Read PEYMANA NÛ 2017 (ÎNCÎL) N. Romiyan 8 Bible Online

N. Romiyan 8 - PEYMANA NÛ 2017 (ÎNCÎL) bible

N. Romiyan 8

¹Bi vî awayî, niha ji kesên di Mesîh Îsa de ne re, êdî qet mehkûmiyetek nîne.

²Ji ber, zagona Ruhê ku jiyanê dide, di Mesîh Îsa de, min ji zagona guneh û mirinê ve azad kir.

³Ji ber ku Xwedê Lawê xwe di dirûvê bedena gunehê de û bona gunehê şand û gunehê di bedenê de mehkûm kir û tiştê ku zagon, bona ku ji ber bedenê lawaz e nikare bike, kir[1];

⁴da ku, xwestina zagonê ne li gor bedenê, di me de, di yên li gor Ruh ve dijîn de were cîh.

⁵Ji ber, yên ku li gor bedenê ne tiştên bedenê, lê belê yên ku li gor Ruh in tiştên Ruh difikirin.

⁶Ji ber ku ramanê li gor bedenê mirin e, lê belê ramanê li gor Ruh e jî jiyan û dilxweşî ye.

⁷Ji ber ku ramanê li gor bedenê, neyartiya li dijî Xwedê ye; ji ber ku ji zagona Xwedê re îtaet nake, him jî nikare bike

⁸û kesên di bedenê de ne, nikarin Xwedê xoşnûd bikin.

⁹Çi heye ku, ger Ruhê Xwedê di we de bijî, hûn ne di bedenê de, lê belê di Ruh de ne. Lê belê di kesekî de Ruhê Mesîh tune be, ew kes ne yê Mesîh e.

¹⁰Û ger Mesîh di we de be, beden ji ber gunehan mirî ye, lê belê ruh ji ber pakbûnê[1]jîyan e.

¹¹Lê belê ger Ruhê yê ku Îsa ji mirinê vejandiye di we de bimîne, yê ku Mesîh Îsa ji mirinê vejandiye, bi navgîniya Ruhê xwe yî di we de dimîne, dê bedenê we yî bi mirin bivejîne.

¹²Niha ger wusa be, ya birano, em li gor ji bo bedenê bijîn, ne deyndarê bedenê ne!

¹³Ji ber ku ger hûn li gor bedenê bijîn, hûn ê bimirin, lê belê ger hûn karên bedenê bi Ruh ve bikujin, hûn ê bijîn.

¹⁴Ji ber ku hemû kesên ku bi Ruhê Xwedê ve tên îdare kirin, lawên Xwedê ne.

¹⁵Ji ber ku we, dîsa ji bo tirsê ruhê dîlitiyê negirtin, lê belê we ruhê lawitiyê girtin û em bi wî ve: Abba, Bavo! bang dikin.

¹⁶Ruh bi xwe, bi ruhê me ve, şahdeyiyê dike ku em zarokên Xwedê ne.

¹⁷Û ger em zarok bin, di heman demê de mêrasker in jî; mêraskerên Xwedê û şirîkên mêraskerên Mesîh in; ger em di rastiyê de jî bi wî re elemê dikişînin, ev bona pev re jî bilindkirina me ye.

¹⁸Lewma ez dihesibînim ku ahênên vê demê, li ber bilindahiya ku dê ji me re bête kişif kirin, qet ne tiştek in.

¹⁹Ji ber ku xuluqandin, bi bêrîkirina mezin li benda derketina lawên Xwedê ya navendê ye.

²⁰Ji ber ku xuluqandin ne bi daxwaziya xwe, lê bi sedema yê ku têkildar kiriye bi ya pûç ve hate têkildarkirin, lê belê hêvî heye

²¹ku dê xuluqandin bi xwe jî, ji qûlitiya fanî ve xelas bibe û bigihêje azadiya zarokên Xwedê ya bi rûmet.

²²Ji ber, em dizanin ku heta niha hemû xuluqandin dinale û jana welidînê dikişîne.

²³Û tenê ne ev, lê belê em bi xwe jî, yên xwediyê nûberê Ruh jî bi bêrî kirinê li benda girtina lawitiyê, yanê, xelaskirina bedenê xwe ne û di hundirê xwe de dinalin.

²⁴Ji ber ku em bi hêviyê ve xelas bûn; lê belê hêviya ku xuya dibe, ne hêvî ye; ji ber, ma kî dikare tiştê ku dibîne hêvî bike?

²⁵Lê belê ger me hêviya xwe li ya hîn me nedîtiye girê dabe, em ê bi sebir li benda wê bin.

²⁶Û bi vî awayî, Ruh jî di bêhêzbûna me de alîkariyê bi me re dike; ji ber, em nizanin ku ka em ê çawa dua bikin, lê belê Ruh bi xwe bi axînên nayên gotinê ve ji bona me şefaetê dike.

²⁷Û yê ku lêkolînan li dil dike, dizane ku fikrê Ruh çî ye; ji ber ku ew li gor xwestina Xwedê, bona pîrozan şefaetê dike.

²⁸Û em dizanin ku hemû tişt, bi hev re, bona kesên ku ji Xwedê hez dikin, bona kesên ku li gor mirazê xwe hatine bang kirin re, bona qenciyê dişuxulin.

²⁹Ji ber ku wî, kesên ji berê ve zanîbû, bona wergerîne mînakê Lawê xwe, ji berê ve hilbijartî ye; da ku, bila ew di nava gellek birayan de bibe yê pêşîn welidiye.

³⁰Û wî, bangî kesên ku ji berê ve hilbijartiye kir û kesên ku bangî wan kiribû salih jî hesiband û kesên ku salih hesibandibû bilind jî kir.

³¹Niha, em ji vêya re bibêjin çi? Ger Xwedê li aliyê me be, kî dikare li dijî me be?

³²Yê ku Lawê xwe ne parêst, lê belê wî di oxra me hemûyan de da mirinê, ma ew dê tevî wî jî, hemû tiştan çawa ji me re nebexşîne?

³³Dê kî li dijî kesên ku Xwedê hilbijartiye gilî bike? Yê ku wan mafdar derdixe[1]Xwedê ye;

³⁴ma yê ku sûcdar bike, kî ye? Yê ku miriye û hîn zêde, vejiyaye Mesîh Îsa ye ku, li aliyê rastê Xwedê ye û bona me şefaetê dike!

³⁵Ma kî dikare me ji hezkirina Mesîh ve veqetîne[1]? Qey tengasî, an keser, an zilm, an birçîbûn, an tazîbûn, an xeterî, an jî şûr?

³⁶Mîna ku hatiye nivîsandin: Em di oxra te de hemûya rojê tên kuştin, em mîna mîhên qesabî[1]hatine hesibandin!

³⁷Lê belê em bi navgîniya yê ku ji me hez dike, di vana hemûyan de ji kesê serketine jî jortir in.

³⁸Ji ber, ez bawer im ku, ne mirin, ne jiyan, ne milyaketan, ne rêvebiriyan, ne tiştên dema niha, ne jî tiştên dema ku bê, ne qudretan,

³⁹ne bilindahî, ne kûritî, ne jî tiştekî dinî hatiye afirandin, nikare ku me ji hezkirina Xwedê ya di Xudanê me Mesîh Îsa de ye veqetîne.