Read PEYMANA NÛ 2017 (ÎNCÎL) 2. Korîntiyan 8 Bible Online

2. Korîntiyan 8 - PEYMANA NÛ 2017 (ÎNCÎL) bible

2. Korîntiyan 8

¹Niha, ya birano, em keremiya Xwedê ya ji Dêrên Makêdonyayê re hatiye dayîn ji we re digihînin ku;

²di navbera ceribandina mezin ya tengasiyê de, tevî xizaniya wanî kûr ji serreçûna wanî kêfxweşiyê, di dewlemendiya wanî comerdiyê de ji ser re çû.

³Ji ber, bona beşdariya xizmeta ji pîrozan re û bona xêra wî, bi gellek hewîniyê û ji me bi rica kirinê, li gor qudretên xwe,

⁴ez şahdeyiyê dikim ku, di ser qudretên xwe de jî bi xwestekên xwe dan.

⁵Û ji hêvî kirina me zêdetir, xwe pêşiyê dan Xudan û pişt re bi xwestina Xwedê dan me.

⁶Bo vê sedemê, bona ku ev karê di nava we de ji berê ve dest pê kiriye biqedîne, me Tîtûs teşwîq kirin.

⁷Lê belê di baweriyê de, di gotinê de, di zanînê de û di xîreta her tewrî de, di hezkirina we yî ji me re de, mîna ku hûn di her tiştî de sereta ne, bi sereta bûna wî karê bi xêr jî binihêrin!

⁸Vêya mîna emrekî nabêjim, lê belê dixwazim ku hezkirina we yî ji dilî, bi xîreta yê din re bidim ber hev[1]û biceribînim.

⁹Ji ber ku hûn kerema Xudanê me Îsa Mesîh dizanin; bona ku bi xizaniya wî hûn dewlemend bibin, dewlemend bû jî, bona we xwe xizan kir.

¹⁰Û di vêya de raya xwe didim; ji ber ku ev ji we re bi fêde ye; hûn ku, ji sala çûyînê ve tenê ne di kirinê de, lê belê di xwestinê de jî yê berê dest pê dikir bûn.

¹¹Niha jî vî karî biqedînin; ûsa ku, mîna hûn bi daxwazîkirina vêya bi xwestek in, bi vî awayî bila li gor malê we qedandin jî bibe.

¹²Ji ber ku ger xwestek hebe, ne li gor tiştên ku di destê yekî de nîne, mîna ku li gor tiştên di destê wî de ye, alîkirina wî li cîh e.

¹³Ji ber, ne bona ku ji kesên din re rehetî, ji we re bibe tengasî; lê belê ji ber wekheviyê:

¹⁴Bona ku bila zêdeyiya wan ji bo kêmasiya we be, di dema niha de zêdeyiya we ji bo kêmasiya wan e;

¹⁵da ku, mîna hatiye nivîsandin: Ji yê pirr berhev kir re zêde nebû û ji yê hindik berhev kir re kêm nebû[1], bila wekhevî bibe.

¹⁶Lê belê bila şikirî ji Xwedayê ku, bona we eynî xîretê daye dilê Tîtûs, re be!

¹⁷Ji ber ku wî teşwîqa me qebûl kir, lê belê ew hîn jî bi xîretê, bi xwestina xwe tê cem we.

¹⁸Tevî wî, em birayekî ji bezana wî ya belav kirina Mizgîniyê di nava hemû Dêran de pesnê wî tête dayîn dişînin.

¹⁹Û ne tenê ev, lê belê bona bilindahiya Xudan û bona xwestina me xuya bikin, di xizmeta me yî vê xêrê de, bona bibe rêhevalê me ew ji aliyê Dêran ve jî hate bijartin;

²⁰di vê xizmeta xwe yî bexşandina mezin de, bona ku em nebin armancê rexneyên tu kesî em pûte didinê[1];

²¹ji ber em bala xwe didin ku tenê ne di hizûra Xudan de, di hizûra mirovan de jî em ya rast çêkin.

²²Me birayê xwe yî pirr caran û di gellek rewşî de bi xîret dîtine, lê belê yê niha ewledariya di derheqê we de dibihîze pirr zêde bi xîret bûye, bi yên din ve ji we re şandin.

²³Dema em bên Tîtûs, ew pardar û ji bona we kedkarê min e; lê birayên me jî şagirtên Dêran, pesnahiyên Mesîh in.

²⁴Niha nîşana hezkirina xwe û pesnahiya me yî di derheqê we de, li ber Dêran nîşanî wan bidin!