Read PEYMANA NÛ 2017 (ÎNCÎL) 2. Korîntiyan 9 Bible Online

2. Korîntiyan 9 - PEYMANA NÛ 2017 (ÎNCÎL) bible

2. Korîntiyan 9

¹Ji ber ku hewce nake ez di derheqê xizmeta ji bo pîrozan re ye de, ji we re binivîsînim;

²ji ber ez dizanim ku hûn bona alîkariyê amade ne; ez bi gotina hûn, yên li Ahayayê, ji sala çûnê ve amade ne, li berya Makêdoniyan pesnê we didim û xîreta we, gellekan derbasî tevgerê kir.

³Lê belê bona pesin dayîna me ya di derheqê we de di vê babetê de vala nemîne û mîna ku min gotiye hûn amade bûbin, min birayan şand;

⁴da ku, gava Makêdonî bi min re bêne û we amadekirî nebînin, em – bona ku em nebêjin; hûn – di vê ewlekirinê de bi avayekî şermezar nebin.

⁵Bo vê sedemê bila ji berê ve bên cem we û xelatên ku dana wan we bi comerdî wad kirin amade bikin, min rica kirina ji birayan li cîh dît; da ku, bila xelata we ne wekoka timatiyê, bila bi wekoka comerdiyê ve amade bibe.

⁶Lê belê vêya ji bîr mekin ku: Yê kêm biçînin, dê kêm jî dirûnin û yê zêde biçînin, dê zêde jî dirûnin.

⁷Ne mîna bi nexwestinê an jî bo zordanê, bila her kes li gor ku di dilê xwe de nêt kiriye bide; ji ber ku Xwedê ji yê bi kêfxweşiyê dide hez dike!

⁸Û hûn, bona di her tiştî de, di her demî de, ji bona her karê qenc, bi zêdeyî bibin xwediyê her tiştî, Xwedê qasî her nîmetî bona we zêde bike bihêz e;

⁹herweha hatiye nivîsandin: Wî belav kir, da xizanan; rastiya wî heta bêdawiyê disekine[1].

¹⁰Û yê ku ji cotkar re tov û bona xwarinê nan peyda dike, dê çinandina we peyda û zêde bike û dê dexlê rastiya we zêde bike;

¹¹bona ku hûn ji her alî ve comerd bibin, hûn ji her alî ve tên dewlemend kirin; bi navgîniya me dibe sedema şikirya Xwedê.

¹²Ji ber ku ev xizmeta ku hûn dikin tenê bi qedandina kêmasiya pîrozan namîne, lê di eynî demê de bi şikirya gellekan ya ji Xwedê re jî dewlemend dibe;

¹³ew bi ceribandina vê xizmetê bi sedema îtaet kirina mukuriya we yî Mizgîniya Mesîh û ji ber destfirehiya xizmeta ji wan re û ji hemûyan re, Xwedê bilind dikin;

¹⁴bona kerema sertaybetî ku Xwedê ji we re bexşandiye, bona we dua dikin û bêriya we dikin.

¹⁵Bila bona diyariya wî ya ku bi gotinê ve nayê vegotin şikirî ji Xwedê re be!