Read PEYMANA NÛ 2017 (ÎNCÎL) 1. Korîntiyan 15 Bible Online

1. Korîntiyan 15 - PEYMANA NÛ 2017 (ÎNCÎL) bible

1. Korîntiyan 15

¹Ya birano, dixwazim ku Mizgîniya min agahî we kir û we jî qebûl kir û pê ve dilsoz mane[1]di bîra we de bînim;

²ger hûn bi gotina ku min ji we re mizgîn daye ve zexm bigirin, hûn ê bi navgîniya wê xelas bibin; dijberî wê divê we bi valahiyê bawerî anî be.

³Ji ber ku berî her tiştî yê ku min girt, têgihandim we[1]: Ûsa ku, li gor Nivîsên Pîroz Mesîh, ji bona gunehên me mir û

⁴hate binerd kirin û li gor Nivîsên Pîroz, roja sisiyan vejiya

⁵û ew ji Kîfas re, pişt re ji Donzdehan re xuya bû.

⁶Dawiyê di carekî de xuyayî pênc sedî zêdetir birayan bû; gellekên wan hîn dijîn, lê belê hinekan jî mirin.

⁷Li pey vêya xuyayî Aqûp, pişt re ji hemû şagirtan re

⁸û dawîna dawîn xuyayî min, yê mîna zaroyê bê dem bûyiye jî bû.

⁹Ji ber ku ez herî biçûkê şagirta me; ez ne liyaq im ku bi şagirtiyê bême bang kirin; ji ber ku min tahdê li Dêra Xwedê kir.

¹⁰Lê belê ez her çi bim, bi kerema Xwedê ez ew im û kerema wî ya bona min bi valahiyê neçû; lê belê ji wan hemûyan zêdetir xebitîm; lê ne ez, tenê kerema Xwedê ya bi min re ye.

¹¹Niha divê ez û divê ew, em wusa waz dikin û we wusa bawerî anî.

¹²Lê belê ger vejîna Mesîh ya ji mirinê tê waz kirin, çawa dibe ku hin kesên ji nava we dibêjin, vejîna miriyan tune?

¹³Lê belê ger vejîna miriyan tune be, Mesîh jî nevejiya ye!

¹⁴Û ger Mesîh nevejiya be, waza me vala, baweriya we jî vala ye!

¹⁵Û şahdeyiya me yî di derheqê Xwedê de jî dibe ku derew bibe; ji ber, me şahdeyiyê kirin ku Xwedê Mesîh ji mirinê ve vejand; ger bi rastî mirî nevejiyabin, dibe ku wî ew jî nevejandiye.

¹⁶Ji ber ku ger mirî navejin, Mesîh jî nevejiya ye.

¹⁷Û ger Mesîh nevejiya be, baweriya we vala ye; hûn hîn di nava gunehên xwe de ne.

¹⁸Li gor vêya yên bi aidbûnê Mesîh ve mirine jî helaq bûne.

¹⁹Ger tenê bona vê jiyana me hêviya xwe bi Mesîh ve girêda be, em ji her kesî zêdetir kesên belengaz in!

²⁰Lê belê niha Mesîh, bi mînakbûna kesên miriye yê pêşîn ji mirinê ve vejiya ye.

²¹Ji ber ku li gor mirin bi navgîniya mirovekî hat, ji mirinê vejîn jî bi navgîniya mirovekî bû.

²²Ji ber ku her kes çawa di Adem de dimire, bi vî awayî dê her kes di Mesîh de bigihêje jiyanê.

²³Lê belê her kes dema dora wan bê dê bivejin: Mînaka pêşînbûnê Mesîh, dawiyê di hatina wî de yên aidî Mesîh in.

²⁴Paşê, dema ew her rêvebiriyê û her hikumraniyê û her qudretê ji navendê rake, serweriyê bide Bavo Xwedê, dê dawî bibe.

²⁵Ji ber, heta ku ew hemû neyarên wî li bin lingê wî raxe, divê ew serweriyê bajo.

²⁶Dijminê herî dawiyê ji navendê bê rakirin mirin e.

²⁷Ji ber ku: Hemû tiştan danî bin lingên wî[1]. Lê belê dema bêje: Her tişt bengî wî hatine danîn, aşkere ye ku yê her tiştî bengî wî kiriye, bêhempa ye[2].

²⁸Û dema her tişt bi wî ve bête bengî kirin, wê demê dê Law bengî yê ku her tiştî bengî wî kiriye, bibe; da ku, bila Xwedê di her tiştî de her tişt bibe.

²⁹Ya na, dê yên bi navê miriyan vaftîz bûne çi bibin? Ger mirî tu carî nevejiyabin, mirovan çima bi navê miriyan vaftîz dibin?

³⁰Û em bo çi xwe her demjmêrî[1]davên talûkan?

³¹Ya birano, ji bona we bi heqê wê pesnvedana ku ez di Xudanê me Mesîh Îsa de xwediyê wê me, her roj dimirim!

³²Ger li Efesê, bi mirovî, bi cenawiran re cengê kiribim, çi qenciya vêya ji min re heye? Ger mirî nevejin; em ê bixwin û vexwin, ji ber ku em ê sibê bimirin!

³³Nexapin: Hevaliyên xerab xûyê qenc xera dikin!

³⁴Bi rastî şiyar bibin[1]û gunehan mekin! Ji ber ku di hinekan de zanîna Xwedê nîne; bona ku hûn bişermin ez vêya dibêjim.

³⁵Lê belê yek dikare bibêje ku: Dê mirî çawa bivejin û dê bi bedenekî çawa bên?

³⁶Ya bêaqil, heta ku tiştê te çandiye nemire, naveje!

³⁷Û dema tu biçîne, tu reha ku bê nîne, tenê tovê wê, tovê genim an jî tovê riwekî din diçînî.

³⁸Lê belê Xwedê li gor xwestina xwe bedenê dide wê û ji her tovê bedenek taybetî dide.

³⁹Her goşt ne wekhev e; lê belê goştê mirovan tewrek û goştê heywanan tewrek û goştê masî û civîkan jî tewrek e.

⁴⁰Bedenên semawî hene û bedenên dinyewî hene; lê belê rewnaqiya yên semawî tewrek û yên dinyewî tewrek e.

⁴¹Rewnaqiya rojê tewrek û rewnaqiya heyvê tewrek û rewnaqiya stêrkan tewrek e; ji ber ku di rewnaqiyê de stêrk ji stêrkê cihêtir e.

⁴²Vejîna miriyan jî ûsa ye. Di rizandinê de tête çandin û di nerizandinê de tête vejandin;

⁴³di bêhurmetiyê de tête çandin û di bilindahiyê de tête vejandin; di lawaziyê de tête çandin û di qudretê de tête vejandin;

⁴⁴bi bedenekî xwezabûnê tê binerd kirin û bi bedenek ruhanî ve tê vejandin. Mîna ku bedena xweza heye, bedena ruhanî jî heye.

⁴⁵Ûsa jî hatiye nivîsandin: Mirovê yekemîn Adem, bû canê ku dijî[1]. Ademê dawîn[2]bû ruhek divejîne.

⁴⁶Lê belê pêşiyê ne yê ruhanî, lê yê xweza hat; yê ruhanî dawiyê hat.

⁴⁷Mirovê pêşîn ji erdê, yanê ji axê ye; mirovê duwemîn Xudanê ji ezmana ye.

⁴⁸Yê ji axê ve çawa be, yên ji axê ne jî ûsa ne û yê ezmanan çawa be, yên ezmanî[1]jî ûsa ne.

⁴⁹Û çawa ku me sûretê yê erdê kişandiye, em ê sûretê yê ezmanî jî bikişînin.

⁵⁰Lê belê ya birano, ez vêya bibêjim, goşt û xwîn nikare Serweriya Xwedê bi mêrasî bigire; yên dirizên jî nikarin nerizandinê bi mêrasî bigirin.

⁵¹A vay, ez razekê[1]ji we re dibêjim: Em ê gişt di xew de neçin, lê belê di dema borîjêna dawîn de, em ê hemû nişka ve, di çavşikanînkê de bêne guhertin;

⁵²ji ber ku dê borîjên bê pifkirin û dê mirî bi nerizandinê ve bivejin û em ê bên guhertin.

⁵³Ji ber ku divê ev ê dirize bêrizandinê û ev ê bimirinî jî bêmiriniyê li xwe ke.

⁵⁴Lê belê dema ev yê ku dirize, nerizînê li xwe bike û ev yê ku dimire, bêmiriniyê li xwe bike, kelama ku hatiye nivîsandin dê wê çaxê bête cîh[1]: Mirin di serfiraziyê de hate daqurtandin!

⁵⁵a mirin, serfiraziya te li ku derê yî? Ya mirin, kelemê te li ku derê yî[1]?

⁵⁶Kelemê mirinê guneh e û hêza guneh zagon e.

⁵⁷Lê belê bila ji Xwedê re şikir be, wî bi navgîniya Xudanê me Îsa Mesîh serfirazî[1]daye me!

⁵⁸Bo vê yekê birayên minî xoşewîst, bi zanîna ku keda we di Xudan de ne vala ye, pêdandî, bêhejîn[1]û her tim di karê Xudan de li ser zêdebûnê bin!