Read PEYMANA NÛ 2017 (ÎNCÎL) 1. Korîntiyan 13 Bible Online

1. Korîntiyan 13 - PEYMANA NÛ 2017 (ÎNCÎL) bible

1. Korîntiyan 13

¹Ger ez bi zimanê mirovan û milyaketan biaxifim, lê belê hezkirina min tune be, ez ê bibim mîna sifira deng derdixe, an jî mîna zîla dikute.

²Ger peyxambertiya min hebe û hemû hemrêzan û hemû zanistiyan zanibim û ger hemû baweriya minî qasî çiyan ji cîh bihejîne hebe, lê belê hezkirina min tune be, ez tuneyiyek im.

³Û ger hemû malên xwe bi sedeqeyî belav bikim û ger bedena xwe bona şewitandinê bidim dest, lê belê hezkirina min tune be, tu fêda vêya ji min re nabe!

⁴Hezkirin pirr bisebr e û dilovan e[1]; hezkirin çavnebariyê nake; hezkirin pesnê xwe nade, quretiyê nake;

⁵bi hovîtiyê nake, li menfaeta[1]xwe nagere, hêrs nabe, xerabiyê bi bîr nayne;

⁶bi neheqiyê kêfxweş nabe, lê belê bi rastiyê ve dilxweş dibe;

⁷baldirêjiyê li her tiştî dike, bi her tiştî bawer dibe, her tiştî hêvî dike, ji her tiştî re sebir dike.

⁸Hezkirin tu carî dawî nabe; lê belê dê peyxambertî ji navendê rabin; dê ziman biqedin; zanîn ji navendê rabin.

⁹Ji ber ku em hindik[1]dizanin, hindik peyxambertiyê dikin.

¹⁰Lê belê dema yê kamil[1]bê, dê yên bisînor ji navendê rabin.

¹¹Ez dema zarok bûm, mîna zarokan diaxifîm, mîna zarokan fêhm dikirim û mîna zarokan difikirîm; dema ez bûm zilamek, min dev ji van mijûliyên zarokayî berda.

¹²Ji ber ku em niha her tiştî mîna diyariyek nîvwindayî ya mirêkê[1]dibînin, lê belê wê demê em ê rû bi rû bibînin; niha zanîna min bisînor e, lê belê wê demê mîna ku ez têm zanîn ez ê bizanibim.

¹³Lê niha, bawerî, hêvî, hezkirin dimînin û ji vana yê herî mezin[1]hezkirin e.