Read PEYMANA NÛ 2017 (ÎNCÎL) Efesiyan 2 Bible Online

Efesiyan 2 - PEYMANA NÛ 2017 (ÎNCÎL) bible

Efesiyan 2

¹Hûn jî, ji berya sûc û gunehên xwe yî demekî tê de dijiyan, mirî bûn;

²hûn li pey yê li çûna dinê û ruhê ku niha di lawên bêîtaet in de çalak e, yanê, li pey serwerê hikumraniya li hewayê ve diçûn;

³demekî em hemû ûsa, di nava mirovan de bi cîh anîna xwestekên bedenê û aqil, li gor bedena xwe dijiyan û mîna yên din, bi xwezayî em jî zarokên xezebê bûn.

⁴Lê belê Xwedayê dilovaniya wî zêde ye, ji ber hezkirina xwe yî mezin, ya ku wî bi wê ji me hez kiriye,

⁵gava em hîn di nav sûcên xwe de mirîbûn jî, bi Mesîh re me vejand – hûn bi xêrê ve xelas bûn! –

⁶û me, bi wî re vejand û di Mesîh Îsa de li cîhên semawî da rûniştandin;

⁷vêya, bi qenciya ku di Mesîh Îsa de xuyayî me kir, bona bêdawîbûna dewlemendiya xêra xwe di demên werin de pêşkêş bike kir.

⁸Ji ber ku hûn bi rêya baweriyê, bi xêrê ve xelas bûn û ev ne ji we, xelata Xwedê ye.

⁹Bona ku kes pesnê xwe venede, ne ji dawiya karan e.

¹⁰Ji ber, bona ku em di karên qenc, yên ku Xwedê wan ji berê ve amade kiriye de bimeşin, em bona vana di Mesîh Îsa de avabûyî, berhemên wî ne.

¹¹Bona vêya bînin bîra xwe ku, hûn, demekê yên ji neteweyên din ve bûyîne, yên ji aliyê kesên di bedenê de suneta bi dest ve hatiye kirin û bi navê bisunetî tên bîranîn, ên ji we re dibêjin bêsunet;

¹²wê demê hûn, bê Mesîh, di Îsraêlê de bê niştewarî û xerîbê peymanên di derheqê wadê de û li dinê bêhêvî û bê Xwedê bûn.

¹³Lê belê demekê hûn yên dûr mabûn, niha di Mesîh Îsa de, bi saya xwîna Mesîh ve nêzîk bûn.

¹⁴Ji ber yê ku her duyan kirine yek û dîwarê dabeşkirinê xera kiriye û neyariyê, di sazûmanan de zagona emiran, di bedena xwe de betal kirine, xweşiya[1]me ew e;

¹⁵da ku, bila bi aşitî kirinê di xwe de ji her duyan mirovekî nû biafirîne

¹⁶û neyariyê wekî bi xaçê ve kuştibe, bi wê navditiyê her duyan di bedenekê de bi Xwedê re li hev bîne

¹⁷û ew hat û him ji we re, yên ku li dûra ne re û him jî ji yên nêzîk re mizgîniya dilxweşiyê da;

¹⁸ji ber ku di Ruhekî de ketina me her duyan ya hizûra Bavo bi navgîniya wî ye.

¹⁹Li gor vêya hûn êdî ne xerîb û mêvan in, lê belê bi pîrozan re hemgel û maliyên[1]Xwedê ne.

²⁰Hûn li ser bingeha ji şagirtan û peyxamberan ve, ya ku Mesîh Îsa bi xwe kevirê quncikê ye hatin ava kirin.

²¹Hemû xanî, bona ku di Xudan de bibe peretsgehekî pîroz, di wî de dizexme û bilind dibe;

²²hûn jî tevî hev di Ruh de, bona ku bibin xaniyê Xwedê, di wî de tên ava kirin[1].