Read PEYMANA NÛ 2017 (ÎNCÎL) 1. Korîntiyan 4 Bible Online

1. Korîntiyan 4 - PEYMANA NÛ 2017 (ÎNCÎL) bible

1. Korîntiyan 4

¹Bi vî awayî, bila mirovan me xizmetkarê Mesîh û wekî keyayê hemrêzên[1]Xwedê bihesibînin.

²Xeynî vêya, li vir tiştê ku ji keyayan tê xwestin, dilsoziya kesekî ye.

³Lê belê, ji aliyê we, an jî li aliyê dadgehekî mirovî ve daraz bûyîn, bona min tiştekî herî biçûk e; ez xwe bi xwe jî daraz nakim.

⁴Ji ber ku ez li dijî xwe tu tiştekî nizanim[1]; lê belê ev min pak nake; lê yê ku min daraz dike Xudan e.

⁵Bi vî awayî, heta ku Xudan were, berî wexta wê ji tiştekî re daraziyê mekin; tiştên dizî yên tariyê ew dê ronî bike û ew dê mirazên dilan eşkere bike û wê demê dê pesnvedana her mirovî ji Xwedê be.

⁶Û ya birano, ji ber we, van tiştan ji xwe re û Apollos re bi kar anîm; da ku, hûn xeynî tiştên ku hatine nivîsandin fikrandinê ji me hîn bibin û bila tu kes, bona yekî, ji yê din re qurre nebe.

⁷Ji ber ku ma kî te cihê daniye? Û ma çiyî te heye ku te nestendiye? Û ger te stendiye, çima mîna yê ku nestendibe, pesnê xwe didî?

⁸Jixwe hûn hatin têr kirin, jixwe hûn dewlemend bûn; bêyî me we serweriyê ajotin! Û xwezîka we bi rastî jî serweriyê bajotina û me jî bi we re serweriyê bajotina!

⁹Ji ber, ez zen dikim ku, Xwedê, me şagirtan mîna mehkûmên mirinê, bi yên ji herî dawiyê tên li ber çavan raxist; ji ber ku him bona milyaketan, him jî bona mirovan, bona hemû kaînatê em bûn tiştekî ku bê temaşe kirin.

¹⁰Em bona Mesîh bêaqil in, lê belê hûn di Mesîh de baqil in! Em lawaz in, lê belê hûn xwurt in! Hûn kesên qedirbilind in, lê em kesên bêqîmet in!

¹¹Heta vê saetê em birçîtî û tîbûniyê dikişînin û tazî ne û li me dixin û cîhekî me yî em pê bisitirin nîne

¹²û em bi destê xwe dixebitin û kedê didin; dema xebera ji me re didin, em qenciyê dixwazin; dema zilmê li me dikin, em sebir dikin;

¹³dema îftira li me dikin, em li ber digerin[1]; heta niha em bûn gihûrê dinê û xeratokê her tiştî.

¹⁴Ez, ne bona we şermezar bikim, lê belê mîna zarokên xwe yî xoşewîst şîretan bikim, van tiştan dinivîsînim.

¹⁵Ji ber ku, ger di Mesîh de deh hezar hînkerê we hebin jî, gellek bavên we tunin; ji ber ku ez bi navgîniya Mizgîniyê ve di Mesîh Îsa de bûm bavê we.

¹⁶Niha, ez bona ku hûn min mînak bigirin, ji we rica dikim!

¹⁷Ji ber vê yekê, di Xudan de gedeyê xwe yî xoşewîst û dilsoz Tîmotêyos ji we re şandim; ew dê ji we re rêyên ku li her derê, li her Dêrê didim hîn kirin û di Mesîh de li pey diçim bîr bîne.

¹⁸Hin kesan dibêjin qey ez ê neyêm cem we, zimandirêjiyê dikin.

¹⁹Lê belê ger Xudan bixwaze, ez ê di nêzîk de werim cem we û wê demê ne gotinên wan zimandirêjan, lê belê ez ê bi hêza wan bizanibim.

²⁰Ji ber ku Serweriya Xwedê ne di gotinan de, lê di hêzê de ye!

²¹Hûn çi dixwazin? Ma ez bi dar werim cem we, an bi hezkirin û ruhê nerm ve?