bible

N. Romiyan 11

¹Niha ez dipirsim: Ma Xwedê gelê xwe red kir? Haşa! Ji ber ku ez jî Îsraêliyek ji nîjada Birahîm û ji eşîra Benyamîn im.

²Xwedê ji gelê xwe yî ji berê ve zanîbû rû nezivirand. Ya na hûn Nivîsa Pîroz, di birra derheqê Êlyas de çi dibêje û giliyê ku ew li dijî Îsraêlê li Xwedê dike, qey nizanin?

³Ya Xudan, peyxamberên te kuştin, pêşkêşgehên te xera kirin û tenê ez mam û bona kuştina min dişuxulin[1]!

⁴Lê belê bersiva ku Xwedê da wî çi dibêje? Min heft hezar kesê li berya Baal çong neşikandine ji xwe re cihê kir[1].

⁵Mîna vêya di dema niha de jî, civakekî biçûk ya ji keremê ve hatiye bijartin heye.

⁶Lê belê ger ev bi keremê bûbe, êdî ne ji karan e; ya na dê kerem êdî ne kerem be!

⁷Dawî çî ye? Îsraêl, negîhişt tiştê ku lê digeriya, lê belê yên hatine bijartin gîhaştin û yên din hatin tund[1]kirin;

⁸mîna ku hatiye nivîsandin: Xwedê ruhê xewariyê da wan; heta roja îro çavên ku nabînin û guhên ku nabihîzin da wan[1].

⁹Û Dawid dibêje: Bila sifra wan li wan bibe kemîn û feq û tilpekî û ceza.

¹⁰Bila çavên wan bona nedîtinê tarî bibe û pişta wan her dem xwar bike[1]!

¹¹Niha ez dipirsim: Ma ew bona xerabûnê lewitîn? Haşa! Lê belê bona behecandina wan, ji ber sûcên wan, xelasî ji netewan re hat.

¹²Û ger sûcê wan bûbe dewlemendiya dinê û xerabûna wan bûbe dewlemendiya netewan, dê temambûna wan hîn çiqas zêde dê bibe dewlemendî!

¹³Lê belê ji we re, ji yên neteweyan re dibêjim: Ji ber ku ez bûme şagirtê neteweyan, ez wezîfeya xwe bilind dihesibînim;

¹⁴bi vî awayî dibe ku ez kesên ji netewa xwe bibehicînim û ji wan hinekan xelas bikim.

¹⁵Ji ber ku, ger redbûna wan li hev hatina dinê ava kiribe, qebûl kirina wan, ji mirinê derbasî jiyanê bûn nebe, gelo çî ye?

¹⁶Û ger pariyê pêşîn pîroz be, hevîr jî û ger kok pîroz be, gulî jî pîroz in.

¹⁷Lê belê ger hinek gulî hatibin jêkirin û tu, mîna darê zeytûnê ya bejî, hatibe lûl kirin û bûbe şirîkê koka darê zeytûnê, ya qelew, li dijî guliyan pesnê xwe nede!

¹⁸Lê belê ger tu pesnê xwe dide, (ji bîr meke ku) tu rehê nakişîne, reh te dikeşîne!

¹⁹Niha, tuyê bibêjî: Bona ku ez lûl bibim guliyan jêkirin.

²⁰Rast e! Ew ji bêbaweriya xwe hatin jêkirin û tu jî bi baweriya xwe li cîhê xwe sekiniye. Quretiyê meke, lê bitirse!

²¹Ji ber ku ger Xwedê guliyên esil neparastiye, dê te jî neparêze.

²²Niha, li qencî û tundiya Xwedê binihêre; ew, li dijî kesên ketî tund e; lê belê ger tu di qenciya wî de bimîne, dê li dijî te qenc bibe; ya na tuyê jî bête jêkirin!

²³Û ger ew jî di bêbawerbûnê de nedomînin, dê lûl bibin; ji ber, hêza Xwedê heye ku wan dîsa lûl bike.

²⁴Ji ber ku ger tu, ji darê zeytûnê ya bejî ya di xwezaya xwe de bête jêkirin li dijî xwezaya xwe, li darekî zeytûnê ya qenc ve hatibe lûl kirin, ew ku, guliyên xweza ne, dê çiqas bi zêdeyî li darê xwe yî zeytûnê ve bêne lûl kirin!

²⁵Ji ber ku, ya birano, bona ku hûn bi xwe û xwe nebin zana, ez naxwazim hûn ji vê razê ve bêhay bimînin: Heta ku hejmara kesên ji neteweyên din ên ku dê xelas bibin temam bibe, dilê beşekê Îsraêliyan tund bûye.

²⁶Û bi vî awayî, dê hemûya Îsraêlê xelas bibe; mîna ku hatiye nivîsandin: Dê Xelasker ji Siyonê bê û bêxwedayiyê ji Aqûp ve bi dûr bixe[1].

²⁷Û dema ku ez gunehên wan rakim; peymana ku ez bi wan re bikim ev e[1].

²⁸Her çiqas ew li gor Mizgîniyê di oxra we de bûn dijmin, lê belê li gor bijartinê, di oxra kalikan de xoşewîst in[1].

²⁹Ji ber ku bang û xelatên Xwedê paş ve nayên girtin[1].

³⁰Ji ber çawa ku demekê we ji Xwedê re bawerî nedikirin[1], lê belê niha ji ber bi bêbaweriya wan[2]hûn gîhaştin dilovaniyê;

³¹mîna vêya, niha vana jî bûn bêîtaetker, da ku, bi dilovaniya ku ji we re hatiye nîşan dayîn ew jî niha bigihêjin dilovaniyê.

³²Ji ber, bona ku Xwedê ji hemûyan re dilovaniyê bike, hemûyan di nav bêîtaetîkirinê de girt.

³³Ya kûritiya zanyarî û zanîn û dewlemendiya Xwedê! Daraziyên wî çiqas ku aqil nagihêje û rêyên wî çiqas nayên fêhm kirinê!

³⁴Ji ber ku ma kî bi ramanên Xudan zanî? An jî kî bû şîretkirê wî?

³⁵An jî kî tiştekî berê da wî ku û dîsa berdêlê jê re bê dayîn?

³⁶Ji ber ku hemû tişt ji wî û bi navgîniya wî û bona wî ne. Bila bilindahî heta bêdawiyê ji wî re be! Amîn.