Read PEYMANA NÛ 2017 (ÎNCÎL) N. Romiyan 5 Bible Online

N. Romiyan 5 - PEYMANA NÛ 2017 (ÎNCÎL) bible

N. Romiyan 5

¹Niha, em bi baweriyê ve salih hatine hesibandin, bi navgîniya Xudanê me Îsa Mesîh, bi Xwedê re aştiya me heye;

²em, bi navgîniya wî ve jî û bi baweriyê ve gîhaştin vê kerema ku em tê de pêdandî ne û bi hêviya gîhaştina bilindahiya Xwedê em pesnê xwe didin.

³Û tenê ne bi ewqasî, lê belê em heta bi tengasiyan jî pesnê xwe didin.

⁴Ji ber, em dizanin ku tengasî hêza berxwedanê, hêza berxwedanê ecibandinê û ecibandin jî hêviyê ava dike

⁵û hêvî jî naşermîne; ji ber ku bi navgîniya Ruhê Pîroz ku ji me re hatiye dayîn, hezkirina Xwedê rijiyaye dilê me.

⁶Ji ber ku gava em hîn bêçarebûn, Mesîh di dema ku hatibû hilbijartin de, bona bêxwedêyan mir.

⁷Ji ber ku kesekî bona mirovekî salih, zor dimire, lê belê dibe ku mirovek li dêvla yekî qenc[1]mirinê bide ber çav[2].

⁸Lê belê Xwedê, ji me hezkirina xwe bi vêya îspat dike: Gava ku hîn em gunehkar bûn, Mesîh bona me mir.

⁹Niha, li gor em bi xwîna wî salih hatine hesibandin, hîn jî biryar e ku em ê bi navgîniya wî, ji xezebê xelas bibin!

¹⁰Ji ber ku ger em, dema neyar bûn, bi navgîniya mirina Lawê wî, bi Xwedê re li hev hatibin, hîn jî biryar e ku bi li hev hatinê, em ê bi jiyana wî xelas bibin!

¹¹Û tenê ne ewqas e, lê belê bi navgîniya Xudanê me Îsa Mesîh, yê ku me niha li hev aniye, bi Xwedê re jî em pesin vedidin.

¹²Bo vê yekê, çawa ku guneh bi navgîniya mirovekî û mirin jî bi navgîniya gunehê ve ketibe dinê; bi vî awayî mirin jî derbasî hemû mirovan bû; ji ber ku hemûyan guneh kirin;

¹³– ji ber ku berî zagonê[1]jî guneh di dinê de hebû; lê belê dema zagon tune be, guneh nayê hesibandin.

¹⁴Lê belê li gor şîb a destdirêjiya Ademê ku wekokê kesê dê bê ye, li ser yên ku guneh nekirine jî, ji Adem heta Mûsa mirin serweriyê dikir.

¹⁵Lê belê sûc çawa be, xelat jî wusa nîne; ji ber ku, ger bi sûcê yekî, gellek miribin, bo gellekan bi xêra Xwedê û zilamekî yanê bi xêra Îsa Mesîh bexşandin hîn jî zêde bû.

¹⁶Û bexşandin, ne mîna gunehên bi navgîniya kesekî ye; ji ber ku darazî bona ji sûcekê mehkûmiyetê; lê belê xelat, bona ji gellek sûcan pakbûnê çêbû.

¹⁷Ji ber ku, ger mirin bona sûcê yekî, bi navgîniya mirovekî serweriyê ajotibe, yên ku zêdeyiya kerem û bexşa safîbûnê girtine, bi yekî, yanê, bi navgîniya Îsa Mesîh ve di jiyanê de dê bi zêdeyî serweriyê bajon! –

¹⁸Niha, çawa ku sûcek li mehkûmiyeta hemû mirovan re rê vedike, kirinek rastîn jî pakbûna jiyanê dide hemû mirovan ava kir.

¹⁹Ji ber, çawa ku bi sedema bêîtaetî kirina mirovekî gellek kes gunehkar hate kirin, bi vî awayî bi îtaet kirina mirovekî jî gellek kes dê bêne salih kirin.

²⁰Û zagon, bona ku sûc zêde bibe ket navendê; lê belê li cîhê ku guneh zêde bûye, kerem hîn jî zêde bûye;

²¹da ku, wekî guneh serweriya xwe bi mirinê ve dajo, kerem jî bila bi navgîniya Xudanê me Îsa Mesîh ve, bona dayîna jiyana bêdawî, bi pakbûnê[1]serweriyê bajo.