Read PEYMANA NÛ 2017 (ÎNCÎL) Efesiyan 1 Bible Online

Efesiyan 1 - PEYMANA NÛ 2017 (ÎNCÎL) bible

Efesiyan 1

¹Ji Pawlosê ku bi viyana[1]Xwedê bûye şagirtê Mesîh Îsa, ji pîrozên li Efesê ne re û ji yên di Mesîh Îsa de dilsoz in re:

²Ji Bavê me Xwedê û Xudan Îsa Mesîh ve bila xêr û xweşî li we be!

³Bila Xweda û Bavê Xudanê me Îsa Mesîh, ê ku me di Mesîh de bi her cûreyê bereketa ruhanî ve di cîhê ezmanî de bi berdar kirine, pîroz bibe.

⁴Çawa ku li berya xwe, bona ku em di hezkirinê de pîroz û bêqisûr bin, wî berî ava kirina dinê em di wî de bijartin.

⁵Bi xwestina xwe û li gor armanca xwe yî qenc, bi navgîniya Îsa Mesîh ve, bona ku em ji wî re bibin law, wî em ji berê ve kifş kirin.

⁶Ûsa ku, bila pesnahiya xêra wî yî bilind di Lawê xwe yî xoşewîst de ji me re bexşandiye, bê dayîn.

⁷Bi saya dewlemendiya xêra wî yî bi hemû zaniyarî û fêhmkariyê ve li ser me zêde kiriye,

⁸em di wî de bi xwîna wî xwediyê xelasiyê, bexşandina gunehên xwe ne;

⁹li gor riza xwe ya di wî de pêşniyar kiriye, raza daxwaziya xwe,

¹⁰yanê, bona rêz kirina bitûmiya wextan, ji me re daxuyanî kir ku divê yên li ezman in û divê yên li erdê ne, hemû tiştan dê di Mesîh de bike yek;

¹¹li gor dîtina daxwaziya xwe, li gor pêşniyara di her tiştî de Afirkir e, wekî ji berê ve hatibe pêşkêşî kirin,

¹²bona ku em, yên pêşiyê di Mesîh de hêvî kirine, bona pesnahiya bilindahiya wî bin, em di wî de beşdarvanên[1]mêrasê hatin kirin;

¹³hûn jî kelama rasteqîniyê, mizgîniya xelasiya we, wekî di wî de bihîstibin û baweriya xwe bi wî anîbin, bi Ruhê Pîroz yê wadê ve hatin mohr kirin;

¹⁴bona xelasiya milkê wî, bona pesnahiya bilindahiya wî, pêşîneka[1]mêrasa me ew e.

¹⁵Bona vêya ez jî, cergî min baweriya we yî bi Xudan Îsa ve û hezkirina ku hûn ji hemû pîrozan re geş dikin bihîstiye,

¹⁶bona we bê sekin şikiryê dikim û her tim we di duayên xwe de di bîr ve tînim;

¹⁷da ku, Xwedayê Xudanê me Îsa Mesîh, Bavê Bilind, bila ji bona ku hûn wî nas bikin, ruhê zanyarî û peyxamê bide we;

¹⁸da ku, wekî çavên dilên we ronî bibe, hûn hêviya bang kirina wî çî ye, dewlemendiya bilindahiya mêrasa wî yî di pîrozan de çî ye,

¹⁹ji bo me, yên ku bawerî anîne, li gor pêkanîna hêza qudreta wî, bilindahiya qudreta wî, ya pirr mezin çî ye, fêhm bikin.

²⁰Vêya jî bi hêza ku dema wî Mesîh ji mirinê ve vejand û wî li aliyê xwe yî rastê da rûniştin di wî de pêşkêş kir, di eynî çalakiyê de ye

²¹û wî[1]gellekî derxist ser hemû rêvebirî û hikumranî, hêz û serweriyan, ser her navên ne tenê di vî çaxî de, lê belê di çaxên bê de jî dê bîranîna wan bêne kirin ve

²²û her tiştî li binya lingên wî raxist û bi wî ve girêdayî danî û wî, bona ku li ser hemû tiştên hene bike serî, da Dêrê;

²³ev jî, bedena wî ye, tijî bûna yê her tiştî ji her alî ve dadigre ye.