Read PEYMANA NÛ 2017 (ÎNCÎL) N. Romiyan 3 Bible Online

N. Romiyan 3 - PEYMANA NÛ 2017 (ÎNCÎL) bible

N. Romiyan 3

¹Niha, çi taybetiya Cihûdan heye? An jî qenciya bisunetbûnê çî ye?

²Ji her alî ve zêde ye! Ya yekemîn, gotinên Xwedê berê emanetî wan bûn.

³Ger hinekan bawerî neanîbin[1], dê çi bibe? Ma bêbaweriya wan, dilsoziya Xwedê ji navendê radike?

⁴Haşa! Her mirov derewîn jî be, bila bê zanîn ku Xwedê rast e; mîna ku hatiye nivîsandin: Da ku, tu di gotinên xwe de rast derkeve û dema bê darazdan[1], dozê qezenc bike[2].

⁵Lê belê ger neheqiya me, dadbûna Xwedê derxe navendê, ma em çi bêjin? Ez bi zimanê mirovan ve diaxifim: Xwedayê ku bi xezebê ceza dike, ma neheq e?

⁶Haşa! Ger ûsa be, dê Xwedê çawa darazdana dinê bike?

⁷Lê belê ger bi derewên min, rastiya Xwedê, bona bilindiya wî hîn jî zêde bibe, ma ez çima dîsa jî bi gunehkarî tême darazdan?

⁸Û mîna ku di derbarê me de hatiye buxtan kirin û mîna ku hin kes dibêjin û îdîa dikin ku me gotiye, ma çima; em nebêjin: Bona qencî were em xerabiyê bikin? Mehkûmiyeta wan rast e[1]!

⁹Ango çi? Ma xawêniya me heye? Na, qet nîne. Ji ber ku me ji jor dixwaze bila Cihûd be, dixwaze Grek be, bi gotina; hemû di bin gunehan de ne, sûcdar kirin.

¹⁰Mîna ku hatiye nivîsandin: Qet kesên salih tune ne, yek jî tune.

¹¹Yê fêhm bike nîne, tu kesê ku li Xwedê digere nîne.

¹²Hemû ji rê derketin, pev re bûn bêfêde. Yê ku qenciyê dike nîn e, yek jî nîn e[1].

¹³Devê wan gorek vekiriye; bi zimanê xwe ve dixapînin[1]; di binê lêvên wan de jahra mara heye[2].

¹⁴Devê wan bi nalet û gotinên tal ve tijî ye[1].

¹⁵Lingên wan ber bi xwîn rijandinê ve bi lez in.

¹⁶Di rêgehên wan de xerakirin û tengasî heye.

¹⁷Û rêya dilxweşiyê jî nizanin[1].

¹⁸Li ber çavên wan tirsa Xwedê nîne[1].

¹⁹Û em dizanin ku, hemû tiştên ku zagon her çiqas tiştan dibêje, ji yên di bin zagonê de ne re dibêje; da ku, her dev bên girtin û bona hemûya dinê li dijî Xwedê sûcdar bibe;

²⁰ji ber ku di hizûra wî de dê tu kes ji karên zagonê salih neyê hesibandin; ji ber ku zanîna gunehê bi navgîniya zagonê ye.

²¹Lê belê niha bi zagon û ji aliyê peyxamberan ve bi şehadetî kirinê,

²²rastiya[1]Xwedê, yanê rastiya Xwedê ya ku ji hemûyên bi navgîniya baweriyê ji Mesîh Îsa re baweriyê anîne re ye, ji bilî zagonê eşkere bûye; ji ber ku qet cihêtî nîne;

²³çimkî hemûyan gunehê kirin û ji bilindahiya Xwedê mehrûm man.

²⁴Ew bi navdîtiya fîdya ku di Îsa Mesîh de ye, bi xêra wî, bê berdêl salih têne hesibandin;

²⁵ji ber efûbûna gunehên ji berê ve di sebra Xwedê de hatine kirin, bona nîşandayîna dadiyê,

²⁶yanê, bona di dema niha de dadiya wî bête nîşan dayîn[1], di xwîna wî de bi navdîtiya baweriyê, wekî kefaret be, Xwedê wî pêşkêş kir, da ku, ew bi xwe bi dad be û yê ku baweriyê bi Îsa anîne salih bihesibîne.

²⁷Niha pesnvedan li ku ma? Li derve ma! Lê belê bi sipartina kîjan qanûnê? Ma bi ya şixulan[1]? Na, lê belê bi zagona baweriyê ve!

²⁸Ji ber, em di wê qenîetê de ne ku, mirov ne bi xwestekê zagonê anîn cîh, bi baweriyê salih têne hesibandin.

²⁹An jî ma Xwedê tenê Xwedayê Cihûdan e? Ma ne yê neteweyên din e jî? Belê, yê neteweyên din e jî!

³⁰Ji ber ku Xwedanê bisunetan bi baweriyê, yên ne bêsunetan jî bi eynî baweriyê salih bihesibîne yek e.

³¹Niha, ma em bi navgîniya baweriyê, zagonê betal dikin? Haşa! Lê belê em zagonê tesdîq dikin[1].