Read PEYMANA NÛ 2017 (ÎNCÎL) 1. Korîntiyan 8 Bible Online

1. Korîntiyan 8 - PEYMANA NÛ 2017 (ÎNCÎL) bible

1. Korîntiyan 8

¹Lê belê ger em bên goştê qurbanên ji pûtan re tên pêşkêşkirin, em vêya dizanin: Zanîna me hemûyan heye. Zanîn qure dike, lê belê hezkirin geş dike.

²Ger kesek dibêje qey ez tiştekî dizanim, hîn mîna ku divê bizanibe, nizane.

³Lê belê ger kesek ji Xwedê hez dike, ew kes ji aliyê wî ve tê zanîn.

⁴Niha, ger em bên xwarina goştên ku ji pûtan re tê pêşkêş kirin, em dizanin ku, pût li dinê tiştekî tune ye û ji yekê zêdetir Xwedê nîne.

⁵Ji ber ku ger yên divê li erdê be, an jî li ezman be, bi navê îlah tên bang kirin hebin jî – herweha gellek îlah û xudan hene –

⁶lê belê bo me tenê yek Xwedê Bavo heye; ew bingeha her tiştî ye û em bona wî ne û yek Xudan, Îsa Mesîh heye; her tişt bi navgîniya wî ne û em bi navgîniya wî ne.

⁷Lê belê di hemû mirovan de ev zanîn nîne; lê hin kes heta niha bi hînbûyîna pûtê ve, wekî tiştekî ku ji pûtê re hatiye qurban kirin dixwin û ji ber ku ûcdanên wan lawaz[1]e, gemarî dibe.

⁸Lê belê xwarin me ber bi Xwedê nabe, ji ber ku ger em nexwin, tu kêmasiya me nabe, ger em bixwin jî, tu qezenca me nabe.

⁹Lê belê bala xwe bidinê ku, bila ev azadiya we[1], bi awayekî ji lawazan re nebe sedema xijbûnê!

¹⁰Ji ber ku ger kesek, te, yê ku xwediyê zanyariyê ye, di pûtxanê de li sifrê rûniştî bibîne, bona xwarina tiştên ku ji pûtan re hatine qurban kirinê, ger ew bi xwe lawaz be, ma dê ûcdanê wî cesaretê nestîne?

¹¹Û bi vî awayî, ev zilamê lawaz, ew birayê ku Mesîh di oxra wî de miriye, bona zanîna te dê helaq bibe!

¹²Û bi vî awayî, li dijî birayan bi guneh kirinê û ûcdanê wanî lawaz birîndar kirinê, hûn ê li dijî Mesîh gunehê bikin.

¹³Ji ber vê yekê, ger xwarinek bibe sedema tilpekîbûna birayê min, bona ku ez birayê xwe tilpekî nekim, ez abadîn, tu carî goşt naxwim.