Read PEYMANA NÛ 2017 (ÎNCÎL) 2. Korîntiyan 1 Bible Online

2. Korîntiyan 1 - PEYMANA NÛ 2017 (ÎNCÎL) bible

2. Korîntiyan 1

¹Pawlosê ku bi viyana[1]Xwedê ve şagirtê Mesîh Îsa û birayê Tîmotêyos, ji hemû pîrozên li her aliyê Ahayayê ne û Dêra Xwedê[2], ya li Korîntêye re:

²Bila ji Bavê me Xwedê û ji Xudan Îsa Mesîh ve kerem û dilxweşî ji we re be!

³Bila ji Xwedayê ku bingeha her tewr xemrevîniyê ye, ji Bavê bi dilovanî, ji Xwedê û Bavê Xudanê me Îsa Mesîh re pesnahî be!

⁴Bona bi xemrevîniya ku me ji wî ve stendiye em kesên di her tewr tengasiyê de ne xemrevîniyê bikin, me di hemû tengasiyê me de xewrevîn dike.

⁵Ji ber ku em çawa keserên Mesîh bi pirranî dikişînin, bi navgîniya Mesîh xemrevîniya me jî ûsa zêde dibe.

⁶Lê belê ger em tengasiyê dikişînin, ev bona xemrevînî û xelasiya we ye û ger em bêne xemrevînîkirin, ev bona kiryarê xemrevîna we ya di baldirêjiya eynî keserên ku em dikişînin de ye.

⁷Hêviya me yî bona we nalerize[1]; ji ber em dizanin ku: Mîna hûn dibin şirîkên keserên me, hûn ê şirîkê xemrevînên me jî bin.

⁸Ji ber ku ya birano, em naxwazin hûn ji tengasiyên ku me li Asyayê kişandine, bêhay bin; em di binê barekî ku zêdeyî quweta hilgirtina me de bûn; heta ku, hêviya me yî jiyanê jî nema bû;

⁹lê belê, banga mirina me jixwe di me de bû; da ku, em ne bi xwe, lê bi Xwedanê ku miriyan divejîne hêvî bikin;

¹⁰Wî me ji xetera mirineke ev qasî mezin xelas kirin û dê hîn jî xelas bike; bona ku ew ê me dîsa xelas bike, hêviya me ji wî heye;

¹¹hûn jî bi duayên xwe ji me re bi alîkarî kirine ve; wusa ku, bona keremiya ku bi navgîniya gellek kesî bona me ne, ji ber me, ji aliyê gellek kesan jî bila spasî bête peşkeş kirin.

¹²Ji ber ku pesin dayîna me ev e, yanê, li dinê û bi zêdeyî li dijî we pîrozî û safîbûna Xwedê, ne bi zanyariya cismanî, lê belê şahdeyiya ûcdanê me ye ku em bi xêra Xwedê di tevgerê de ne.

¹³Ji ber ku xeynî tiştên ku hûn dixwînin, an jî nas dikin, em tiştekî din nanivîsînin; lê belê mîna ku we me heta derecekê fêhm kirine,

¹⁴ez hêvîdar im ku hûn me bi tûmî nas bikin; ûsa ku, di roja Xudanê me Îsa de mîna ku pesnahiya me hûn in, em jî bibin pesnahiya we.

¹⁵Û bi vê ewlebûnê, bona ku hûn bigihêjin nîmeta duwemîn ez di nêta ku, pêşiyê werim cem we û ji we derbasî Makêdonyayê bibim

¹⁶û dîsa ji Makêdonyayê bêm cem we û ji aliyê we ve bi Cihûstanê ve bême şandin de bûm.

¹⁷Niha dema min vêya nêt kir, gelo min sivikî kir? An jî bona ku bi min re belê belê û na na bibe, gelo tiştên ku nêt lê anîme, li gor bedenê nêt kirim?

¹⁸Lê belê Xwedê ewledar e ku, gotina ku me têgihandiye we, erê û na nîne!

¹⁹Ji ber ku di nav we de Lawê Xwedê Îsa Mesîh ê ku bi navgîniya me, bi navgîniya min û Sîlvanos û Tîmotêyos ve hatiye waz kirin, nebû erê û na; lê belê di wî de erê bû[1].

²⁰Ji ber ku çiqas wadên Xwedê hebe, erêyên wan di wî de ne; ji ber vê yekê, bi navgîniya me bona bilindahiya Xwedê, Amîn jî bi navgîniya wî ye!

²¹Û yê ku me bi we re di Mesîh de zeximandiye û yê ku me mesh kiriye Xwedê ye.

²²Û wî me mor kir û bona ewledariyê Ruh da dilên me.

²³Lê belê ez Xwedê bo canê xwe şahde digirim ku, sedema dîsa nehatina minî Korîntê parastina we bû.

²⁴Em naxwazin ku bibin serwerê baweriya we; lê belê em alîkarên kêfxweşiya we ne; ji ber ku hûn di baweriyê de pêdandî disekinin.