Read PEYMANA NÛ 2017 (ÎNCÎL) 1. Korîntiyan 10 Bible Online

1. Korîntiyan 10 - PEYMANA NÛ 2017 (ÎNCÎL) bible

1. Korîntiyan 10

¹Ji ber ku ya birano, ez naxwazim ji we re nenas bimîne ku bapîrên me hemû di bin ewr de hatine parastin û hemû ji behrê derbas bûne.

²Û hemû di ewr û behrê de û li ser Mûsa ve hatin vaftîz kirin.

³Û hemûyan eynî xwarina ruhanî xwarin

⁴û hemûyan eynî vexwarina ruhanî vexwarin; ji ber, ji latê ku ji pey wan ve dihat vexwarin û ew lat Mesîh bû.

⁵Lê belê Xwedê ji gellekên wan ne razî bû; bi vî awayî ew li çolê hatin raxistin.

⁶Û ev bûyeran, bona ku em mîna wan tiştên xerab nexwazin ji me re bibe ders çê bûn.

⁷Mîna hinek kesên ji wan, nebin pûtperest jî; mîna ku hatiye nivîsandin: Gel bona xwarin û vexwarinê rûniştin û rabûn û leyîstin[1].

⁸Û em zinê jî mekin; hinek kesên ji wan zîna kirin û bîst û sê hezar kesên wan di rojekê de ketin.

⁹Û em Xudan jî neceribînin; çawa ku hinekan ji wan ceribandin û ji aliyê maran ve hatin helaq kirin.

¹⁰Û gotegotê jî mekin; çawa ku hinekan ji wan gotegotê kirin û ji aliyê yê helaq dike ve hatin helaq kirin.

¹¹Û ev bûyeran, bona ji kesên din re bibin ders hatin serê wan û bona me yên gîhaştine dawiya deman îkaz bike hatin nivîsandin.

¹²Ji bo vê yekê, yê ku dibêje qey ez li ser pêla me, bila xwe biparêze ku, nekeve!

¹³Hûn xeynî ceribandina ya ku mirovî ye, rastî yekî din nehatin; lê belê Xwedê dilsoz e, destûrê nade ku hûn ji hêza xwe zêdetir bên ceribandin; lê belê bona ku hûn di berxwe de bidin, bi ceribandinê re, dê rêya derketinê jî ji we re temîn bike.

¹⁴Ji ber vê yekê, xoşewîstên min, ji pûtperestiyê ve birevin!

¹⁵Ez mîna ku ji kesên aqilmend re bêjim, dibêjim; hûn ji gotinên min re daraziyê bikin[1]!

¹⁶Ma kaseya pîroziyê, ya ku em pîroz dikin[1], ji xwîna Mesîh re ne parmendî ye? Ma nanê ku em dişkînin, ji bedena Mesîh re ne parmendî ye?

¹⁷Ji ber ku nan yek e, em jî bi pirrbûna xwe bedenek in; ji ber ku, em hemû nanekî par dikin.

¹⁸Li gor bedenê li Îsraêlê binihêrin! Ma yên ku goştên qurbanê dixwin ne pardarê girûxanê ne?

¹⁹Ango ez çi bibêjim? Ma taybetiyek qurbanê pût heye? An jî girîngiyek pût heye?

²⁰Na, lê kesên pûtperest qurbanên xwe ne ji Xwedê re, ji cinan re pêşkêş dikin! Û ez naxwazim ku hûn bi cinan re bibin pardar.

²¹Hûn nikarin ji kaseya Xudan û ji kaseya cinan vexwin; hûn nikarin ji sifra Xwedê û ji sifra cinan re bibin pardar!

²²An jî ma em bona çavnebariya Xudan dişuxulin? Ma qey em ji wî bihêztir in?

²³Her tişt ji min re serbest e, lê belê her tişt ne bi fêde ye! Her tişt ji min re serbest e, lê belê her tişt ava nake[1]!

²⁴Bila her kes çavnêriyê ne li fêda xwe, lê belê li fêda kesên din bike.

²⁵Her tiştên ku li sûka qesaban tê firotin, nekin pirsgirêka ûcdanî û bêpirs û sewal bixwin.

²⁶Ji ber ku: Rûyê erdê û tijîbûna wê, yê Xudan in[1].

²⁷Ger kesekî bêbawerî we bangî xwarinê bike û hûn jî bixwazin biçin, tu tiştekî nekin pirsgirêka ûcdanî û bê pirs û sewal her tiştê ku li ber we bête danîn bixwin.

²⁸Lê belê ger yekî ji we re bibêje: Ev goştê qurbanê ye! him bona kesên vêya gotiye û him jî bona aramiya ûcdanê nexwin; ji ber ku rûyê erdê û tijîbûna wê yê Xudan in.

²⁹Dixwazim bibêjim ku ne bona ûcdanê te, lê bona ûcdanê yên din; ji ber ku çima azadiya min ji aliyê ûcdanê kesên din ve bê daraz kirin?

³⁰Ger ez bi şikir kirinê beşdarî wê bibim, ji tiştê ku min lê şikir kiriye, çima ez bêm pekandin?

³¹Bi kûrtî, hûn çi bixwin û vexwin, hûn çi bikin, her tiştî bona bilindahiya Xwedê bikin!

³²Nebin sedema tilpekiya Cihûdan, an Grekan, an jî Dêra Xwedê;

³³çawa ku ez jî ne li fêda xwe, bona ku xelas bibin li fêda gellek kesî digerim, di her tiştî de her kesî xoşnûd dikim.