Read PEYMANA NÛ 2017 (ÎNCÎL) 1. Korîntiyan 5 Bible Online

1. Korîntiyan 5 - PEYMANA NÛ 2017 (ÎNCÎL) bible

1. Korîntiyan 5

¹Bi rastî di nava we de hebûna zinê tê bihîstin û zînayek ûsa ku di nava neteweyan de jî nayê dîtin; heta yekî jina bavê xwe girtiye!

²Û hûn, ji ber yê ku vî karî kiriye ji nav we nehatiye avêtin[1], ji bilî şînê bigirin, dinepixin.

³Ji ber ku ez bi bedenî windayî lê belê bi ruhî, bi amadebûnê ve, wekî ji zilamê ku vêya bi vî awayî bikar aniye amade bim, jixwe daraziyê dam; ev jî

⁴bi navê Xudanê me Îsa, ruhê we û min bi hêza Xudanê me Îsa, wekî civiyabin,

⁵bona ku beden helaq bibe vî zilamî bidin destê Îblîs; da ku, bila ruhê wî di roja Xudan Îsa de xelas bibe.

⁶Pesnvedana we ne qenc e! Ma qey hûn nizanin ku hinek havên, hemû hevîr tirş[1]dike?

⁷Havêna kevin bimalin û bavêjin derve[1]! Da ku, çawa hûn bê havên bin, hûn bibin hevîrek nû! Ji ber ku Mesîhê berxika me yî Fisihê jî hatiye qurban kirin.

⁸Bo vê yekê ne bi havêna kevin, ne jî bi havêna xerabî û girrî, lê belê bi nanê bêhavên yê ji dil û rastiyê ve cejnê bikin.

⁹Min di nameya xwe de bi kesên ku bêexlaqiyê dikin re hevaltiyê mekin nivîsand;

¹⁰bê şik min nexwest ku ez bibêjim bi bêexlaqên, an çavbirçiyên, an rêbirên, an jî senemperestên vê dinê ve; gava wusa ba, hûn hewcedarbûn ku ji vê dinê derketana!

¹¹Lê belê kesekî bi biratî tête nasîn, ger bêexlaq, an çavbirçî, an senemperest, an kufirbaz, an serxweş, an jî rêbir be, bi wî re hevaltî nekirina we, bi kesekî ûsa re heta xwarinê jî nexwarina we, ez niha ji we re dinivîsînim.

¹²Ji ber, ma çi heqê min heye ku ez kesên li derve ne daraz bikim? Yên ku hûn jî daraz bikin, ma ne kesên ku di hundir de ne?

¹³Lê belê yên li derve ne[1], dê Xwedê daraz bike. Zilamê xerab ji nava xwe biqewirînin!