Read PEYMANA NÛ 2017 (ÎNCÎL) 2. Korîntiyan 2 Bible Online

2. Korîntiyan 2 - PEYMANA NÛ 2017 (ÎNCÎL) bible

2. Korîntiyan 2

¹Lê belê min biryar da ku ez ê dîsa bi keser neyêm cem we.

²Ji ber ku ger ez we bikesirînim, xeynî hûn ên ku min wan kesirandiye, dê kî bimîne ku min kêfxweş bike?

³Û min vêya eynî ûsa nivîsand ku dema ez bêm, yên ku min kêfxweş bikin, bila min nekesirînin; ji bo kêfxweşiya min, kêfxweşiya we hemûyan e, baweriya min bi we hemûyan re heye.

⁴Ji ber, ne bona ku hûn bikesirin, lê bona ku hûn hezkirina minî mezin ji bo we heye bizanibin, bi tengasiyek mezin û di nava êşa dil de, bi gellek hêstirên çavan ji we re nivîsandim.

⁵Lê belê ger kesekî keserê dabe, ne ji min re, lê – ji bo ku ez fîşal nekim –, heta dereceyekê keserê da we hemûyan.

⁶Ji yekî ûsa re, ev cezaya ku ji aliyê pirraniyê ve ye, bes e;

⁷bona ku bi kesera zêde nekeve, divê hûn wî efû bikin û xemrevîniyê ji wî re bikin.

⁸Ji ber vê yekê ez rica dikim ku hûn hezkirina xwe ji wî re nû bikin.

⁹Ji ber ku, bi gotina, hela ka hûn di her rewşê de îtaetkar in, ez bi eyarê we bizanibim, nivîsandim.

¹⁰Lê belê hûn ji kê re tiştekî bibexşînin, ez ê jî; ji ber ku ger min tiştekî bexşandibe, min wê jî bona we, di hafa[1]Mesîh de bexşand;

¹¹da ku, em ji aliyê Îblîs ve neyên mexdûr kirin; ji ber ku em ji dek û dolavên wî ne bêhay in.

¹²Û dema ez ji bona Mizgîniya Mesîh hatim Troasê û di Xudan de deriyek ji min re vebûbû,

¹³ji ber ku min birayê xwe Tîtûs nedît, di ruhê min de aramiya min tunebû; lê belê min xatir ji wan xwest û çûm Makêdonyayê.

¹⁴Lê belê, bila ji Xwedayê ku me her tim di koma serkeftina Mesîh de dide meşandinê û bêhna nas kirina xwe yî di her derê de bi navgîniya me belav dike re şikirî bibe!

¹⁵Ji ber ku em di yên xelas dibin de û di yên helaq dibin de, bona Xwedê bêhna Mesîh ya xweşik in;

¹⁶bona vana bêhna mirinê ya ku dibe mirinê ne û bona wana bêhna jiyanê ya ku dibe jînê ne. Û ma kî pisporê kareki ûsa ye[1]?

¹⁷Ji ber ku em ne mîna gellekên ku gotina Xwedê xera dikin in, lê belê em ji paqijiyê û ji Xwedê ve, di hizûra Xwedê de, di Mesîh de dibêjin.