Read PEYMANA NÛ 2017 (ÎNCÎL) Efesiyan 3 Bible Online

Efesiyan 3 - PEYMANA NÛ 2017 (ÎNCÎL) bible

Efesiyan 3

¹Ji ber vê yekê ez, Pawlosê ku di oxra we netewan de girtiyê Mesîh Îsa,

²di derbarê wezîfeya xêra Xwedê ya ku bona we ji min re hatiye dayîn de, wekî ku berê hinekî ji we re nivîsandibûm,

³ger hûn ya ku raz li gor peyxamê têgihandiye min bihîstibin,

⁴dema hûn vêya bixwînin, hûn dikarin bi vêya, di raza Mesîh de têgehîştina min fam bikin;

⁵mîna ku niha bi Ruh ve ji şagirtên wî yên pîroz û ji peyxamberên wî re hatiye kişif kirin;

⁶raza ku neteweyan bi navgîniya yên mêrasker[1]in û endamên pevra yên bedenê û Încîlê ve, di Mesîh Îsa de şirîkê wê ne, di nifşeyên din de ji zarokên mirov re nehat daxuyanî kirin.

⁷Li gor diyariya xêra Xwedê ya li gor çalakiya qudreta wî ji min re hatiye dayîn, ez bûm xizmetkarê vê Mizgîniyê.

⁸Bona dewlemendiya Mesîh ya ku nayê kişif kirin ji netewan re mizgînî kirinê

⁹û rêka rêza ku ji destpêkê ve[1], di Xwedayê ku her tiştî afirandiye de veşartiye nîşanî hemû mirovan bide, ev xêr, ji min, ji yê ku herî bêrumetê hemû pîrozan e re hate dayîn;

¹⁰da ku, bila zaniyariya Xwedê ya pirralî niha li gor teqdîra bêpêşî ya ku di Xudanê me Mesîh Îsa de kiriye,

¹¹bi navgîniya Dêrê li cîhên ezmanî ji hikumraniyan re û qudretan re bê têgihandin;

¹²bi navgîniya baweriya ku ji wî re ye, bi ewlekariyê di wî de dilawêriya me û têketina me heye.

¹³Bo vêya ez rica dikim ku, hûn li berya keserên ku ez di oxra we de dikişînim newêrek nebin; ew bilindahiya we ne.

¹⁴Bo vê sedemê, ez li berya Bavê ku hemû malbatên li ezman û li rûyê erdê navê xwe ji wî stendine çong dişkînim,

¹⁵da ku, li gor dewlemendiya mezintiya xwe di zilamê ji dil de, bi navgîniya Ruhê xwe bi qudretê xwurtbûnê,

¹⁶bi navgîniya baweriyê rûniştina Mesîh ya di dilê we de rûnê bide we;

¹⁷da ku, bona hûn bi hemû tijîbûna Xwedê ve tijî bibin, wekî di hezkirinê de bireh û bi bingehbûnê ve;

¹⁸bi hemû pîrozan re, di vêya de, fêhm kirina berfirehî, dirêjî û bilindî û kûranî, ka çî ye

¹⁹û bi zanîna ku, hezkirina Mesîh ya ji zanînê ve gellekî seretatir e hûn şiyandar bibin.

²⁰Bila li gor qudreta ku di me de çalak e, ji yê ku dikare ji xwesteka me an jî ji ya ku em fikirîne hê jî zêdetir bike re,

²¹di Dêrê[1]de û di Mesîh Îsa de heta hemûya nifşan, ji abadînê abadînan[2]ve mezinahî be! Amîn.