Read PEYMANA NÛ 2017 (ÎNCÎL) Galatiyan 6 Bible Online

Galatiyan 6 - PEYMANA NÛ 2017 (ÎNCÎL) bible

Galatiyan 6

¹Birano, ger kesek dema sûckirinê bê girtin, hûn yên ruhanî, kesê ûsa bi ruhekî nerm bînin rê û bona ku tu jî neyê xapandin, li xwe miqate bibe!

²Barên hev û din bikişînin[1]û bi vî awayî hûn ê zagona Mesîh bînin cîh!

³Ji ber ku dema kesek ne tiştek be û xwe bi tiştekî bihesibîne, dibe ku xwe dixapîne.

⁴Lê belê bila her kes karê xwe biceribîne û wê demê dikare ne bi kirinên kesên din, lê tenê bi kirinên xwe pesna xwe vede.

⁵Ji ber ku dê her kes barê xwe bikişîne.

⁶Lê belê yê ku di kelamê de hatiye fêrkirin, bila di hemû tiştan de parê bide fêrmend!

⁷Nexapin; Xwedê nayê qerf kirinê! Ji ber ku mirov çi biçîne, dê wê jî bidirûnîne.

⁸Ji ber ku yê li bedena xwe ve biçîne, dê ji bedenê ve mirinê bidirûnîne; lê belê yê li Ruh ve biçîne, dê jiyana bêdawî ji Ruh ve bidirûnîne.

⁹Lê belê em ji qencîkirinê ve eciz nebin; ji ber ku ger em sist nebin, em ê di demsala wê de bidirûnînin.

¹⁰Bo vê yekê hîn ku fersenda me heye, ji her kesî re, bi taybetî jî ji endamên malbata baweriyê re qenciyê bikin.

¹¹Binihêrin, ji we re ez bi destê xwe, bi çi tîpên mezin dinivîsînim!

¹²Yên di bedenê de girîngiyê didin şaniyê, sirf bona ku li oxira xaça Mesîh zilmê nebînin, zorê didin we ku hûn sunet bibin.

¹³Ji ber ku heta yên bisunet jî zagonê naynin cîh; lê belê bona ku bi bedenên we ve pesnê xwe vedin, dixwazin hûn sunet bibin.

¹⁴Dema em bên min, ez xeynî xaça Xudanê me Îsa Mesîh, bi tu tiştê din ve pesnê xwe venadim; bi navgîniya xaça wî, dinya bo min mirî ye û ez jî bona dinê.

¹⁵Ji ber ku di Mesîh Îsa de qet girîngiya bisunetbûn, an jî bêsunetbûnê tune ye, ya girîng afirandina nû ye.

¹⁶Bila ji hemû kesên mîna vê qaîdê dikin û ji Îsraêla Xwedê re dilxweşî û dilovanî bibe!

¹⁷Ji niha pê ve bila tu kes zehmetê nede min; ji ber ku ez, nîşanê birînên Îsa di bedena xwe de dikişînim.

¹⁸Birano, bila xêra[1]Xudanê me Îsa Mesîh bi ruhê we re be! Amîn.