Read PEYMANA NÛ 2017 (ÎNCÎL) Galatiyan 5 Bible Online

Galatiyan 5 - PEYMANA NÛ 2017 (ÎNCÎL) bible

Galatiyan 5

¹Mesîh bona azadiyê me azad kir; niha di azadiyê de pêdandî[1]bimînin û carekî din bi nîrê qûlitiyê ve neyên girtin!

²A vay, ez Pawlos, ji we re dibêjim: Ger hûn sunet bibin, tu bikêr hatina Mesîh ji we re nabe.

³Ez her zilamê ku sunet dibe, carek din îkaz dikim: Mecbûr e ku hemû zagonê bîne cîh.

⁴Ya hûn, yên ku dixwazin di zagonê de bêne salih kirin, hûn ji Mesîh ve veqetiyan, ji xêrê ketin!

⁵Lê belê em bi spartina Ruh û bi baweriyê li benda çêbûna hêviya ku pakbûn daye me ne.

⁶Ji ber ku di Mesîh Îsa de, ne bisunetbûn, ne jî bêsunetbûn; lê baweriya ku bi hezkirinê ve çalak e; ji karekî re dibe.

⁷We qenc baz didan; ma kî nehişte ku hûn ji rastiyê re îtaetkar bin?

⁸Xapandina we, ne ji yê bangî we kiriye yî!

⁹Hindikek havên hemûya hevîrê tirş dike.

¹⁰Di Xudan de ez bi we ewle me ku, hûn bi tewrek din nafikirin; lê belê yê ku aqilê we tevlîhev dike, kî bibe bila bibe, dê cezê xwe bikişîne.

¹¹Lê belê gava em bên min, ya birano, ger min hîn sunetê biparêsta, ma ez ê heta niha bihatima fetilandin? Wê çaxê tilpekiya xaçê hatiye betal kirin!

¹²Yên ku aqlê we tevlihev dikin, qet nebe bila xwe bixesînin!

¹³Ji ber ku, ya birano, hûn bona azad bûnê hatin bang kirin; lê bila azadî ji bedenê re nebe fersend; lê belê bi hezkirinê xizmetê ji hev û din re bikin.

¹⁴Ji ber ku hemû zagon di gotinekê de hatiye kurte kirin: Ji cîranê xwe mîna xwe hez bike[1]!

¹⁵Lê belê ger hûn dev li hev dikin û dixwin, bala xwe bidinê ku hûn ji aliyê hev û din ve neyên telef kirin!

¹⁶Lê belê ez dibêjim: Di rêvebiriya Ruh de bijîn û wê demê hûn tu carî xwestinên bedenê[1]naynin cîh.

¹⁷Ji ber ku beden yê dijberê Ruh, Ruh jî yê dijberê bedenê dixwaze û bona ku hûn tiştên ku dixwazin mekin, vana dijberê hev in.

¹⁸Lê belê ger hûn di rêvebirtiya Ruh de bin, dibe ku hûn ne di binya zagonê de bin.

¹⁹Lê belê karên bedenê eşkere ne; ew: Zîna, pîsitî, şehwet,

²⁰pûtperestî, sêrbazî, neyartî, keftûleft, çavnebarî, hêrs, azweriyên ezperestî, cudabûnan, parvebûnan,

²¹hesûdî, mêrkujî, serxweşî, kêfkirinên bi harî û tiştên mîna vana ne. Mîna ku min berê gotibû, di derheqê vana de ji berê ve dibêjim, yên ku tiştên ûsa bikin, dê nikaribin Serweriya Xwedê mêras bigirin.

²²Lê belê mêwa Ruh hezkirin, kêfxweşî, aştî, sebir, dilovanî[1], qencitî, dilsozî,

²³xûnermî û xwekontrol e[1]; li dijî tiştên ûsa zagon nîne.

²⁴Û yên aidî Mesîh Îsa ne, ezitiya xweza tevî azwerî û xwestinên wê, xaçkirin e.

²⁵Ger em di Ruh de dijîn, di Ruh de jî bimeşin.

²⁶Em nebin yên ku bi valahiyê ve pesnê xwe vedidin, meydanê li hev û din dixwazin, yên çavnebariyê li hev û din dikin!