Read PEYMANA NÛ 2017 (ÎNCÎL) N. Romiyan 16 Bible Online

N. Romiyan 16 - PEYMANA NÛ 2017 (ÎNCÎL) bible

N. Romiyan 16

¹Xizmetkara Dêra li Kenherê, xwuşka me Fîbî salixî we didim; mîna ku li pîrozan bê, wê bi navê Xudan qebûl bikin

²û ger di tiştekî de motajiyek wê ji we hebe, alîkariyê bi wê bikin; ji ber ku, wê jî alîkariya gellekan û ya min jî kiriye.

³Ji Prîska û Akvîla, yên di rêya Mesîh de hemkedên min in re silav bikin;

⁴wan di oxra canê min de jiyana xwe avêtin talûkê; bona vêya ne ez tenê, lê belê hemû Dêrên neteweyên din jî ji wan re spas dikin[1];

⁵ji Dêra ku di mala wan de ye re jî silav bikin! Ji yê ku nûberê Mesîh yê Asyayê ye, xoşewîstê min Epenetûs re silav bikin.

⁶Ji Meryema ku bona we zahf şuxuliye re silav bikin.

⁷Ji meriv û hevalên minî girtîgehê Andronîqûs û Yûnîas, yê di nava şagirtan de zahf hatine nas kirin û berî min bi Mesîh ve bawerî anîne re silav bikin.

⁸Di Xudan de xoşewîstê min, ji Ampliyatûs re silav bikin.

⁹Di Mesîh de hemkedê me ji Ûrbanûs re û ji xoşewîstê min Stakîs re silav bikin.

¹⁰Ji Apellîsê di Mesîh de hatiye ecibandin re silav bikin. Yên ji maliyên Arîstobûlûs in re silav bikin.

¹¹Ji merivê min Hêrodiyon re silav bikin. Ji maliyê Narkîs yê ku aidî Xudan in re silav bikin.

¹²Ji Trîfêna û Trîfosa yê di Xudan de duşuxulin re silavê bikin. Ji Persîsê xoşewîst yê pirr di Xudan de şuxuliye re, silav bikin.

¹³Ji Rufûsê di Xudan de hatiye hilbijartin û ji diya wî ya ji min re jî diyêtî kiriye re silav bikin.

¹⁴Ji Asînkrîtûs, Flêgon, Hêrmes, Petrovas, Hêrmas û hemû birayên li cem wan in re silav bikin.

¹⁵Ji Fîlologûs û Yûlîa, ji Nêreyûs û xwuşka wî û ji Olîmpas û hemû pîrozên li cem wan in re silav bikin.

¹⁶Silavê, bi ramûsana pîroz ve bidin hev û din! Hemû Dêrên Mesîh, silavê li we dikin.

¹⁷Niha, ya birano, ez li ber we digerim, li kesên ku li dijbera hînkirina ku we girtiye radibin û dibin sedemê veqetandin û rêguhertinê balkêş bin û ji wan ve, li xwe miqate bibin!

¹⁸Ji ber ku kesên ûsa ne ji Xudanê me Mesîh re, lê belê ji zikê xwe re xizmetê dikin û dilê kesên saf bi gotinên xwe yî çaplûsî yên bi guhan ve xweş tê dixapînin.

¹⁹Ji ber ku îtaetkirina we gihaşt guhê her kesî. Bo vê yekê, ez ji bo we kêfxweş dibim; lê belê dixwazim ku di babeta qencîtiyê de hûn zaniyar û di babeta xerabiyê de bêceribandin bin.

²⁰Û Xwedayê dilxweşiyê, pirr derbas nebe dê Îblîs di binya lingên we de bieciqîne. Bila kerema Xudanê me Îsa Mesîh bi we re be!

²¹Hemkedê min Tîmotêyos, ji merivên min Lûqyûs û Yason û Sosîpater silavê li we dikin.

²²Yê ku nameyê derbasî nivîsê kiriye, ez Tertiyûs, di Xudan de ji we re silav dikim.

²³Gayûsê ji min û ji hemûya Dêrê re mêvanperweriyê dike, silavê li we dike. Xeznedarê bajêr Êrastûs û birayê Kûartûs ji we re silav dikin.

²⁴Bila xêra Xudanê me Îsa Mesîh bi we hemûyan re be! Amîn.

²⁵Niha, li gor daxuyanî kirina raz[1]a ku, li gor Mizgîniya min û li gor waza Mesîh Îsa, ji demên bêpêşî ve veşartî maye;

²⁶lê belê niha eşkere bûye û li gor emrê Xwedayê bêpêşî bi navgîniya pirtûkên peyxamberan ve ji hemû neteweyan re, bona ku li ber baweriyê îtaetê bikin hatiye agihandin; ji Xwedayê alimê tekane ye re,

²⁷yê bona pêdandina we şiyandar e, bila bi navgîniya Îsa Mesîh ve, abadîn bilindahî bibe! Amîn.