Read PEYMANA NÛ 2017 (ÎNCÎL) N. Romiyan 4 Bible Online

N. Romiyan 4 - PEYMANA NÛ 2017 (ÎNCÎL) bible

N. Romiyan 4

¹Niha, em ê li gor bedenê di derheqê bapîrê xwe[1]Birahîm de bêjin çi?

²Ji ber ku ger Birahîm bona karên xwe yî qenc salih hatibe hesibandin, ji pesnvedanê heqê wî heye; lê belê ne li ber Xwedê.

³Ji ber ku Kitêb dibêje çi? Û Birahîm bawerî bi Xwedê anî û bi vî awayî pak bûyî hate hesibandin[1].

⁴Lê belê heqdestê ku tê dayîna xebatkaran ne kerem e, heq tê hesibandin.

⁵Lê yê ku naxebite, lê belê bawerî bi yê ku bêxwedan salih dihesibîne ve tîne, bi saya baweriya xwe pak bûyî tête hesibandin.

⁶Herweha Dawid jî, dilxweşiya zilamê ku, Xwedê wî bêlêker salih hesibandiye daxuyanî dike:

⁷Xwezî li kesên ku sûcên wan hatiye efû kirin û gunehên wan hatiye nuxumandin!

⁸Xwezî li wî zilamî ku, Xudan ji wî re guneh nahesibîne[1]!

⁹Ma ev dilxweşî bona bisunetan e, an bona bêsunetan e jî? Em dibêjin ku: Birahîm bi saya baweriya xwe pak bûyî hate hesibandin.

¹⁰Ma çawa ji wî re hate hesibandin? dema bisunet bû, an jî dema bêsunet bû? Ne dema bisunet bû, lê belê dema bêsunet bû!

¹¹Û gava ew hîn bêsunet bû, bi delîliya bêsunetî pak bûnê, nîşana sunetê girt; da ku, bila bibe bavê manewî yê heçî kesên hîn bi bêsunet bûnê baweriyê anîne û bila ew jî pakbûyî bên hesibandin!

¹²Û bi vî awayî bapîrê me Birahîm, bû bavê ew kesên ku, tenê bisunet bûnê nemane, lê belê dema ew bêsunet bû, yên bisunet bûna xwe li pey şopa baweriya wî dimeşin jî.

¹³Ji ber ku wada mêraskerbûnê dinê, ne bi navgîniya zagonê, lê belê bi navgîniya pakbûna ku ji baweriyê tê, ji Birahîm û nîjada wî re hate dayînê.

¹⁴Ji ber ku ger yên girêdayiyê zagonê mêrasker bin, bawerî vala û wad betal e.

¹⁵Ji ber ku zagon xezebê pêk tîne; lê belê li cîhê ku zagon tune be, li wê derê tecawuz jî tune.

¹⁶Ji ber vê yekê, bona ku li gor xêrê[1]be, ji baweriyê ye; da ku, wad ji hemû nîjadê re, ne tenê ji yê ku ji zagonê ye re, mîna ku: Min te kir bavê gellek neteweyan, hatiye nivîsandin[2], bila bi yê ku ji baweriya bavê me hemûyan Birahîm e ve jî ewle bibe;

¹⁷ew Birahîmê ku, li ber Xwedayê ku miriyan divejîne û tiştên tune ne, mîna tiştên ku hebin gazî dike, bawerî anî.

¹⁸Dema ew di rewşeke bêhêvî de bû, bi hêviya ku dê bibe bavê gellek netewan bawerî anî. Bi soza ku: Dê nîjada te ûsa bibe[1], dibêje ewle bûbû[2]!

¹⁹Û bedena xwe yî bi sed salî bûnê jixwe miriye û mirîbûna rehma Sara, di baweriyê de bi lawaz[1]neketinê fikirî.

²⁰Wî bê bawerî nekir û ji wada Xwedê şik nekir; lê belê di baweriyê de xurt bû û Xwedê bilind kir.

²¹Bi hemûyan ewle bû ku dê Xwedê bona wada xwe bîne cîh, şiyandar[1]e.

²²Ji ber vê yekê jî jê re pak bûyî hate hesibandin.

²³Û ya ku bo wî hate hesibandin, ne tenê ji bo wî,

²⁴lê belê ji bo yên ku dê pak bûyî bên hesibandin, yanê, bona me, yên bi yê ku Xudanê me Îsa, ji mirinê vejand bawerî anîne jî hate nivîsandin;

²⁵ew bona sûcên me ji mirinê re hate dayînê û bona pakbûna me, hate vejandinê.