Read PEYMANA NÛ 2017 (ÎNCÎL) N. Romiyan 6 Bible Online

N. Romiyan 6 - PEYMANA NÛ 2017 (ÎNCÎL) bible

N. Romiyan 6

¹Ma niha em çi bibêjin? Bona ku kerem zêde bibe, ma em dûmahiya gunehkirinê bikin?

²Haşa! Em, yên ku li hember gunehan mirîne, êdî em ê çawa di wê de bijîn?

³An jî ma hûn nizanin ku, hemûyên ji me, yên di Mesîh Îsa de vaftîz bûne, di mirina wî de vaftîz bûne?

⁴Niha, em bi navgîniya vaftîzê ve bi wî re, ji mirinê re hatin binax kirin; da ku, Mesîh, çawa bi bilindiya Bavo ji mirinê ve vejiyabe, em jî bi vî awayî di nûbûna jiyanê de bimeşin.

⁵Ji ber ku ger em di mirinekî mîna ya wî de, bi wî re yek bûbin, di vejînekî mîna ya wî de jî em ê bi wî re bibin yek.

⁶Em vêya dizanin ku, êdî em ê ji gunehê re dîlitiyê mekin, bona ku bedena me yî gunehkar ji navendê rabe, mirovê me yî kevn jî bi wî re, hatiye xaçkirin.

⁷Ji ber ku kesekî bimire, ji gunehan ve hatiye azad kirin.

⁸Lê belê ger em bi Mesîh ve miribin, em bawer in ku em ê bi wî re jî bijîn;

⁹ji ber, em dizanin ku Mesîh ji mirinê ve vejiyaye û êdî namire, mirin êdî nikare serweriya xwe li ser wî bajo.

¹⁰Ji ber ku mirina wî di berdêla gunehan de bûye mirina pêşî û ya paşî; lê belê jiyana ku dajo, bona Xwedê dajo.

¹¹Hûn jî bi vî awayî xwe li berya gunehan mirî û di Mesîh Îsa de, li berya Xwedê zindî bihesibînin.

¹²Niha, bila guneh di bedena we yî fanî[1]de, bona ku hûn li gor şehwetên wê bikin, serweriyê neajo.

¹³Û endamên xwe nekin navgîniyê neheqiyê û pêşkêşî gunehê mekin; lê belê mîna kesên ku ji mirinê vejiyaye, xwe pêşkêşî Xwedê bikin û endamên xwe jî bi hacetên pakbûnê ve, pêşkêşî Xwedê bikin!

¹⁴Ji ber ku dê guneh nikaribe serweriyê li ser we bike; ji ber ku hûn ne di bin rêvebiriya zagonê de, lê belê di bin keremê de ne.

¹⁵Niha çi? Ji bona ku em ne di bin rêvebiriya zagonê de ne, lê belê em di bin keremê de ne, ma em gunehan bikin? Haşa!

¹⁶Mîna dîlên[1]îtaetê, hûn ê xwe bidin destê kê, ma qey hûn nizanin ku hûn dîlên wî kesê ku îtaetê jê re dikin in? Hûn an dîlê gunehên dibe mirinê, an jî dîlê îtaetê ku dibe rastiyê[2]ne.

¹⁷Lê belê şikir ji Xwedê re ku, mîna hûn qûlên gunehê bûn, lê li gor sûretê hînkariya ku hûn jê re hatine radest kirin we ji dil îtaet kir

¹⁸û ji gunehan hatin azad kirin û bûn qûlên rastiyê.

¹⁹Bona bêhêzbûna ezitiya we ya xweza, ez li gor pîvana mirovan diaxifim; we çawa endamên bedenên xwe bi dîlitî pêşkêşî bêexlaqiyê û bona xerabiyê ji xerabiyê re pêşkêş kiribin, niha van endamên xwe bona pîrozahiyê, bi dîlitî pêşkêşî rastiyê[1]bikin.

²⁰Ji ber ku hûn dema ku dîlên gunehê bûn, ji rastiyê azad bûn.

²¹Çi berhema wê demê, ji wan tiştên ku niha hûn ji wan şerm dikin, ji we re hebû? Ji ber ku dawiya wan mirin e!

²²Lê belê niha, wekî ji gunehan bi azad kirinê û ji Xwedê re dîl bûnê bin, bona pîroziyê berhema we heye û dawiya wê jiyana bêdawî ye.

²³Ji ber ku berdêla gunehê mirin e, lê belê xelata Xwedê, di Xudanê me Mesîh Îsa de jiyana bêdawî ye.