Read PEYMANA NÛ 2017 (ÎNCÎL) 2. Korîntiyan 5 Bible Online

2. Korîntiyan 5 - PEYMANA NÛ 2017 (ÎNCÎL) bible

2. Korîntiyan 5

¹Ji ber em dizanin ku: Ger mala me yî kona dinyewî xera bibe, li ezman ji Xwedê ve xaniyek me, xaniyek me yî bi desta ve nehatiye çêkirin û abadîn e, heye.

²Ji ber ku em niha bi bêriya li xwe kirina xaniyê xwe yî ezmanî ve bi rastî jî di vê de axînê dikişînin;

³qet nebe ger li xwe kiribin, em ê tazî neyên dîtin.

⁴Ji ber ku em, yên di vê konê de ne, wekî di binê bar de bin, axînê dikişînin; ji ber ku ne ji xwe kirinê[1], lê tenê li xwe kirinê dixwazin; da ku, yê bi mirinî be, bila ji aliyê jiyanê ve bête daqurtandin.

⁵Yê ku me bona vê armancê amade kiriye û yê bona ewledariyê Ruh daye me Xwedê ye.

⁶Ji ber vê yekê her tim cesareta me heye û em dizanin ku: Heta em di vê bedenê de bijîn, li dûrî Xudan in.

⁷Ji ber ku em bi spartina baweriyê ve dijîn û ne bi xuya kirinê.

⁸Û ez, em ewle ne, dibêjim û hîn jî zêde li dûrî bedenê û li cem Xudan bûnê dixwazin.

⁹Bo vê yekê, dixwaze di bedenê de bijîn, dixwaze li dûrî bedenê bin jî, xwestina me xoşnûd kirina wî ye.

¹⁰Ji ber ku divê em hemû li ber kursiya darazkirinê, ya Mesîh ve xuya bibin; da ku, her kes, divê qenc an jî xerab, li gor tiştên ku kirine, di bedenê de tiştên ku hatine kirin bigirin.

¹¹Niha, em bi zanîna tirsa Xudan ve mirovan qanih dikin; lê belê em ji Xwedê re hatin eşkere kirin û ez hêvîdar im ku em ji ûcdanê we re jî hatibin eşkere kirin[1].

¹²Ji ber ku em xwe dîsa ji we re salix nadin; lê belê em fersenda bona me pesnahî dayînê didin we; da ku, bersivek we yî ji yên pesnê xwe ne bi dil, bi xuyayiya derve didin hebe.

¹³Ji ber ku ger em ne di xwe de bin, ev bona Xwedê ye; ger hişê me li serê me be, ev bona we ye.

¹⁴Ji ber ku hezkirina Mesîh zorê dide me û daraziya me ew e ku: Kesek di oxra her kesî de mir; ger wusa be, hemû mirin

¹⁵û ew di oxra her kesî de mir; da ku, yên dijîn bila êdî ne bona xwe, lê belê bona yê ku di oxra wan de miriye û vejiyaye bijîn.

¹⁶Bi vî awayî, em êdî kesekî li gor bedenê nas nakin û ger me Mesîh li gor bedenê nas kiribin jî, êdî niha ûsa nas nakin.

¹⁷Ûsa ku: Ger kesek di Mesîh de be, afirek[1]nû ye; tiştên kevn derbas bûne, a vay, her tişt nû bûye.

¹⁸Lê belê her tişt ji Xwedê ye, wî, bi navgîniya Mesîh me bi xwe re li hev anî û xizmeta li hev anînê da me;

¹⁹yanê, bi xwe dinê pevra li hev anînê, bi sûcên wan li ser wan ve nehesibandinê û bi radestî me kirina kelama li hev anînê, Xwedê di Mesîh de bû.

²⁰Niha, mîna ku Xwedê wekî ku bi navgîniya me rica dike, em di oxra Mesîh de şandîtiyê dikin û bi gotina, bi Xwedê re li hev werin, em di oxra Mesîh de lava dikin!

²¹Ji ber Wî, yê ku bi gunehê nizane bona me kir guneh, da ku, em di wî de bibin rastiya Xwedê[1].