Read PEYMANA NÛ 2017 (ÎNCÎL) N. Romiyan 9 Bible Online

N. Romiyan 9 - PEYMANA NÛ 2017 (ÎNCÎL) bible

N. Romiyan 9

¹Ez di Mesîh de rastiyê dibêjim, derewan nabêjim; ûcdanê min di Ruhê Pîroz de ji min re şahdeyiyê dike;

²di dilê min de keserek mezin, êşek bi dûmahî heye.

³Ji ber ku birayên min, min dixwest ku ez di oxra merivê xwe yî li gor bedenê de ji Mesîh ve bême qewirandin;

⁴ew Îsraêlî ne, lawitî û bilindahî û peyman[1]û dayîna zagon û peristinê û wad yên wan in;

⁵kalik yên wan in û li gor bedenê Mesîh ji wan e; ew li ser hemûyan abadîn Xwedayê pîroz e! Amîn.

⁶Lê belê ev nabe ku gotina Xwedê vala derketiye. Ji ber ku yên ji Îsraêl in, hemû ne Îsraêl in.

⁷Ji ber ku ji nîjada Birahîm jî bin, hemû ne zarok in. Lê belê bi avahiya: Dê nîjada te bi Îshaq ve bidome[1], hatiye nivîsandin.

⁸Yanê, zarokên bedenê, ne zarokên Xwedê ne; lê belê zarokên wadê, nifşe têne hesibandin.

⁹Ji ber ku gotina wadê ev e: Ez ê di vê demsalê de werim û dê lawekî Sara çê bibe[1].

¹⁰Û tenê ne ev, lê belê dema Rebeka jî ji yekî, ji bapîrê me Îshaq ve bi ducanî mabû;

¹¹ji ber, berî ku hîn zarok bûbûn[1]û tiştên qenc an jî xerab bikin, ji Rebeka re hate gotin:

¹²Dê yê mezin, qûlitiyê ji yê biçûk re bike[1]. Ûsa ku, armanca Xwedê ku di kirina vê hilbijartinê de ne li gor karan, lê belê bila li gor banga wî bidome;

¹³mîna ku hatiye nivîsandin: Ji Aqûp hez kirim, lê belê ji Esav kerihîm[1].

¹⁴Niha, em bibêjin çi? Ma Xwedê bêdadiyê dike? Haşa!

¹⁵Ji ber ku ji Mûsa re dibêje: Ez ê li yê ku dilovaniyê kirime re dilovaniyê bikim û yê ku ez li ber ketime, ez ê li ber bikevim[1].

¹⁶Niha, ger wusa be, ne ji yê ku dixwaze, ne ji yê ku baz dide, lê belê ji Xwedayê dilovan e.

¹⁷Ji ber ku Nivîsa Pîroz ji Fîrawûn re dibêje: A vay, bona ku qudreta xwe di te de xuya bikim û navê xwe li hemû rûyê erdê bidim bihîstin, min te bilind kir[1].

¹⁸Niha, bi vî awayî, ew dikare ji kî re bixwaze, dilovanî bike û ji kî re bixwaze, dikare dilê wî tund[1]bike.

¹⁹Niha, tuyê ji min re bibêje: Wê çaxê ew çima hîn mirovan bisûc dibîne? Ji ber ku ma kî dikare li ber xwesteka wî bisekine?

²⁰Na, lê belê ya mirov, ma tu kî ye ku, tu bersivê dide Xwedê? Yê ku şikil hatiye dayîn, ji yê ku şikil dayiye re qet dibêje: Te çima min wusa kir?

²¹An jî qey rayedariya kûzger[1]tune ye ku, ji heriya wekhev qabekî bona karekî birûmet û qabekî jî bona karekî bêrûmet çê bike?

²²Ger Xwedê bi xwestina xwe yî xezeba xwe xuya bike û hêza xwe bide nasîn, bi kesên dê bibe nîşana xezeba wî û helaq bibin, bi sebrekî mezin baldirêjî[1]kiribe

²³û ji kesên bona bilindkirinê ji berê ve amadeyî û dilovanî kiriye re, bona têgihandina dewlemendiya bilindiya xwe vêya kiribe, em çi bêjin?

²⁴Ev mirovên ku tenê ne ji Cihûdan, ji neteweyên din jî bangî wan kiriye em in.

²⁵Mîna ku ew di pirtûka Hoşeya de jî dibêje: Ez ê ji yê ne gelê min e re bibêjim gelê min, ji yê ne xoşewîst e re jî xoşewîst bibêjim[1].

²⁶Û dê wusa bibe ku, yên li wî cîhê ku ji wan re hatiye gotin: Hûn ne gelê min in, li wê derê bi navê lawên Xwedayê zindî bên nav kirin[1].

²⁷Û Îşaya di derheqê Îsraêl de bi vî awayî diqêre: Hejmara lawên Îsraêl qasî qûma behrê zêde be jî, tenê dê bermayiya wan[1]xelas bibe.

²⁸Ji ber ku Xudan dê karên darazdana li rûyê erdê zû çêke û biqedîne[1]!

²⁹Û mîna ku Îşaya ji berê ve gotiye: Ger Xudanê artêşan nîjadek ji me bajo ne parastiba, em ê mîna Sodom bibûna û wekhevê Gomora bibûna[1]!

³⁰Niha, em bibêjin çi? Neteweyên ku ne li pey pakbûnê diçûn, gîhaştin pakbûnê, pakbûna ji baweriyê ve tê;

³¹lê belê Îsraêla ku li pey zagonekî pakbûnê tîne çû, negîhaşt wê zagonê.

³²Çima? Ji ber ku mîna ne bi baweriyê, lê belê bi karên qenc ve dibe, bona pakbûnê şuxulîn û di kevirê xijiyê de pelitîn;

³³mîna ku hatiye nivîsandin: A vay, ez li Siyonê kevirekî xijiyê û latekê tilpekiyê datînim û yên ku baweriyê bi wî bînin, dê neşermin[1]!